Идеал аёл қандай бўлиши керак? Бу саволга ҳозиргача ягона мукаммал жавоб топилган эмас. Чунки мезонлар турфа, ёндашувлар ҳал хил, қарашлар фарқли. Аммо хулосаларни умумлаштирувчи нуқталар бор. Масалан онанинг буюклигини ким инкор эта олади?! Волидасининг меҳрибон, опа- синглисининг оқила, жуфти ҳалолининг гўзал, вафоли, садоқатли, назокатли, келинининг пазанда, чевар, хушмуомала, қизининг илмга чанқоқ, одоб-ахлоқли… бўлишини орзу қилмайдиган одам борми?! Буларнинг бари нозик ҳилқат вакилларининг оила ва жамиятдаги ўрни, бурчу вазифаларига дохил хулосалар.
Давлат сиёсати самаралари
Лeкин бугунги шиддатли давр олдимизга бошқа бир ўта муҳим саволни кўндаланг қўймоқда: хўш, аёлнинг давлат ва жамоат ишларидаги иштироки қандай бўлиши керак? Нима учун опа-сингилларимиз ҳам етакчи сенатор, жонкуяр депутат, ташаббускор раҳбар, илғор тадбиркор, ҳам намунали оила бекаси бўла олмасликлари керак? Aна шу вазифаларнинг барини баб-баробар олиб бораётган эзгу фазилатлари билан ҳам оиласи, ҳам фаолиятини қойиллатиб келаётганларни аслида идеал хотин-қизлар сифатида эътироф этгим келади.
Ўзбекистонда гендер тенглик масаласи кўтарилган дастлабки паллаларда буни нотўғри талқин этувчилар топилгани эсингиздадир?! Хотин-қизларга кенг ва тенг ҳақ-ҳуқуқлар берилиши эркаклар манфаатларини чеклашини башорат қилувчилар ҳам бўлганди ўшанда. Ҳатто ҳозир ҳам бу ислоҳотлар мазмун-мохиятини теран англаб етолмаганлар борлиги ачинарли. Шунга қарамай, давлатимиз раҳбари янгиланишлар суръатини пасайтирмади. Aксинча, барчамизни фақат ва фақат олдинга шаҳдам қадамлар ташлашга даъват этди. Натижаларга эса ҳозирги кунда барчамиз гувоҳмиз!
Бизда қаннча олима бор?
Илм-фан фидойиликни талаб этади. Ўз оромидан воз кечиб, янгилик яратишга куч топа билганларни чинакам маънавий етук инсонлар деб аташ мумкинми? Албатта, мумкин. Айниқса, фарзандлар тарбияси, рўзғор юмушларидан ортиб, илмнинг этагидан маҳкам тутган опа-сингилларимиз — халқимизнинг бебаҳо хазиналари, десам муболаға бўлмас.
Шу боис юртимизда хотин-қизларни илмий фаолиятга кенг жалб қилиш чоралари кўрилаётир. Уларнинг замонавий ахборот-коммуникация технлогияларига асосланган дастурий ишланмалари, инновацион ғоялари, ихтирочилик ва рационализаторлик фаолияти қўллаб-қувватланмоқда.
Маълумотларга кўра, ҳозирги кунда юртимизда 3 568 нафар олима аёл бор. Уларнинг 707 нафари фан доктори, 2 412 нафари фан номзоди ва 449 нафари PhD илмий даражасига эга. Қувонарлиси, илмий тадқиқотлар нафақат тиббиёт, иқтисодий-гуманитар фанлар, балки техника ва қишлоқ хўжалиги соҳаларини ҳам қам раб олаётир. Ўз навбатида, бундай опа-сингилларимизнинг изланишлари, янги ишланмалари, инновацион лойиҳалари ҳар томонлама қўллаб-қувватланаётгани уларни янги-янги марралар сари илҳомлантиряпти.
Яна бир қизиқарли факт: 2020 йилда якунланган 1021 илмий лойиҳанинг 204 таси олима аёлларимиз раҳбарлигида бажарилган. Пировардида “Scopus”, “Web оf Science” индексацияланган маълумотлар базаларидаги илмий журналларда илмий мақолалар нашр этилган ҳамда 74 та интеллектуал мулк объекти (патентлар) рўйхатга олинган.
