YANGILIKLAR

Yil: 2020

Qo‘shma ta’lim dasturi ustunliklari

Qo’shma ta’lim dasturida tahsil olib ikkila universitetning ta’lim dasturini o’qish va ham mahalliy ham xorijiy universitetning diplomini olish mumkin, ya’ni ikkita diplom beriladi.

– Qo’shma dastur (ikkita diplom)  – Yevropa Ittifoqining sifatli ta’limi. – Xorijiy va mahalliy ilg’or o’qituvchilar.

– 60 ECTS va 180 ECTS kredit modul tizimi – Xalqaro tashkilotlarda malakaviy amaliyot o’tash.

– Talaba almashuv dasturlari.

 

Бугун, Тошкент давлат иқтисодиёт университети проректорлари, факультет деканлари, бўлим бошлиқлари, кафедра мудирлари иштирокида кенгайтирилган йиғилиш бўлиб ўтди.

Кун тартибидан ўрин олган “Таълим сифатини назорат қилиш давлат инспекцияси томонидан Тошкент давлат иқтисодиёт университетини ички ва ташқи баҳолашдан ўтказиш тўғрисида”ги масала юзасидан Таълим сифатини назорат қилиш бўлими бошлиғи Норбой Каримов маълумот берди.

Таълим йўналишларининг ўқув жараёни меъёрий ҳужжатлари ҳамда ўқитиладиган фанларнинг ўқув адабиётлари, дарслик ва ўқув қўлланмалар билан таъминланганлиги, профессор-ўқитувчиларнинг охирги тўлиқ икки ўқув йилида чоп этган дарслик, ўқув қўлланмалари ва икки календарь йилда нашр этилган монографиялари рўйхати, кафедраларнинг илмий-педагогик салоҳияти бўлиб ўтадиган аттестация-акредитация жараёнларига қай даражада тайёр эканлиги танқидий таҳлил қилинди.

Шундан сўнг, Ёшлар билан ишлаш бўйича проректор Садриддин Худойқулов 2020/2021 ўқув йили учун бўлиб ўтаётган қабул жараёнлари ҳақида йиғилганларга маълумот бериб ўтди.

Университет ректори Қўнғиротбой Шарипов кун тартибидан ўрин олган масалалар юзасидан фикр билдириб, амалга оширилаётган ишлар ва кўрилаётган чора-тадбирларнинг изчиллигини таъминлаш борасида сўз юритди.

— “Албатта, бугун олдимизда долзарб ва ўз ечимини кутаётган масалалар талайгина, уларнинг ижроси олдимизга қўйган олий мақсадимиз — дунё тан оладиган малакали кадрлар тайёрлаш борасидаги интилишларимизни рўёбга чиқаришини бир зум ҳам ёддан чиқармаслигимиз керак, дейди университет ректори. Аввало, таълим даргоҳимизда бошланган шаффоф ва адолатли таълим тизимини қатъият билан амалга оширишда бирдамлик намоён этишимиз зарур. Шу маънода, ҳозирги кунда яратилаётган яхлит платформа асосида ўқув жараёнларини ташкил этиш ҳамда педагоглар ва талабаларнинг ахборот технологияларидан самарали фойдаланиш кўрсаткичларини оширишга алоҳида эътибор қаратишимиз лозим.”

Йиғилиш сўнгида кўриб чиқилган масалалар юзасидан мутасадди ходимларга тегишли вазифалар белгилаб берилди. Содир бўлиши мумкин бўлган коррупцион ҳолатларни ўз вақтида аниқлаш, олдини олиш ва унга қариши курашишга қаратилган чора-тадбирлар ишлаб чиқилди.

 

С.Ю. Витте номидаги Москва университети негизида “МЕНЕЖМЕНТДА АХБОРОТ ТЕХНОЛОГИЯЛАРИ: БОШҚАРУВ ВА  ИЖТИМОИЙ  ЖИҲАТЛАРИ” халқаро илмий-амалий конференцияси бўлиб ўтди.

