YANGILIKLAR

Kun: 01.06.2019

Xabaringiz bor, yurtimizning barcha hududlarida O‘zbekiston Respublikasi Prezidentining 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi F-4789-sonli farmoyishi hamda beshta muhim tashabbusning to‘rtinchi – Yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha ustvor vazifalar belgilangan.

Bu borada Toshkent davlat iqtisodiyot universitetida belgilangan ustuvor vazifalardan kelib chiqqan holda “Eng faol bilimdon kitobxonlar” ko‘rik-tanlovi tadbirlari o‘tkazib kelinmoqda.

Joriy o‘quv yilining 2-semestrida guruhlarda va fakultetlarda “Eng faol bilimdon kitobxonlar” ko‘rik-tanlovining saralash bosqichlari o‘tkazildi. Ko‘rik-tanlov o‘tkazish davrida universitetning to‘rt mingdan ortiq talaba-yoshlari hamda besh yuzdan ortiq professor-o‘qituvchilari o‘zbek va jahon adabiyoti durdonalari bo‘lgan besh yuzga yaqin turli yo‘nalishdagi ayniqsa, badiiy adabiyotlarni keng o‘qib o‘rganishdi.

O‘tkazilgan tadbirlarda Hakamlar hay’ati tomonidan asar muallifi haqida qisqacha ma’lumot berish, har bir badiiy adabiyotning qisqacha annotatsiyasi, o‘rganilgan badiiy adabiyot bo‘yicha lavhalardan parcha yoki monolog aytib berish, iqtiboslar keltirish, badiiy adabiyot mavzusiga oid rasmlar, videorolik va musiqalar taqdim etish, qisqacha kitob haqida esse taqdim etish, kichik sahna ko‘rinishini namoyish etish, axborot-kommunikatsiya texnologiyalaridan foydalanilganlik darajasi, jamoa a’zolarining o‘zini tutishi, notiqlik san’ati va tashqi ko‘rinishi, guruhlarning hamkorlikda ishlash ko‘nikmasi shakllanganligi darajasi mezonlari doirasida baholanib borildi.

Ushbu festivalda ishtirok etgan jamoalar universitet rahbariyati va hamkor tashkilotlar tomonidan tayyorlangan 1-, 2-, 3- darajali diplom va turli nominatsiyalar bo‘yicha sertifikat hamda esdalik sovg‘alari bilan taqdirlandi.

Ko‘rik-tanlovni o‘tkazish va mezonlar doirasida baholab borish uchun O‘zbekiston yozuvchilar uyushmasi, “O‘zbekteatr” ijodiy birlashmasi va adabiyotshunos olimlar ishtirok etishdi. Ular festival doirasida faol hamkorlik va fidoiyligi uchun universitet rahbariyati tomonidan tayyorlangan esdalik sovg‘alari bilan taqdirlandilar.

 

 

 

 

 

 

 

 

 

 

 

 

Toshkent davlat iqtisodiyot universiteti rektori Bahodir Xodiyev yoshlar va guruh yetakchilari, bakalavriat va magistratura bosqichini tamomlayotgan talabalar bilan uchrashuv o‘tkazdi.

Tadbirda Prezident Shavkat Mirziyoev tomonidan 24 may kuni Mirzo Ulug‘bek nomidagi O‘zbekiston Milliy universitetida oliy ta’lim va ilmiy-tadqiqot muassasalari rahbarlari, akademiklar, olimlar, yosh tadqiqotchilar bilan uchrashuv davomida oliy ta’lim tizimi oldiga qo‘yilgan ustuvor vazifalar muhokama qilindi.

Shuningdek, rahbarimiz rahbari tomonidan ilgari surilgan 5 ta tashabbusning targ‘iboti va unda belgilangan dasturlarni amalga oshirish borasida universitet oldida turgan aniq vazifalar haqida so‘z yuritildi.

Universitet rektori bugun mamlakatimizda amalga oshirilayotgan ta’lim islohotlarining mohiyati haqida gapirar ekan, quyidagilarga to‘xtalib o‘tdi

“— Bugun oliy ta’lim tizimiga berilayotgan yuksak e’tiborni universitetimiz misolida ham ko‘rib, guvohi bo‘lib turibmiz va mazkur jarayonlarning bevosita ishtirokchisimiz.

Mamlakatimizning yanada jadal taraqqiyoti intellektual rivojlanishni talab qiladi. Shu ma’noda bugun professor-o‘qituvchilarimiz, ilmiy izlanuvchilarimiz, talabalarimiz dunyoning rivojlangan davlatlarida bo‘lib, ularning eng ilg‘or o‘quv standartlari, tajribalari, bilimlarini o‘rganib qaytdilar. Bu o‘z navbatida universitetimiz ilmiy salohiyatini oshirish, ta’lim sifatini yaxshilashga imkon bermoqda.

Ta’lim dargohimizda ma’naviy-ma’rifiy ishlar, tarbiya jarayonlari, talabalar bo‘sh vaqtini samarali o‘tkazish, ularni jismoniy tarbiya va sport, zamonaviy axborot texnologiyalarini o‘zlashtirish borasida bir qator tashabbuslar ilgari surilib, oliy ta’lim tizimida joriy etish bo‘yicha o‘quv-uslubiy dasturlar tayyorlandi.”

Shuningdek, uchrashuvda ishga joylashish, universitet ichki tartib-qoidalariga amal qilish, ishga joylashish masalalari muhokama qilindi. Bitiruv malakaviy va magistrlik dissertatsiyalarini tayyorlash, davlat imtihonlarini topshirishda vujudga kelishi mumkin bo‘lgan tamagirlik holatlarini oldini olishda hamkorlikning chora-tadbirlari haqida so‘z yuritildi.

Uchrashuv davomida bitiruv kechasi tadbirini yuksak darajada o‘tkazish bo‘yicha takliflar bildirildi. Bitiruvchilar orasida turli salbiy hatti-harakatlar, ya’ni bir-biriga suv sepish, turli bo‘yoqli moddalarni chaplash, avtomobillarga turli rasmlar va yozuvlar bilan zarar yetkazish holatlarini oldini olish chora-tadbirlari bo‘yicha mas’ullar belgilandi.

Tadbir so‘ngida bitiruvchilarga kelgusida Toshkent davlat iqtisodiyot universiteti bilan amaliy hamkorlik qilishlari uchun Bitiruvchilar assotsiatsiyasiga a’zo bo‘lish taklifi berildi. Assotsiatsiyasiga a’zo bo‘lish uchun internetda faoliyat yuritayotgan http://alumni.tsue.uz sayti orqali ro‘xatdan o‘tish mumkin.