Oy: Avgust 2018

Bugun, 31 avgust kuni Toshkent davlat iqtisodiyot universitetida Jahon universitetlarining reytingi QS Sharqiy Yevropa va Markaziy Osiyo mamlakatlari bo‘yicha hududiy direktori Zoya Zaytseva boshchiligidagi delegatsiya rasmiy tashrif bilan bo‘ldi.

Mehmonlarni universitet Ilmiy ishlar va innovatsiyalar bo‘yicha prorektori Sherzod Mustafaqulov, Xalqaro aloqalar bo‘limi boshlig‘i Nozima Zufarova kutib oldilar.

Universitet rektori Bahodir Xodiyev va QS Sharqiy Yevropa va Markaziy Osiyo davlatlari bo‘yicha mintaqaviy direktori Zoya Zaytseva, Elsevier kompaniyasining mintaqaviy direktori Aliya Ospanova, Elsevier kompaniyasining O‘zbekiston bo‘yicha kordinatori Dilnoza Allanazarova ishtirokida bo‘lib o‘tgan uchrashuvda jahon universitetlari reytingini belgilab beruvchi nufuzli QS kompaniyasi bilan Toshkent davlat iqtisodiyot universitetini xalqaro reytingda ishtirokini ta’minlash, kelajakda mazkur vazifani amalga oshirish bo‘yicha universitet oldida turgan muhim vazifalar va ularni samarali ro‘yobga chiqarish bo‘yicha hamkorlik qilish masalalari muhokama qilindi.

Muzokaralar davomida TDIUni xalqaro reytingga kiritish bo‘yicha bosqichma-bosqich jarayonlarni tashkil etish va bu borada ilg‘or xorijiy tajribalardan unumli foydalanish, QS kompaniyasi bilan o‘zaro hamkorlikni yanada kengaytirish imkoniyatlari ko‘rib chiqildi.

Zoya Zaytseva tomonidan xalqaro reyting talablarini bajarish bo‘yicha zarur ma’lumotlar va ko‘rsatmalar berildi.

TDIU Axborot xizmati

2018/2019 o‘quv yili qabuli uchun Toshkent davlat iqtisodiyot universiteti bakalavriatining sirtqi ta’lim shakliga hujjat topshirgan abituriyentlar uchun “ABITURIYENT RUXSATNOMASI (DTM)” 2018-yil 15-16-iyul kunlari test sinovlari o‘tkaziladigan binolarda beriladi.

Abituriyentning bin ova guruh raqami, test sinovlari o‘tkaziladigan bino va manzillari haqidagi ma’lumotlar Toshkent davlat iqtisodiyot universiteti qabul komissiyasi e’lonlar taxtasidan o‘rin olgan.

Test sinovlari 2018-yil 17-avgust kuni 1-smena (soat 8:00) va 2-smena (15:00)da o‘tkaziladi.

Test sinovlari o‘tkaziladigan bino bino nomi va manzillari haqida ma’lumot:

  1. 8- va 9-binolar — Respublika ixtisoslashtirilgan olimpiya zaxiralari maktab-internati

(Manzil: Chilonzor tumani Foziltepa ko‘chasi 38-uy)

  1. 11-bino — Toshkent shahri Yoshlik sport majmuasi (Manzil: Islom Karimov ko‘chasi 98A-uy)

  1. 7-bino — Xalq iste’mol tovarlarining ko‘rgazma yarmarka savdosi Respublika markazi

(Manzil: Beruniy ko‘chasi 41-uy)

Toshkent davlat iqtisodiyot universiteti rahbariyati universitetda faoliyat olib borayotgan professor-o‘qituvchilar, ilmiy izlanuvchilardan iborat xodimlarni M.V.Lomonosov nomidagi Moskva davlat universitetiga malaka oshirish uchun yubordi. Malaka oshirish muddati ikki haftani tashkil etadi.
Joriy yilning 5-avgustidan 19-avgustiga qadar jami 15 nafardan iborat professor-o‘qituvchilar Moskva davlat universiteti bilan imzolangan o‘zaro kelishuvga binoan ijtimoiy-iqtisodiy o‘zgarishlarni modellashtirish, istiqbol ko‘rsatkichlarni hisoblash va tanqidiy tahlil qilishning usul va vositalari bo‘yicha o‘z malakalarini oshiradi.
Eslatib o‘tamiz, mazkur xalqaro hamkorlik faoliyati O‘zbekiston Respublikasi Prezidentining 2018-yil 5-iyundagi PQ-3775-son qarorida belgilangan professor-o‘qituvchilarning yuqori kasbiy mahorat va zamonaviy bilimlarga ega bo‘lishini ta’minlash to‘g‘risidagi vazifalar ijrosini ta’minlash maqsadida amalga oshirilmoqda.
archive.php