Конференция замонавий жамиятни ривожланишида рақамлаштириш, глобаллашув ва бошқа  тенденцияларни ҳисобга олган ҳолда, ташкилот ва корхоналарни бошкариш назарияси ва амалиётини ривожлантириш натижаларини баҳолашга бағишланган бўлиб, ҳамда ижтимоий–иқтисодий тизимларни  ривожлантиришнинг устувор йўналишларини белгилашга қаратилган эди.    

Конференцияда Россия, Ўзбекистон, Беларусь, Арманистон, Франция ва бошқа давлатлардан 75 нафар иштирокчи қатнашдилар.

Ялпи мажлисда Тошкент давлат иқтисодиёт университетининг Рақамли иқтисодиёт ва ахборот технологиялари кафедраси мудири И. Жуковская ва ушбу кафедранинг доценти Ш. Хашимходжаев маъруза қилдилар.  

Секциялар ишида Рақамли иқтисодиёт ва ахборот технологиялари кафедраси таянч докторантлари Ш.Ш. Садыков ва Н.А.Рихсибоевлар катнашдилар.

Конференция якунида иштирокчилар томонидан хорижий университетларнинг  С.Ю. Витте номидаги Москва университети билан келажак ҳамкорлиги ҳақида истиқболли таклифлар киритилди.  Конференция иштирокчилари шу каби ихтисослашган конференцияларни мунтазам ўтказиш зарурияти ҳақида алоҳида тўхталиб ўтдилар.

 

Хабарингиз бор, молиявий ҳисоботнинг халқаро стандартларига ўтишни жадаллаштириш орқали хорижий инвесторларни зарур ахборот муҳити билан таъминлаш ва халқаро молия бозорларига кириш имкониятларини кенгайтириш, шунингдек, ҳисоб ва аудит соҳалари мутахассисларини халқаро стандартлар бўйича тайёрлаш тизимини такомиллаштиришга қаратилган Ўзбекистон Республикаси президентининг “Молиявий ҳисоботнинг халқаро стандартларига ўтиш бўйича қўшимча чора-тадбирлар тўғрисида” қарори қабул қилинган эди.

Қарорга асосан МҲХС соҳасида мутахассисларни тайёрлаш бўйича жаҳоннинг муваффақиятли тажрибаларини оммалаштириш, шу жумладан бухгалтерия ҳисоби ва аудит соҳасида қайта тайёрлаш ва малака ошириш бўйича нодавлат таълим ташкилотларини ҳамда соҳага оид олий таълим муассасаларининг ўқув дастурларини босқичма-босқич халқаро аккредитациядан ўтказиш юзасидан бухгалтерия ҳисоби соҳасидаги халқаро ташкилотлар билан ўзаро ҳамкорликни кенгайтириш бўйича вазифалар белгилаб берилди. Хусусан, Тошкент давлат иқтисодиёт университетининг «Бухгалтерия ҳисоби» ва «Аудит» фанлари бўйича педагог ходимларини аккредитациядан ўтган ўқув марказларида Молиявий ҳисоботнинг халқаро стандартлари бўйича тезлаштирилган тарзда ўқитиш бўйича ҳам аниқ вазифалар белгилаб берилди.

Ушбу вазифалар ижросини таъминлаш мақсадида Тошкент давлат иқтисодиёт университетида ривожланган давлатларнинг илғор тажрибаси асосида ўқув жараёнини ташкил этишга бағишланган видеомулоқот ташкил этилди.

Бўлиб ўтган видеомулоқот давомида Буюк Британиянинг Халт халқаро бизнес мактаби (Hult International Business School), Бухгалтерия ҳисоби ва молия факультети доценти лавозимида фаолият кўрсатаётган хорижий ватандошимиз Хамид Иргашев молиявий ҳисоботнинг халқаро стандартлари ҳамда мазкур соҳада кадрлар тайёрлашнинг замонавий усуллари ҳақида батафсил маълумот бериб ўтди.

