YANGILIKLAR

Oy: Mart 2019

Joriy yilning 26-27 mart kunlari Ilmiy va innovatsion ishlanmalarni tijoratlashtirish bo‘limi tomonidan talabalar o‘rtasida innovatsion muhitni shakllantirish, yaratuvchanlikni oshirish, innovatsion g‘oyalarni tijoratlashtirish, iqtidorli yoshlarni qo‘llab-quvvatlash va rag‘batlantirish maqsadida «Eng yaxshi ilmiy-innovatsion g‘oyalar» tanlovinining 2-bosqichi bo‘lib o‘tdi.

 

 

 

Ushbu tanlovdan kutilayotgan maqsad ilmiy-innovatsion fikrlash va kreativligini oshirish, ilmiy-innovatsion ishlanmalarni yaratish hamda uni tijoratlashtirish bo‘yicha malaka va ko‘nikmalarni shakllantirish, fan va ishlab chiqarish integratsiyasining istiqbolli yo‘nalishlariga muvofiq ilmiy ijodkorlik qobiliyatlarini rivojlantirishdan iborat.

 

 

Tanlovning 1-bosqichidan muvaffaqiyatli o‘tgan talabalar o‘zlarining eng yaxshi innovatsion loyiha va eng yaxshi biznes g‘oyalarini taqdimot qildilar va Hay’at a’zolari tomonidan mezonlar asosida baholandi.

 

 

Ko‘rik-tanlovning yakuniy qismida Hay’at a’zolari tomonidan talabalarning biznes g‘oya va innovatsion ishlarini rivojlantirish uchun “Yoshlar ittifoqi” tomonidan ajratiladigan foizsiz kreditlar to‘g‘risida ma’lumot berildi, g‘oyalarini mustahkamlash uchun qo‘shimcha ma’lumotlar va savol-javoblar bo‘lib o‘tdi.

Mastura HAYDAROVA,
Ilmiy va innovatsion ishlanmalarni tijoratlashtirish bo‘limi yetakchi mutaxassisi

2019-yil 27-mart kuni Iqtisodiyot nazariyasi kafedrasi tomonidan “Raqobatbardosh tovarlar eksportini xalqaro standartlar bilan uyg‘unlashtirish yo‘nalishlari” mavzusidagi innovatsion-korporativ hamkorlik doirasidagi ilmiy-amaliy seminar o‘tkazildi.

 

 

 

 

Seminarda “Korxonalarda sifatni boshqarish tizimlarini joriy etish va uni sertifikatlashtirish”, “Mahsulot eksportini oshirish va sifat jihatidan o‘zgartirishni qo‘llab-quvvatlashning davlat mexanizmlari”, “Povûshenie konkurentosposobnosti natsionalnoy ekonomiki na osnove innovatsionnûx podxodov i klasternoy politiki”, “Raqobat muhitini shakllantirishning innovatsion omillari”, “Mahsulot eksportini oshirish va sifat jihatdan o‘zgartirishning nazariy-uslubiy asoslari”, “Mamlakat iqtisodiy taraqqiyotida mahsulot eksportini oshirish va sifat jihatdan o‘zgartirishning ahamiyati”, “Milliy iqtisodiyot raqobatbardoshligini ta’minlashda ishlab chiqarish xarajatlarini pasaytirish yo‘nalishlari”, “Ishchi kuchi bozorida raqobatbardoshlikni oshirishning nazariy ahamiyati” kabi mavzular muhokama qilindi.

 

 

 

Ilmiy-amaliy seminar ma’ruzalari “O’zbek-Turk Test Markazi” MChJ qo‘shma korxonasi vakillari hamda Iqtisodiyot nazariyasi professor-o‘qituvchilari tomonidan taqdim etildi.

 

 

Savol-javob va muhokamalar davomida kun tartibidan o‘rin olgan mavzu doirasida ishlab chiqarish va ilm-fan integratsiyasi hamkorligi, hamkorlikda amalga oshiriladigan ilmiy tadqiqotlar haqida so‘z yuritildi.