Айни пайтда эса давлат буюртмаси талабларига мувофиқ, умумий йиллик молиявий ҳажми 45,4 млрд. сўмлик 82 та илмий лойиҳага олима аёлларимиз бош-қош. Эътиборлиси, буларнинг натижасида тижоратлаштириш салоҳияти юқори бўлган янги ишланмалар ҳам яратиляпти.
Ихтирочилар yчyн ажойиб танлов
Рақобат бор жойда ривожланиш бўлади. Бинобарин муносиб рағбат ҳам изланишларнинг қаноти. “Олима аёллар грантлари” ташаббускор амалий ва инновацион лойиҳалар танлови таъсис этилишига айни шу омиллар туртки бўлди. Ҳозирги кунда танловга тақдим этилган 214 та лойиҳа белгиланган тартибда экспертизадан ўтказиляпти.
Бундан ташқари, фаол, ташаббускор ва лойиҳалар муаллифи бўлган олима аёлларимизни Россия, Беларусь, Қозоғистон Буюк Британия, Япония, Германия, Испания, Туркия, Австрия, Жанубий Корея, Латвия каби давлатларга илмий стажировкаларга юбориш режалаштирилган.
Ҳар бир олима аёлнинг ютуғи — бутун жамият учун фойдали. Жумладан “LOGOS” афазияни тиклашга мўлжалланган ўзбек тилидаги биринчи миллий дастур асосчиси Муниса Расулова 75 млн сўм миқдорида грантни қўлга киритди. “Антифриз ГА- 39” лойиҳаси асосчиси Мафтуна Турдимуродова эса лойиҳасини ривожлантириш 50 млн сўм грант ютиб олди. Эътиборлиси, бундай қизларимиз кўпайиб бораётир. Уларнинг илмий изланишлари эса мамлакатимиз тараққиётига хизмат қилаётир.
Ўқишга кирсаниз, имтиёз бор
Ҳар бир синфда камида 3-4 нафар аълочи қизлар бўлади. Аммо уларнинг барчаси ҳам мактабни тамомлаган, талабага айланавермайди. Бундай ҳолатлар, айниқса, чекка ва олис қишлоқларда нисбатан кўпроқ эди. Хўш, нега шундай? Гап шундаки, ҳамманинг имконияти ҳар хил. Баъзи оилаларда моддий етишмовчилик мавжуд. Айрим хонадонларда салбий муҳит ҳукмрон. Яна бошқа бир оилада илмга ташна қизлар оила ташвишлари билан ўралашиб қолган Хуллас, иштиёқ бору имконият йўқ эди.
Президентимиз хотин-қизларимизни қўллаб-қувватлашга доир ислоҳотлар жараёнида шу жиҳатни ҳам эътибордан четда қолдирмади. Яъни юртимизда олий таълим муассасаларининг бакалавриатига сингилларимиз учун қўшимча тўрт фоизли давлат гранти ажратилди. Маҳалла ва оилани қўллаб-қувватлаш вазирлигининг белгиланган шаклдаги тавсияномаларига эга бўлган абитуриентлар тест синовлари натижаларига кўра талабаликка қабул қилиниши ҳам зўр янгилик. Ушбу имтиёз амалдаги грант ўринларига таъсир ўтказмайди.
Эътиборлиси, тавсиянома беришнинг алоҳида мезонлари ҳам белгиланган Унга кўра, ушбу имтиёз кам таъминланган оиладан чиққан тўлиқсиз оилада тарбияланаётган, яъни ота ёки онаси вафот этган 14 ёшгача бўлган икки ва ундан ортиқ фарзандларни тарбиялаётган бошқа қариндошларидан алоҳида яшаётган ёлғиз аёл (эркак)ларнинг қизлари, шахсий уй-жойга эга бўлмаган ижарада яшаётган оилалар, ота-оналардан бири ёки ҳар иккиси ишсиз бўлган ва иш қидирувчи шахс сифатида ҳисобда турган ногиронлиги бўлган фарзанди бор оилалардан чиққан хотин-қизларга тақдим этилади.
Ҳозирги кунда дунёнинг 100 га яқин мамлакатларида 10 миллиондан зиёд ватандошларимиз истиқомат қилади. Улар томонидан 170 дан ортиқ маданий марказлар ташкил этилган.