Маълумот ўрнида айтиш керакки, Хамид Иргашев Лондон иқтисодиёт мактаби (London School of Economics) ва Фордхем университетида (Fordham University) ҳам бухгалтерия ва молиявий ҳисобот йўналишида академик фаолиятини самарали олиб бормоқда. Шунингдек, у Олий таълим академияси (HEA), Сертификатланган малакали бухгалтерлар ассоциацияси (ACCA), Англия ва Уэльс малакали бухгалтерлар институти (ICAEW) каби профессионал уюшмаларнинг тўла ҳуқуқли аъзоси бўлиб ҳисобланади.

Ўз иш тажрибасини Прайс Уотерxаус Куперс (PriceWaterhouseCoopers) компаниясининг Буюк Британия офисида бошлаб, турли молиявий ташкилотларга бухгалтерия ва аудит соҳасида маслаҳатларини бериб келган Хамид Иргашев сўнгги ўн йил давомида олий таълим соҳасида фаолият кўрсатмоқда. Халт халқаро бизнес мактабида 2016, 2018, 2019, 2020 йилларда “Энг яхши бухгалтерия профессори” унвонига, 2020 йилда Фордхем университетида “Таълимда юксак натижалар тимсоли” мукофотига сазовор бўлган. Лондон иқтисодиёт мактаби учун ҳаммуаллифликда яратган онлайн курси (MBA Essentials) ушбу университетнинг энг муваффақиятли онлайн курси сифатида тан олинган.

Муҳокамалар давомида бакалавриат таълим йўналишлари ва магистратура мутахассислигидаги «Бухгалтерия ҳисоби» ва «Аудит» фанлари бўйича МҲХСни чуқур ўрганишни назарда тутувчи янгиланган ўқув дастурларини ишлаб чиқиш ва таълим жараёнига жорий этиш бўйича ҳамкорликда амалга ошириладиган вазифалар белгилаб олинди.

Айни йўналишда кадрлар таёрлашда аввало педагог ходимлар малакасини ошириш зарурати вужудга келади. Шундан келиб чиқиб, ТДИУ ҳузуридаги Педагог кадрларни қайта тайёрлаш ва уларнинг малакасини ошириш тармоқ марказида «Бухгалтерия ҳисоби» ва «Аудит» фанлари бўйича педагог кадрлар малакасини ошириш тизимини жорий этиш ва бу жараёнга дунёнинг етакчи илмий даргоҳлари мутахассисларини жалб этиш бўйича ишлар ташкил этилади. Университет расмий сайтида халқаро сертификатлаш доирасида аккредитациядан ўтган ўқув марказларида таҳсил олган педагог кадрлар тўғрисидаги маълумотлар базаси эълон қилиб борилади ва бу маълумотлар доимий равишда янгиланиб турилади.

Бухгалтерия ҳисоби ва аудит бўйича фанлар фақат халқаро сертификатлаш доирасида «МҲХС бўйича молиявий ҳисобот» ёки «АХС бўйича аудит» фанини муваффақиятли топширганлиги тўғрисида ҳужжатга ёхуд халқаро бухгалтер сертификатига эга бўлган ўқитувчилар томонидан ўқитилади.
Халқаро бухгалтер сертификатига эга бўлган талабгорлар олий таълим муассасалари магистратурасининг «Бухгалтерия ҳисоби» ва «Аудит» мутахассисликларига кириш имтиҳонларини топширмасдан тўлов-контракт асосида кириш ҳуқуқига берилади.

Видеомулоқот сўнгида Тошкент давлат иқтисодиёт университети ректори Қўнғиротбой Шарипов Х Иргашевга ушбу лойиҳани амалга оширишда ҳамкорлик қилиш таклифини билдирди. Томонлар бу масалада ҳамкорликни чуқурлаштириш ва амалий ҳаракатларни тез фурсатда бошлашга келишиб олдилар.

 

2020 йил 26 июнь куни Тошкент давлат иқтисодиёт университети ва Уфа давлат нефт-техника университети раҳбарияти ўртасида таълим ва илмий соҳалардаги ўзаро ҳамкорлик масалаларига бағишланган онлайн режимидаги расмий учрашув бўлиб ўтди.