2019-yil 27-mart kuni Toshkent davlat iqtisodiyot universitetida O‘zbekiston Respublikasi Markaziy bankining Pul-kredit siyosati departamenti direktori o‘rinbosari, boshqarma boshlig‘i Nodirbek Achilov Korporativ boshqaruv fakulteti talabalari uchun mahorat darsi o‘tkazdi.

 

 

Mahorat darsida «O‘zbekiston Respublikasi Markaziy banki pul-kredit siyosati: so‘nggi islohotlar va oldinda turgan vazifalar» mavzusi muhokama qilindi. Mavzu doirasida talabalarga o‘rta muddatli istiqbolda pul-kredit siyosatining maqsad va tamoyillari, 2018-yilda pul-kredit sharoitlari va ushbu sohada amalga oshirilgan ishlar, 2019-2021-yillarda makroiqtisodiy rivojlanish ssenariylari va pul-kredit sharoitlari, 2019-2021-yillarda pul-kredit siyosati instrumentlarini rivojlantirishi haqida ma’lumotlar berildi.

 

 

 

Ta’kidlandiki, 2018-yilda pul-kredit siyosati sohasida ichki valyuta bozoriga intervensiyalarning yangi tamoyili (oltin-valyuta rezervlarining neytralligi), bank tizimi likvidligini monitoring qilish va prognozlash, inflyasiyani omillarini doimiy o‘rganib borish, aholi va biznes vakillarining inflyasion kutilmalarini baholash, banklararo pul bozorining yangi platformasi, inflyasiyani modellashtirish va prognozlash, majburiy zaxiralashning yangi mexanizm va normativlari, o‘rtachalash tartibi, likvidlilikni tartibga solish bo‘yicha yangi inmstrumentlar borasida amaliy ishlar qilindi.

 

 

Mahorat darsi davomida professor-o‘qituvchilar, ilmiy tadqiqotchilar va talabalar o‘zlarini qiziqtirgan masalalar yuzasidan ma’ruzachiga murojaat qildilar hamda batafsil ma’lumotga ega bo‘ldilar.

 

 

Ma’ruza bo‘yicha taqdimot bilan quyida tanishishingiz mumkin

O‘zbekiston Respublikasi Markaziy banki pul-kredit siyosati so‘nggi islohotlar va oldinda turgan vazifalar

2019-yil 26-mart kuni Iqtisodiyot nazariyasi kafedrasi tomonidan “Tadbirkorlik subyektlari raqobatbardoshligini oshirishda bank-moliya tizimining o‘rni” mavzusida innovatsion-korporativ hamkorlik doirasidagi ilmiy-amaliy seminar o‘tkazildi.

 

 

Ilmiy-amaliy seminarni Iqtisodiyot nazariyasi kafedrasi mudiri, dotsent Baxtiyor Xojiyev kirish so‘zi bilan ochib, O‘zbekistonda tadbirkorlik subyektlari raqobatbardoshligini oshirishda bank-moliya tizimini takomillashtirish borasida yuz berayotgan ijobiy o‘zgarishlar, bu borada hozirgi kundagi qo‘yilayotgan talablar va yechimini kutayotgan muammolar haqida to‘xtalib o‘tdi.

 

 

Ta’kidlanganidek, bank-moliya tizimini takomillashtirish orqali tadbirkorlik subyektlari raqobatbardoshligini oshirish iqtisodiy sohada amalga oshirilayotgan islohotlarning ustuvor yo‘nalishlaridan biri hisoblanadi. Hozirgi kunda tadbirkorlik subyektlari raqobatbardoshligini oshirishning son va sifat jihatidan o‘sishi bu jarayonlarni har tomonlama chuqur o‘rganishga yanada yuksak talablar qo‘ymoqda.

 

 

Sohadagi islohotlarni yanada chuqurlashtirishda davlatimiz rahbarining “O‘zbekiston Respublikasini yanada rivojlantirish bo‘yicha harakatlar strategiyasi to‘g‘risida”gi Farmoni bilan tasdiqlangan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi muhim dasturilamal bo‘lib xizmat qiladi.

 

 

Shu sababli, O‘zbekistonda mahsulot eksportini oshirish va sifat jihatdan o‘zgartirishning nazariy asoslarini va yo‘nalishlarini ilmiy-nazariy hamda amaliy jihatdan tadqiq etish zarurati mazkur ilmiy-amaliy seminar mavzusining dolzarbligini belgilab berdi. 

