«Winter school» loyihasi o‘z faoliyatini boshladi

Bugun, 6-yanvar kuni Toshkent davlat iqtisodiyot universitetida maktab o‘quvchilari uchun bepul «Winter school» loyihasi o‘z faoliyatini boshladi. Unda mamlakatimizning turli hududlaridan tashrif buyurgan 9 yoshdan 18 yoshgacha bo‘lgan maktab o‘quvchilari ishtirok etmoqda.

Loyiha quyidagi dasturlarni o‘z ichiga oladi:

  • Start UP loyihalarini boshqarish
  • Robototexnika
  • 1S Buxgalteriya

Shuningdek, loyiha doirasida sohaning yetakchi amaliyotchi mutaxassislari tomonidan «Men o‘qituvchi bo‘lsam», «Mahsulotni brend qilish», «Stol serverovkasi va mijozlarga xizmat ko‘rsatish» hamda «Taym menejment» kabi mavzularda qiziqarli mahorat darslari ham tashkil qilinmoqda. 

Loyiha mashg‘ulotlari Toshkent davlat iqtisodiyot universiteti hamda Toshkent shahridagi Turin politexnika universiteti professor-o‘qituvchilari va iqtidorli talabalari tomonidan o‘tkazilmoqda.

Mazkur loyihaning asosiy maqsadi yoshlarni maktab davridanoq mutaxassisliklarga yo‘naltirish va ularda kasbiy ko‘nikmalarni shakllantirish orqali ta’til davridagi bo‘sh vaqtlarini mazmunli o‘tkazishga qaratilgan.

Loyiha keng qamrovga ega bo‘lib, o‘quvchilarning talab va istaklari inobatga olinib yozgi, qishki hamda oraliq ta’til vaqtlari davomida o‘tkazilish rejalashtirilgan.

Loyihaning faol ishtirok etib, o‘z ishlanmalari va iqtidorlarini namoyon qilgan o‘quvchilari diplom hamda sertifikat bilan taqdirlanadi.

«Winter school» loyihasi birinchi mashg‘ulotlari 2020 yil 6-10 yanvar kuni bo‘lib o‘tishi belgilangan.

 

Izohlar
Izoh qoldirish
single.php