Онлайн мулоқотда 2020 йил феврал ойида эришилган келишувларни давом эттирган ҳолда икки томонлама диплом берувчи 38.04.01 “Иқтисодиёт” мутахассислиги бўйича магистрлик дастурини ишга тушириш масаласи муҳокама қилинди. Унга кўра, Ўзбекистон Республикаси талабаларига бир вақтнинг ўзида иккита магистратура дастурини: УДНТУнинг “Рақамли иқтисодиётдаги молиявий технологиялар” ва ТДИУнинг “Бухгалтерия ҳисоби (тармоқлар ва соҳалар бўйича)” дастурларини ўзлаштириш таклиф этилади.

Ўқишнинг биринчи йилида талабаларга иқтисодиётда ахборот-таҳлилий ва бухгалтерия таъминоти соҳасидаги фундаментал фанлар бўйича ўқиш имконияти берилади. Шунингдек, талабалар бир вақтнинг ўзида УДНТУнинг рақамли платформаларидан фойдаланган ҳолда рақамли иқтисодиётнинг назарий курсини масофавий форматда ўзлаштириши мумкин бўлади.

Ўқишнинг иккинчи курсида ўзбекистонлик талабалар Урал давлат нефть-техника университетида оффлайн форматда рақамли иқтисодиёт бўйича амалий кўникмаларини эгаллайдилар. Бунда улар рақамли иқтисодиётда ERP тизимларидан фойдаланиш, маълумотлар таҳлили (BIG DATA), рақамли бизнес стратегиялари ва ахборот хавфсизлиги, ахборот тизимларини лойиҳалаш, рақамли иқтисодиётда бошқарув қарорларини қабул қилиш учун бухгалтерия ва таҳлилдан фойдаланиш кўникмаларига эга бўлади. Талабаларнинг илмий ишларига УДНТУ профессор-ўқитувчилари раҳбарлик қиладилар. Курс охирида талабалар иккита университетда магистрлик диссертатсияларини ҳимоя қилишлари керак бўлади.

Халқаро илмий ҳамкорлик алоқаларини ривожлантириш мақсадида УДНТУ ректори ўзбекистонлик ҳамкасбларни 2020 йил октябр ойида бўлиб ўтадиган “Рақамли иқтисодиёт бозор иштирокчилари хатти-ҳаракатларининг янги моделлари” мавзусидаги илмий-амалий конференцияда иштирок этишга таклиф қилди. Бу анжуман илмий ишларнинг SCOPUS ва WoS базаларида индексланаши билан аҳамиятли эканлигини айтиб ўтиш ўринлидир.

Шунингдек, ректорлар Россия олий ўқув юртларининг етакчи олимлари раҳбарлиги остида ўтказиладиган VII мега-грант танловида профессор-ўқитувчиларнинг муносиб иштирокини таъминлаш ва уларнинг халқаро илмий нашрлардаги фаолиятини фаоллаштиришга келишиб олдилар.

Учрашув натижаларига кўра, рақамли иқтисодиёт соҳасида мутахассислар учун янги ўқув дастурини амалга ошириш ва келгусида ҳамкорлик қилиш учун йўл харитаси ишлаб чиқиш бўйича вазифалар белгилаб олинди.

Учрашувда ТДИУ ректори Қўнғиротбой Шарипов, Ўқув ишлари бўйича проректор Мансур Эшов, Халқаро ҳамкорлик бўйича проректор Дилором Бегматова, Магистратура бўлими бошлиғи Нодир Акбаров, Рақамли иқтисодиёт кафедраси мудири Мунисбек Абдуллаев, Бухгалтерия ҳисоби кафедраси профессори Шаҳло Эргашева, УДНТУ ректори Олег Баулин, Ўқув-услубий ишлар бўйича проректор Александр Могучев, Халқаро ҳамкорлик бўлими бошлиғи Наил Чанишев, Нефть ва газ бизнеси институти директори Татяна Леибер ва Корпоратив молия ва бухгалтерия технологиялари кафедраси доценти Элвира Халикова иштирок этдилар.