Сўнгги йилларда хориждаги ватандошлар билан доимий мулоқот ва ҳамкорликни ривожлантириш, янги Ўзбекистонни барпо этиш йўлида олиб борилаётган ислоҳотларда уларнинг иштирокини рағбатлантириш, шунингдек, ҳуқуқ ва манфаатларини тўлақонли ва ҳар томонлама ҳимоя қилишга кўмак бериш борасида муҳим ишлар амалга оширилди.
Мамлакатимиз Президентининг “Ватандошлар” жамоат фондини ташкил этиш тўғрисида”ги қарори ана шу ишларни янги босқичга олиб чиқишга қаратилган муҳим ҳужжат бўлиб, унда хорижда истиқомат қилаётган ватандошларни тарихий Ватан атрофида янада жипслаштириш, уларни қалби ва онгида юрт билан фахрланиш туйғусини юксалтириш, миллий ўзликни сақлаб қолиш, ватандошлар ва улар томонидан тузилган жамоат бирлашмаларини қўллаб-қувватлаш, турли соҳаларда фаолият юритаётган ватандошларимизнинг салоҳиятини мамлакатимиз тараққиётига самарали йўналтириш бўйича комплекс чора-тадбирлар қамраб олинган.
Қарор лойиҳасини ишлаб чиқишда Қозоғистоннинг “Отандастар” жамғармаси, Россиянинг “Русский мир” жамғармаси, Жанубий Кореянинг Хориждаги ватандошлар ишлари бўйича жамғармаси, Австриянинг Хориждаги Австрия фуқароларини қўллаб-қувватлаш жамғармаси ва бошқа шу йўналишдаги жамғармалар фаолияти ўрганилди ва таҳлил қилинди.
Қарорга биноан, мамлакатимизда нодавлат нотижорат ташкилоти — “Ватандошлар” жамоат фонди ташкил этилиши белгиланди.
Хўш, фонд қандай юмушлар билан шуғулланади, унинг фаолияти асосий йўналишлари нималардан иборат бўлади? Хориждаги ватандошлар билан ҳамкорликни ривожлантириш; халқаро ҳуқуқ нормаларига амал қилган ҳолда, хориждаги ватандошларнинг ҳуқуқ ва эркинликларини ҳимоя қилишга кўмаклашиш; хорижда ўзбек тили, маданияти ва анъаналарини сақлаб қолиш ва ривожлантиришга қаратилган фаолияти қўллаб-қувватлаш; юртимизнинг бой илмий, маданий ва маънавий меросини кенг тарғиб қилиш ва оммалаштириш; хориждаги ватандошларнинг чет элдаги илмий ва ижодий, Ўзбекистондаги тадбиркорлик, инестициявий, илмий, маданий-маърифий фаолиятига кўмаклашиш ва бошқа вазифалар фонднинг асосий йўналишидир.
“Ватандошлар” жамоат фонди ўз фаопиятини бошлаши учун Молия вазирлиги орқали Вазирлар Маҳкамаси захира жамғармасидан 5 миллиард сўм ажратилади. Келгусида фонд фаолиятини молиялаштириш давлат субсидияси ва давлат ижтимоий буюртмалари, муассислар ажратадиган маблағлар, ҳомийлик хайриялари, грантлар ва бошқа манбалар ҳисобидан амалга оширилади.
Фонд Васийлик кенгаши машҳур шоир ва ёзувчилар, санъат, театр ва спорт арбоблари, миллий маданий марказлар вакиллари, дипломатик тажрибага эга ходимлар, соҳага масъул давлат органлари ва нодавлат тижорат ташкилотлари раҳбарларидан иборат таркибда шакллантирилади. Давлат органлари раҳбарларига фонд фаолиятини самарали ташкил этиш бўйича аниқ вазифалар юклатилади. Мисол учун республикамиз ҳудудида тадбиркорлик, инестициявий, илмий, маърифий ва маданий фаолият билан шуғулланишга жалб қилинган ватандошларга тегишли лойиҳаларни амалга оширишда ҳар томонлама амалий ёрдам кўрсатилади.
Шу билан бирга, хорижда истиқомат қилаётган ватандошларни олий таълим муассасаларига ўқишга қабул қилиш шартларига кўра, Ўзбекистон фуқароларига тенглаштириш ҳам назарда тутилган.
