Buxgalterlar va auditorlar ishtirokida anjuman bo‘lib o‘tdi

Iqtisodiy tahlil va audit hamda Buxgalteriya hisobi kafedralari, O‘zbekiston Buxgalterlar va auditorlar  milliy assotsiatsiyasi, O‘zbekiston auditorlar palatasi hamda Moliya vazirligi, Xalqaro buxgalterlar federatsiyasi (IFAC), Angliya va Uels sertifikatlangan buxgalterlar institutining (ICAEW) vakillari bilan birgalikda anjuman o‘tkazildi.

Anjumanda “Buxgalteriya hisobi va auditning xalqaro standartlarini rivojlantirish va joriy qilishda IFACning roli”, “Xalqaro audit standartlarini amalga oshirishda professional tashkilotlarning roli: afzalliklari va qiyinchiliklari” kabi mavzular muhokama qilindi.

Xalqaro buxgalterlar federatsiyasi (IFAC) vakili M. Chuvasheva o‘zining chiqish so‘zida Buxgalteriya hisobi va auditning xalqaro standartlarini rivojlantirish va joriy qilishda IFACning roli, audit sifatini nazorat qilish va ta’lim, davlat sektorida buxgalteriya hisobi (IPSAS) va professional buxgalterlar uchun axloq kodeksi haqida to‘xtalib o‘tdi.

ICAEW vakili Djon Xuper anjumanda “Audit sifatni nazorat qilish ishlarida tartibga soluvchi turuvchi organ va professional tashkilotlarning roli hamda boshqa mamlakatlarning tajribasi” mavzusidagi ma’ruza bilan ishtirok etib, sohaga oid dunyo standartlari haqida gapirib berdi.

Davra suhbati davomida ishtirokchilar taqdimot mavzulariga oid dolzarb masalalarni muhokama qildilar va o‘zlarini qiziqtirgan savollariga aniq va batafsil javob oldilar.

 

Izohlar
Izoh qoldirish
single.php