 

 

Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Тармоқ бозорлари ва ишлаб чиқаришда меҳнат унумдорлиги тадқиқотлар маркази вакиллари билан ёш олимлар таълим олишини ривожлантириш ва уларни қўллаб-қувватлаш, таълим дастурлари, илмий тадқиқот ишлари ва инновацион фаолиятни такомиллаштиришга бағишланган учрашув бўлиб ўтди.

Тошкент давлат иқтисодиёт университети ректори Қўнғиротбой Шарипов, Ўқув ишлари бўйича проректор Мансур Эшов, Иқтисодиёт факультети декани Гулнора Абдураҳмонова иштирокидаги учрашувда таълим, фан, инновацион фаолият, меҳнат унумдорлигини ошириш, таълим дастурларини ишлаб чиқиш ва амалга ошириш, янги тадқиқотларни тармоқ бозорларига татбиқ этиш ва замонавий юқори технологияли ишлаб чиқаришни ташкил этиш йўналишларида ўзаро манфаатли ҳамкорликни йўлга қўйиш масалалари муҳокама қилинди.

Шунингдек, музокаралар жараёнида томонлар ҳамкорликда маркетинг тадқиқотлари ўтказиш, илм-фанга асосланган ишлаб чиқариш ва инновацион инфратузилмани ривожлантириш бўйича ишга солинмаган салоҳиятдан фойдаланиш бўйича ҳамкорлик қилиш имкониятлари муҳокама қилинди.

Учрашувда ҳамкорликдаги фаолиятни мувофиқлаштириш ва тизимлаштириш мақсадида алоҳида сайт яратиш ва бу платформада тадқиқотлар натижалари, бўш иш ўринлари, истиқболли бизнес лойиҳалар ҳақида маълумотлар базасини ташкил этиш таклиф этилди.

Якунда томонлар ўзаро келишув муморандумини имзолашга келишиб олдилар.

 

Бугун, 25 июнь куни дунёнинг 100 нафар энг яхши ёш иқтисодчиси рўйхатидан ўрин олган, Тошкентдаги Халқаро Вестминстер университетида фаолият олиб бораётган Рауф Салаходжаев билан учрашув бўлиб ўтди.

Тошкент давлат иқтисодиёт университети ректори Қўнғиротбой Шарипов, Ўқув ишлари бўйича проректор Мансур Эшов билан бўлиб ўтган музокараларда кадрлар тайёрлаш сифатини ошириш, илмий тадқиқотларни янги босқичга кўтариш масалалари муҳокама қилинди. Жумладан, ТДИУ ҳузурида тадқиқот институти ва бизнес мактаб ташкил этиш, иқтисодий таҳлил қила олиш кўникмаларига эга кадрлар тайёрлашда дунёнинг илғор тажрибаларидан самарали фойдаланиш масалалари юзасидан “йўл харитаси”ни ишлаб чиқиб, уни амалга ошириш бўйича вазифалар белгилаб олинди.

Маълумот ўрнида. Рауф Салаходжаев Ўзбекистон Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти катта илмий ходими сифатида ўз илмий фаолиятини олиб бормоқда. Унинг илмий ишлари давлатларнинг иқтисодий ривожланишида интеллектуал капитал ва бозор институтларининг ролини тадқиқ қилишга бағишланган.

 

 