Мухтасар айтганда, мазкур ҳужжат хориждаги ватандошларимизни мамлакатимиз иқтисодиёти, ижтимоий соҳа, илм-фан маданият, спорт ва бошқа йўналишларни ривожлантириш, ўзларининг тарихий Ватани — Ўзбекистонинг обрўсини ошириш ҳамда унинг ташқи дунё билан муносабатларини мустаҳкамлашда ўз ҳиссасини қўшишга чорлайди ва ана шу эзгу мақсадга хизмат қилади.
Исмоил САИФНАЗАРОВ,
фалсафа фанлари доктори, профессор.
Манба: “Халқ сўзи” газетаси, 2021 йил 13 август, 170-сон.
Форумдан кўзланган мақсад аёл, унинг оилада, жамият ҳамда илмий фаолиятдаги ўрнини ибрат сифатида кўрсатиш орқали, хотин-қизларни илмли бўлишга ундаш, қонуний манфаатларини ҳимоялаш бўйича қабул қилинаётган қонунчилик билан яқиндан таништиришдан иборат.
Тадбирда Ўзбекистон Республикаси Олий Мажлис Қонунчилик палатаси депутатлари, “Адолат” СДП Сиёсий Кенгаши Марказий аппарати ҳамда ҳудудий ва маҳаллий Кенгашлар ходимлари, ҳамкор ташкилотлар масъул ходимлари, партиянинг “Аёллар қаноти” Кенгаши раислари, Ёшлар парламенти аъзолари, фаоллар ҳамда ОАВлари ходимлари иштирок этди.
Таъкидланганидек, бугунги кунда аёлларга ҳурмат-эҳтиром кўрсатиш, уларнинг жамият ҳаётидаги нуфузини ошириш, ташкилотчилик, тадбиркорлик, ишбилармонлик қобилиятини қўллаб-қувватлаш борасидаги ишлар кўламини кенгайтириш масалаларига алоҳида аҳамият қаратилмоқда. Бинобарин, аёлни эъзозлаш, хотин-қизларга муносиб ғамхўрлик кўрсатиш халқимизга хос юксак фазилатлардан биридир.
Опа-сингилларимизнинг давлат ва жамият қурилишидаги фаоллигини ошириш, мавқеини юксалтириш, уларни ҳар томонлама қўллаб-қувватлаш, меҳнатини муносиб рағбатлантиришга қаратилаётган ишлар бугунги кунда нечоғлик муҳимлигини исботлади.
Мамлакатимизда хотин-қизларнинг ижтимоий-сиёсий ва социал фаоллигини ошириш, уларнинг турли соҳа ва тармоқларда ўз қобилият ва имкониятларини рўёбга чиқариши учун шарт-шароит яратиш, ҳуқуқ ва қонуний манфаатларига сўзсиз риоя қилинишини таъминлаш, оналик ва болаликни ҳар томонлама қўллаб-қувватлаш, шунингдек, оила институтини мустаҳкамлаш борасида кенг кўламли ишлар амалга оширилмоқда. Бугунги кунда юртимиздаги давлат ва жамоат ташкилотлари тизимида аёллар раҳбарлик лавозимларида ишлаётгани ҳамда самарали меҳнат қилиш орқали ўз иқтидорларини намоён этаётганлари таҳсинга лойиқ.
Юртимизда олиб борилаётган ислоҳотларда, айниқса кутилаётган сайловнинг шаффоф ва адолатли бўлиб ўтишида хотин-қизларнинг фаоллиги муҳим аҳамиятга эга. Зеро, жойларда тарғибот-ташвиқот ишларини олиб бориш, Сайлов кодекси моҳиятини аҳолига етказиш ва сиёсий фаолликка чақиришда фидойи аёлларга таянамиз.
Ҳозирги кунда ҳар бир хотин-қиз демократик жараёнларнинг кузатувчиси эмас, балки фаол ва ташаббускор иштирокчиси бўлмоғи шарт. Дарҳақиқат, юртимиз тараққиётига муносиб ҳисса қўшаётган, меҳнаткаш, фидойи хотин-қизлар кўпчиликни ташкил этади. Мамлакатимиз тараққиёти ва халқимиз фаровонлиги йўлида меҳнат қилаётган аёлларнинг фидокорона хизматларини қадрлаш ва уларнинг ғояларини қўллаб-қувватлаш “Адолат” СДП Аёллар қаноти олдида турган муҳим вазифалардан биридир. Ўз соҳалари ривожида самарали изланишлар қилаётган хотин-қизлар доимий диққат-эътиборимизда. Аёлларнинг эркаклар билан тенгма-тенг меҳнат қилиши, илм билан шуғулланиши, юқори лавозимларни эгаллаб, ўз қобилиятини намоён этишига замин яратишга интилиш партия фаоллари шуғулланиши лозим бўлган масалалар қаторида турибди.
