YANGILIKLAR

Kun: 06.03.2019

Toshkent davlat iqtisodiyot universitetida 8 mart — Xalqaro xotin-qizlar kuni bayrami munosabati bilan taqdirlash tadbiri bo‘lib o‘tdi. Unda fakultet dekanlari, bo‘lim boshliqlari, kafedra mudirlari va professor-o‘qituvchilar ishtirok etdi.

 

 

 

So‘zga chiqqanlar jamiyatimizda xotin-qizlarning o‘rni va nufuzini oshirish, ularning oilalarni mustahkamlash, yosh avlodni vatanparvarlik, istiqlol g‘oyalariga sadoqat, milliy va umuminsoniy qadriyatlarga hurmat ruhida tarbiyalash, xalqimizning ko‘p asrlik boy ma’naviy merosini asrab-avaylash, ijtimoiy-iqtisodiy islohotlarni muvaffaqiyatli amalga oshirish va aholi farovonligini yuksaltirish borasidagi ulkan xizmatlari munosib qadr topayotgani e’tirof etdilar.

 

 

Tadbirda xotin-qizlar ijtimoiy-siyosiy faolligini oshirishda, mamlakatimizda amalga oshirilayotgan islohotlarning keng ommaga targ‘ib qilishdagi samarali mehnatlari uchun Toshkent davlat iqtisodiyot universitetida faoliyat olib borayotgan bir guruh professor-o‘qituvchilar O‘zbekiston Xotin-qizlar qo‘mitasi hamda Toshkent shahar Xotin-qizlar qo‘mitasi tomonidan Faxriy yorliqlar bilan taqdirlandilar.

 

Toshkent davlat iqtisodiyot universiteti doktorant, tayanch doktorant va mustaqil izlanuvchilarining navbatdagi ilmiy-uslubiy seminari bo‘lib o‘tdi.

 

 

Seminar avvalida Ilmiy ishlar va innovatsiyalar bo‘yicha prorektor Sherzod Mustafoqulov Universitetda ilmiy maktablar, Yosh olimlar kengashi faoliyatini takomillashtirish, oliy malakali ilmiy va ilmiy-pedagog kadrlarni attestatsiyadan o‘tkazish tizimini yanada takomillashtirish borasida olib borilayotgan ishlar hamda sohadagi so‘ngi yangiliklar xususida ma’lumot berib o‘tdi.

 

 

Shundan so‘ng izlanuvchilar tomonidan olib borilayotgan ilmiy tadqiqot ishlarining tayyorgarlik holati va erishilgan natijalar muhokama qilindi. Jumladan, kun tartibidan o‘rin olgan I. Jalolovning “Korxona iqtisodiy salohiyatini statistik tahlil qilish usullarini takomillashtirish” mavzusidagi hamda D. Ishmanovaning “O‘zbekistonda neft-gaz korxonalari infratuzilmalarini innovatsion boshqaruv mexanizmini takomillashtirish yo‘llari” mavzusidagi chiqishlari atroflicha muhokama qilindi. Ko‘rilgan mavzular yuzasidan asosli taklif va fikr-mulohazalar bildirildi.

 

 

Ilmiy-uslubiy seminar yakunida doktorant, tayanch doktorant va mustaqil izlanuvchi ayol-qizlar 8 mart – Xalqaro xotin-qizlar kuni bayrami munosabati bilan samimiy muborakbod etilib, ularga esdalik sovg‘alari topshirildi.