2020/2021 ўқув йилида Ўзбекистон Республикаси олий таълим муассасалари бакалавриатининг сиртқи таълим шакли бўйича давлат буюртмаси асосида ўқишга қабул қилиш параметрларининг таълим йўналишлари ва ўқитиш тиллари бўйича
ТАҚСИМЛАНИШИ
(сиртқи таълим шакли бўйича)
Шифр Олий таълим муассасаси ва таълим йўналишлари номи Жами Давлат грантлари асосида Тўлов-контракт асосида
Жами шу жумладан: Жами шу жумладан:
ўзбек рус ўзбек рус
Тошкент давлат иқтисодиёт университети 675 675 520 155
Тошкент ш.: 575 575 420 155
5230100 Иқтисодиёт (тармоқлар ва соҳалар бўйича) 100 100 75 25
5230200 Менежмент (тармоқлар ва соҳалар бўйича) 50 50 35 15
5230400 Маркетинг (тармоқлар ва соҳалар бўйича) 100 100 75 25
5230700 Банк иши ва аудити 50 50 35 15
5230800 Солиқлар ва солиққа тортиш 50 50 35 15
5230900 Бухгалтерия ҳисоби ва аудит (тармоқлар бўйича) 100 100 75 25
5231400 Статистика (тармоқлар ва соҳалар бўйича) 75 75 60 15
5231600 Инсон ресурсларини бошқариш 25 25 15 10
5232400 Иқтисодий хавфсизлик 25 25 15 10
5 Самарқанд филиали: 100 100 100
5230700 Банк иши ва аудити 25 25 25
5230800 Солиқлар ва солиққа тортиш 25 25 25
5230900 Бухгалтерия ҳисоби ва аудит (тармоқлар бўйича) 50 50 50
2020/2021 ўқув йилида Ўзбекистон Республикаси олий таълим муассасалари
 магистратураси бўйича давлат буюртмаси асосида ўқишга қабул қилиш
параметрларининг мутахассисликлар ва ўқитиш тиллари бўйича
ТАҚСИМЛАНИШИ
(кундузги таълим шакли бўйича)
Шифр Олий таълим муассасаси ва мутахассисликлар номи Жами Давлат грантлари асосида Тўлов-контракт асосида
Жами шу жумладан: Жами шу жумладан:
ўзбек рус ўзбек рус
Тошкент давлат иқтисодиёт университети 332 31 31 301 232 69
5А111001 Профессионал таълим назарияси ва методикаси (мутахассисликлар бўйича) 8 1 1 7 7
5А230101 Иқтисодий назария 6 1 1 5 5
5А230102 Иқтисодиёт (тармоқлар ва соҳалар бўйича) 32 2 2 30 20 10
5А230103 Макроиқтисодиёт 26 2 2 24 18 6
5А230107 Иқтисодиётда ахборот технологиялари ва тизимлари 14 1 1 13 7 6
5А230108 Монополияга қарши бошқарув ва рақобатни ривожлантириш 6 1 1 5 5
5А230201 Менежмент (тармоқлар ва соҳалар бўйича) 16 1 1 15 9 6
5А230302 Бизнесни бошқариш (Master of Business Administration-MBA) 6 1 1 5 5
5А230401 Маркетинг (тармоқлар ва соҳалар бўйича) 24 2 2 22 14 8
5А230501 Божхона иши (фаолият турлари бўйича) 6 1 1 5 5
5А230601 Давлат молияси ва халқаро молия 18 1 1 17 11 6
5А230602 Корпоратив молия ва қимматли қоғозлар бозори (соҳалар бўйича) 10 1 1 9 9
5А230603 Инвестицияларни бошқариш (тармоқлар ва соҳалар бўйича) 10 1 1 9 9
5А230701 Банк иши ва аудити 16 1 1 15 9 6
5А230801 Солиқлар ва солиққа тортиш 6 1 1 5 5
5А230901 Бухгалтерия ҳисоби (тармоқлар ва соҳалар бўйича) 12 1 1 11 5 6
5А230902 Аудит (тармоқлар ва соҳалар бўйича) 14 1 1 13 13
5А231101 Жаҳон иқтисодиёти (минтақалар ва фаолият турлари бўйича) 10 1 1 9 9
5А231102 Ташқи иқтисодий фаолият (тармоқлар ва фаолият
йўналишлари бўйича)
10 1 1 9 9