Жумладан, партиянинг “Бир адолатчи – юз аёлга ҳимоячи” лойиҳаси доирасида аёлларга ҳуқуқий ва психологик кўмак кўрсатиш, уларни меҳнат билан банд қилиш, тазйиқ ва зўравонликлардан ҳимоялаш, жамиятдаги ўрнини тиклашга катта эътибор қаратилди.
Маърузларда кўтарилган масалалар ечими юзасидан Ўзбекистон “Адолат” СДПнинг Қонунчилик палатасидаги фракцияси ва тегишли вазирлик ва ҳамда идоралар билан ҳамкорликда ишлашга келишиб олинди.
Бугун, 2 август куни Имконияти чекланган ёшлар ва болалар маркази директори, Ўзбекистон Республикасида хизмат кўрсатган артист Раъно Шодиева билан учрашув бўлиб ўтди.
Учрашувда Тошкент давлат иқтисодиёт университетида таҳсил олаётган ногирон, кўзи ожиз, эшитиш қобилияти чекланган ёшлар манфаатларини ҳимоя қилиш бўйича ўзаро ҳамкорлик масалалари муҳокама қилинди.
Музокаралар жараёнида имконияти чекланган (кар-соқов) талабалар учун сурдо таржимон мутахассисларни таълим жараёнига жалб этиш ҳамда кўзи ожизлар учун брайл алифбосида ўқув услубий мажмуалар яратиш бўйича ҳамкорликдаги вазифалар кўлами белгилаб олинди. Унга кўра, ҳамкорликнинг илк босқичида университетда сурдо таржимонлар фаолияти йўлга қўйилиб, 20 та ўқув қўланма ва дасрликлар брайл алифбосида тайёрланади.
Учрашув сўнггида Раъно Шоидева ўзининг 90 йиллигини нишонлаётган Тошкент давлат иқтисодиёт университети тарихи билан танишди.
Маълумот учун. UNICEF эълон қилган маълумотга кўра, дунё бўйича 93 миллионга яқин бола ногирон бўлиб яшайди. Ҳамма болалар сингари, ногирон болалар ҳам ўз келажагига ва орзуларига эга. Ҳамма болалар сингари, улар ҳам ўз маҳоратини ривожлантириш ва ўз салоҳиятини тўлиқ амалга ошириш учун сифатли таълимга муҳтож.
Ўтган 2020/2021-ўқув йилида университетда жами 49 нафар турли кўринишдаги ногиронлиги бўлган талаба таҳсил олган. Шундан:
– Кўзи ожиз (ҳар икки кўзининг тўлиқ кўрмаслиги, бир кўзнинг тўлиқ кўрмаслиги) – 9 нафар;
– Таянч-ҳаракат аъзосида нуқсони бор (қўлида нуқсони мавжуд, ампутант) – 9 нафар;
– Таянч-ҳаракат аъзосида нуқсони бор (оёғида нуқсони мавжуд, ампутант) – 29 нафар;
– Бошқа касалликлар (қандли диабит, тутқаноқ, онкологик касал ва бошқалар) – 2 нафар.
Бу каби нуқсони бўлган ёшлар аввало, суҳбат ёки имтиёз асосида ўқишга қабул қилинган ва улар учун ўқиш жараёнлари Халқаро ногиронлар билан ишлаш талабларига мослашган ҳолда шароитлар яратилган.
Тошкент давлат иқтисодиёт университети бир йилга яқин муддат давомида олиб борилган музокаралар натижасида Лондон Университети (University of London) ва Лондон иқтисодиёт ва сиёсий фанлар мактаби (LSE) билан келишувга эришиб, ҳамкорликда ISEF қўшма таълим дастурини йўлга қўйди.
Тошкент давлат иқтисодиёт университетида Буюк Британиянинг Лондон университети (University of London) ҳамкорлигида International School of Economics and Finance (ISEF) қўшма таълим дастурида академик раҳбарлик London School of Economics and Political Science (LSE) томонидан амалга оширилади. Қўшма таълим дастури битирувчилари Тошкент давлат иқтисодиёт университети ва Лондон университети (University of London) дипломларига эга бўладилар.
