Kun: 07.01.2021

Тошкент давлат иқтисодиёт университети ректори Қўнғиротбой Шарипов Иқтисодиёт факультети профессор-ўқитувчилари билан учрашув ўтказди.

Учрашувда Ўзбекистон Республикаси Президентининг Олий Мажлисга Мурожаатномасида олий таълимнинг қамрови ва сифатини ошириш бўйича белгилаб берилган устувор вазифалар ижросини таъминлаш масалалари кенг муҳокама қилинди.

Қизғин муҳокамалар жараёнида университетга билимли ва иқтидорли ёшларни жалб қилиш, таълим беришнинг сифат даражасига эришиш, таълим тизимининг қуйи бўғинлари ўртасидаги узвийликни кучайтириш, талабаларни ўқиш давомида илмий тадқиқотларда иштирок этишларини рағбатлантириш, ўз лойиҳалари асосида тадбиркорлик фаолиятига кўмаклашиш, фан олимпиадалари, турли кўрик-танловлардаги иштирокини таъминлаш, турли гарнтларни қўлга киритишларига ёрдам бериш борасидаги таклифлар ўртага ташланди.

Мамлакатда амалга оширилаётган ислоҳотларда муносиб иштирок этиш, турли лойиҳаларни илмий асосланган ҳолда ҳаётга татбиқ қилиш, ҳудудларни ижтимоий-иқтисодий ривожлантиришнинг илмий асосларини ишлаб чиқиш масалалари атрофлича таҳлил қилинди.

Нуфузли хорижий университетлар, илмий ва инновацион марказлар билан алоқаларни кучайтириш, янги авлод дарсликларини яратиш, университетнинг салоҳиятли фан докорларининг илмий мактаблари ва инновацион фаолиятни жонлантириш жорий йилда устувор вазифалардан эканлиги қайд этилди.

Кўриб чиқилган барча масалалар юзасидан масъул ходимларга тегишли вазифалар белгилаб берилди.

 

Тошкент давлат иқтисодиёт университетида Олий таълим муассасаларининг ёшлар билан ишлаш бўйича проректорлари (директор ўринбосарлари) иштирокида олий таълим муассасаларида ёшлар билан ишлаш, маънавий-маърифий ишларни янада такомиллаштириш ва Ўзбекистон Республикаси Президентининг Олий Мажлисга Мурожаатномасини кенг тарғиб қилиш бўйича ўқув семинари бўлиб ўтди.

Тошкент давлат иқтисодиёт университетининг илмий-адабий маслаҳатчиси М.Қуронов ўқув-семинарида Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси мазмун-моҳияти ва унинг ёшлар орасидаги тарғиботи бўйича маълумотлар берди. Ўзбекистон ёшлар иттифоқи Марказий Кенгаши раиси А.Жумабоев семинар иштирокчиларига Ўзбекистон Республикаси Президенти Шавкат Мирзиёевнинг Ўзбекистон ёшлари форумида сўзлаган нутқидан келиб чиқадиган хулосалар бўйича ҳам маълумотлар берди.

Шунингдек, ўқув семинарида Олий таълим тизимига гендер ёндашувни татбиқ этиш ва бошқаришнинг назарий-методологик асослари бўйича ҳам машғулотлар ўтилди.

Танаффус вақтида Бадантарбия ва спорт машқлари ўтказилди.

Танаффусдан сўнг машғулотлар давом эттирилиб, Б. Эргашев томонидан Адиблар хиёбонида ташкил этилаётган маънавий-маърифий тадбирлар ва “Илҳом” мукофоти танловининг талаба-ёшлар ўртасидаги тарғиботи бўйича ўз фикр-мулоҳазаларини билдирди.

Ўқув-семинар давомида Фонд томонидан ташкил этиладиган янги лойиҳалар ва ОТМлар билан ҳамкорлик масалалари ҳам муҳокама марказида бўлди. Олий ва ўрта махсус таълим вазирининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси О.Жамолдинова Таълим муассасалари, ҳудудий бошқармалар ҳамда вазирлик тизимидаги ташкилотларда давлат тилида иш юритиш масалалари бўйича фикр мулоҳазаларини билдирди.

Ўқув-семинарида Олий таълим муассасаларида спорт клуби фаолиятини самарали ташкил этиш ва спорт тадбирларини ўтказиш ҳамда Learning Outcomes (таълим натижаси) – профессионал таълим ва тарбия самарадорлигини ривожлантириш стратегияси бўйича машғулотлар ўтказилди.

Ўқув-семинарининг биринчи кунидаги машғулотларни Олий ва ўрта махсус таълим вазирлигининг Маънавий-ахлоқий тарбия бошқармаси бошлиғи О.Базаров ОТМларининг маънавий-маърифий тадбирлардаги иштироки мониторинги билан якунлади. Ўқув-семинар давомида иштирокчиларнинг таклиф ва тавсиялари тингланди. Ҳар бир иштирокчи фаолияти давомидаги ютуқлари ва янги ғоялари бўйича ўз фикр-мулоҳазаларини билдиришди.

Олий таълим муассасаларининг ёшлар билан ишлаш бўйича проректорлари (директор ўринбосарлари) иштирокида олий таълим муассасаларида ёшлар билан ишлаш, маънавий-маърифий ишларни янада такомиллаштириш ва Ўзбекистон Республикаси Президентининг Олий Мажлисга Мурожаатномасини кенг тарғиб қилиш бўйича ўтказилаётган ўқув семинарининг 2-кунида семинар иштирокчилари “Ғалаба боғи” ёдгорлик мажмуаси, “Адиблар хиёбони” ва “Тошкент тарихи” музейига ташриф буюришади.

 
archive.php