5А231401 Статистика (тармоқлар ва соҳалар бўйича) 8 1 1 7 7
5А231601 Инсон ресурсларини бошқариш 14 1 1 13 7 6
5А231901 Корпоратив бошқарув 6 1 1 5 5
5А232201 Эконометрика 12 1 1 11 6 5
5А232301 Минтақавий иқтисодиёт 6 1 1 5 5
5А232401 Иқтисодий хавфсизлик 6 1 1 5 5
5А232501 Логистика (йўналишлар бўйича) 8 1 1 7 7
5А233601 Савдо иши (турлари бўйича) 10 1 1 9 5 4
5А610301 Туризм (фаолият турлари бўйича) 12 1 1 11 11
2020/2021 ўқув йилида Ўзбекистон Республикаси олий таълим муассасалари бакалавриатининг кундузги таълим шакли бўйича давлат буюртмаси асосида ўқишга қабул қилиш параметрларининг таълим йўналишлари ва ўқитиш тиллари бўйича
ТАҚСИМЛАНИШИ
(кундузги таълим шакли бўйича)
Шифр Олий таълим муассасаси ва таълим йўналишлари номи Жами Давлат грантлари асосида Тўлов-контракт асосида
Жами шу жумладан: Жами шу жумладан:
ўзбек рус ўзбек рус
5 Тошкент давлат иқтисодиёт университети 1375 92 75 17 1283 990 293
5 Тошкент ш.: 1075 77 60 17 998 705 293
5230100 Иқтисодиёт (тармоқлар ва соҳалар бўйича) 100 3 2 1 97 73 24
5230200 Менежмент (тармоқлар ва соҳалар бўйича) 50 3 2 1 47 32 15
5230202 Менежмент: туризм бизнесини бошқариш 25 25 13 12
5230400 Маркетинг (тармоқлар ва соҳалар бўйича) 50 3 2 1 47 32 15
5230400 Маркетинг (реклама иши) 25 25 13 12
5230600 Молия ва молиявий технологиялар 75 75 60 15
5230700 Банк иши ва аудити 50 5 4 1 45 30 15
5230800 Солиқлар ва солиққа тортиш 50 3 2 1 47 32 15
5230900 Бухгалтерия ҳисоби ва аудит (тармоқлар бўйича) 75 5 4 1 70 55 15
5231100 Жаҳон иқтисодиёти ва халқаро иқтисодий муносабатлар (минтақалар ва фаолият турлари бўйича) 50 5 4 1 45 31 14
5231200 Суғурта иши 25 25 25
5231300 Бюджет назорати ва ғазначилиги 25 25 25
5231400 Статистика (тармоқлар ва соҳалар бўйича) 75 5 4 1 70 55 15
5231600 Инсон ресурсларини бошқариш 75 10 7 3 65 50 15
5231900 Корпоратив бошқарув 25 5 5 20 20
5232200 Эконометрика 25 25 13 12
5232300 Минтақавий иқтисодиёт 25 5 4 1 20 10 10
5232400 Иқтисодий хавфсизлик 25 5 4 1 20 10 10
5232500 Логистика (йўналишлар бўйича) 50 5 4 1 45 30 15
5233600 Савдо иши (турлари бўйича) 25 25 13 12
5234100 Рақамли иқтисодиёт (тармоқлар ва соҳалар бўйича) 25 25 13 12
5330200 Ахборот тизимлари ва технологиялари (тармоқлар
ва соҳалар бўйича)
50 5 4 1 45 30 15
5610200 Меҳмонхона хўжалигини ташкил этиш ва бошқариш 50 5 4 1 45 30 15
5610300 Туризм (фаолият йўналишлари бўйича) 25 5 4 1 20 10 10
5 Самарқанд филиали: 300 15 15 285 285
5230100 Иқтисодиёт:
5230101 Иқтисодиёт: озиқ-овқат ва ресурслар иқтисодиёти 50 3 3 47 47
5230102 Иқтисодиёт: қишлоқ хўжалиги иқтисодиёти 50 3 3 47 47
5230700 Банк иши ва аудити 25 25 25
5230800 Солиқлар ва солиққа тортиш 25 25 25
5230900 Бухгалтерия ҳисоби ва аудит (тармоқлар бўйича) 50 3 3 47 47
5231400 Статистика (тармоқлар ва соҳалар бўйича) 25 25 25
5233300 Агробизнес ва инвестицион фаолият 25 3 3 22 22
5234100 Рақамли иқтисодиёт (тармоқлар ва соҳалар бўйича) 50 3 3 47 47