Сайтимизда ушбу жараёнлар батафсил ёритиб келинмоқда. Жумладан, Тошкент давлат иқтисодиёт университети Лондон иқтисодиёт ва сиёсий фанлар мактаби ( LSE ) билан меморандум имзолангни ва Тошкент давлат иқтисодиёт университетида Лондон университети (University of London) ҳамкорлигида қўшма таълим дастури йўлга қўйилиши муносабати билан бўлиб ўтган матбуот анжумани ҳақида мақолалар чоп этилган эди. Сўнгги ярим йил мобайнида Ўзбекистон олий таълим тизими учун жуда муҳим келишув сифатида қаралган ушбу қўшма дастурнинг аҳамияти нимада?
Қўшма таълим дастурида ўқитиш жараёни тўлиқ инглиз тилида бўлиб, ўқув режалари, фан дастурлари ва ўқув материаллари Лондон иқтисодиёт ва сиёсий фанлар мактаби (LSE) академик раҳбарилигида ишлаб чиқилади. Якуний назорат синовлари Лондон иқтисодиёт ва сиёсий фанлар мактаби (LSE) профессорлари томонидан таёрланади ва мустақил баҳоланади. Йил сўнгида якуний назорат синовларини Британия кенгаши (British Council) назоратида ўтказилади. Бу эса, ўқитиш жараёнида шаффофлик ва таълим сифатини таъминлайди.
Буюк Британиянинг 17 та нуфузли олий таълим муассасаларидан иборат Лондон университети (University of London) федерацияси кенгаши Тошкент давлат иқтисодиёт университети билан ҳамкорликда йўлга қўйилган мазкур дастурни маъқуллаб, уни International School of Economics and Finance (ISEF) номи билан юритилувчи ўзининг тан олинган Ўзбекистондаги халқаро қўшма таълим дастури мақомини берди, шунингдек, 2021/2022 ўқув йилидан бошлаб қабул жараёнини амалга оширишга рухсат берди.
Лондон иқтисодиёт ва сиёсий фанлар мактаби (LSE) ҳақида нималарни биламиз? Унинг халқаро рейтингларда тутган ўрнига назар солайлик:
Лондон иқтисодиёт ва сиёсий фанлар мактаби (London School of Economics and Political Science) нуфузли олий таълим муассасаси сифатида Times higher Education халқаро рейтингида 27-ўринни эгаллаб келмоқда. QS халқаро рейтингида Ижтимоий фанлар ва менежмент бўйича дунёда 2-ўрин, Бухгалтерия ва молия йўналиши бўйича дунёда 4-ўринни, Иқтисодиёт ва эконометрика йўналиши бўйича эса 6-ўринни эгаллайди. Шунингдек, QS Европа рейтингида Ижтимоий фанлар ва менежмент, Бухгалтерия ва молия ҳамда Иқтисодиёт ва эконометрика йўналишлари бўйича 1-ўринни эгаллайди.
Лондон иқтисодиёт ва сиёсий фанлар мактаби (LSE) Лондон университети (University of London) федерацияси аъзоси бўлганлиги учун ўзининг халқаро қўшма таълим дастурларини ушбу федерация аъзоси сифатида амалга оширади.
Мазкур қўшма таълим дастурида ўқиш давомийлиги 4 йилни ташкил этиб, талабалар биринчи ўқув йилида Foundation босқичида таҳсил олишади. Таълимнинг 2-3-4 ўқув йилларида талабалар LSE академик рахбарлиги асосида UoL дастурлари бўйича таҳсил олишади. 2021/2022 ўқув йили 1 босқичини (Foundation) муваффақиятли тамомлаган талабалар ўқишларини иккинчи босқичдан қуйидаги йўналишлар бўйича давом эттиришлари мумкин бўлади:
- Бухгалтерия ҳисоби ва молия (BSc Accounting and Finance);
- Банк иши ва молия (BSc Banking and Finance);
- Иқтисодиёт (BSc Economics).
Аҳамиятлиси шундаки, 1 босқични (Foundation) тамомлаганда бериладиган махсус диплом билан талабалар ISEF қўшма дастури йўналишларидан ташқари Буюк Британия ҳамда Европанинг бошқа университетлари бакалавр босқичида ҳам таҳсил олишлари мумкин. Foundation ўқув режалари ва фан дастурлари ТДИУ томонидан тайёрланган бўлиб, LSE томонидан ўқув жараёнида фойдаланиш учун маъқулланган.
Шу ўринда қўшма таълим дастурининг ижрочи директори профессор Gavin Kretzschmar нинг фикрларини келтириб ўтсак:
“Юқори рейтинга эга бўлган LSE академик раҳбарлиги остидаги UoL дастурлари олий таълимни тўлиқ ижобий томонга ўзгартириш салоҳияти ва қудратига эга.
Ота-оналарга ишонч билан айтишимиз мумкинки, UoL ва LSE билан ҳамкорлик ўзбекистонлик талабалар ўз ватанлари Ўзбекистонда жаҳон даражасидаги бакалавр дастурлари бўйича таълим олиш имкониятига эга бўладилар.
Ишончим комилки, ISEF талабаларининг имкониятлари ва ютуқлари чексиз бўлади, чунки ISEFда ҳар доим талабаларга сифатли таълим ва мукаммалликни ўргатишга эътибор қаратилади.
Шу ўринда яна бир бор ISEF жамоасини ушбу дастурнинг йўлга қўйилиши билан табриклаймиз, бу ҳақиқатдан ҳам ТДИУ – ISEF жамоасининг ажойиб ютуғи!
UoL – LSE дастурларини муваффақиятли амалга оширишда ISEF профессор-ўқитувчилари ва талабаларига раҳбарлик қилиш ва уларни қўллаб -қувватлаш бўйича UoL ва ISEF нинг таклифини қабул қилишдан мамнунман”.
Ҳужжатларни қабул қилиш онлайн режимда ISEF қўшма таълим дастури веб-сайти орқали амалга оширилмоқда. Абитуриентларга қулайлик яратиш мақсадида ҳужжатларни қабул қилиш ва кириш имтиҳонларни топшириш (2 август – 7 сентябрь оралиғида) 3 маротаба ташкил этилади.
Аризалар умумий ўрта таълим (11-синф негизида) ёки ўрта махсус (академик лицей) ёки профессионал таълим (коллеж) муассасаларини тугатган абитуриентлардан қабул қилинади.
Кириш имтиҳонлари 2 босқичдан иборат:
1-босқич: Онлайн ариза топширган ва аризалари қабул қилинган барча абитуриентлар ТДИУдаги қўшма дастур кампусида (йўриқномага мувофиқ) имтиҳонда қатнашишга таклиф қилинади. Ушбу босқичда абитуриентларнинг билимлари қуйидаги фанлар бўйича синовдан ўтказилади:
- Инглиз тили: 30 минут (тест)*
- Инглиз тили: 30 минут (иншо)*
- Математика: 45 мин (тест)
- Мантиқ: 30 мин (тест)
*IELTS (5.0 ва ундан юқори балл) сертификатига ёки унга тенглаштирилган халқаро тан олинган инглиз тили сертификатларига эга бўлган абитуриентлар инглиз тили синовларидан озод этилади.
2-босқич: Иккинчи босқичга биринчи босқичда минимал талабни бажарган талабгорлар ISEF қўшма таълим дастури ТДИУ биносига суҳбат учун таклиф этилади. Ушбу босқичда абитуриентлар билан қўшма таълим дастури раҳбарияти инглиз тилида суҳбат ўтказади.
Қўшма таълим дастурида дарс машғулотлари нуфузли хорижий университетларни тамомлаган ва махаллий университетларнинг юқори малакали профессор-ўқитувчилари томонидан инглиз тилида олиб борилади.
Манзил: 100066, Тошкент шаҳри, Чилонзор тумани, Ислом Каримов кўчаси, 49-уй, ТДИУ маъмурий бино 9-қават.
Телефон: +998 94 648 5015
+998 94 648 5016
E-mail: info@isef-lseuol.ac
Веб-сайт: www.isef-lseuol.ac
Telegram: @isefuz
Facebook: facebook.com/isefuz
Instagram: https://instagram.com/isef_lseuol?utm_medium=copy_link
YouTube: https://www.youtube.com/channel/UCuzfDHw9DAp0biS0qjqvMJQ
Mualliflik huquqi © 2019 TDIU. Barcha huquqlar himoyalangan..