Ilmiy-amaliy seminar yo‘nalishi O‘zbekistonda tadbirkorlik subyektlari raqobatbardoshligini oshirishda bank-moliya tizimini takomillashtirish yo‘nalishlarining nazariy asoslarini asoslash bo‘yicha ilmiy taklif va amaliy tavsiyalar ishlab chiqishdan iborat.

 

 

Seminar maqsadidan kelib chiqib quyidagi vazifalar belgilab olindi:

  • mamlakatimizda tadbirkorlik subyektlari raqobatbardoshligini oshirishda bank-moliya tizimini takomillashtirish sohasida erishilgan yutuqlar, natijalarni baholash va rivojlanish istiqbollarini belgilashga oid yangi ilmiy g‘oyalar yo‘nalishlarining konseptual asoslarini shakllantirish;
  • tadbirkorlik subyektlari raqobatbardoshligini oshirishning ustuvor yo‘nalishlari bo‘yicha professor-o‘qituvchilar, doktorantlar va amaliyotchilarning ilmiy taklif hamda amaliy tavsiyalarini jamlash, ular bo‘yicha tegishli vazirlik, idoralarga taqdim etiladigan taklif va amaliy tavsiyalar tizimini shakllantirish;
  • ilmiy-amaliy seminarda tinglangan ma’ruzalar asosida mavjud darslik, o‘quv-uslubiy qo‘llanmalarni yanada boyitish, ta’lim tizimini modernizatsiyalash maqsadlarida ulardan keng foydalanish.

Shundan kelib chiqib seminarda quyidagi masalalar muhokama qilindi:

  • tadbirkorlik subyektlari raqobatbardoshligini oshirishda bank-moliya tizimini takomillashtirishning nazariy asoslari va ustuvor yo‘nalishlari;
  • O‘zbekistonda tadbirkorlik sub’ektlari raqobatbardoshligini oshirishda bank-moliya tizimining o‘rni va ahamiyati;
  • tadbirkorlik subyektlari raqobatbardoshligini oshirishda oliy ta’lim muassasalarida amalga oshirilayotgan innovatsion hamkorlikning ahamiyati;
  • tadbirkorlik subyektlari raqobatbardoshligini oshirishda bank-moliya tizimini takomillashtirishda rivojlangan mamlakatlar tajribalaridan samarali foydalanish.

O‘tkazilgan ilmiy-amaliy seminarda quyidagi ma’ruzalar tinglandi:

“Banklar raqobatbardoshligi darajasini oshirish va banklarni ilg‘or bank amaliyoti asosida faoliyat yurituvchi tizimga aylantirish” (Ma’ruzachi: Tillayev Bekzod Sobir o‘g‘li, “Orient finans bank” XATB Ichki audit departamenti direktori o‘rinbosari);

“Bank-moliya xizmat ko‘rsatish sohasida aholining moliyaviy savodxonlik darajasini oshirish” (Ma’ruzachi: Musaxodjayeva Ra’no Raxmanovna, “Orient finans bank” XATB Personalni tanlash va baholash bo‘limi boshlig‘i);

Повышение конкурентоспособности национальной экономики на основе инновационных подходов и кластерной политики (Ma’ruzachi: Rasulev Alisher Fayzievich, Iqtisodiyot nazariyasi kafedrasi professori, iqtisodiyot fanlari doktori);

“O‘zbekiston bank tizimining rivojlanish tarixi va banklar faoliyatining xususiyatlari” (Ma’ruzachi: Tashmatov Shuhrat Hamrayevich, Iqtisodiyot nazariyasi kafedrasi professori, iqtisodiyot fanlari doktori);

“Pul-kredit siyosatini amalga oshirishning nazariy asoslari” (Ma’ruzachi: Yaxshiyeva Mavluda Tursunovna, Iqtisodiyot nazariyasi kafedrasi dotsenti, iqtisodiyot fanlari nomzodi);

“Tadbirkorlik sub’ektlari raqobatbardoshligini oshirishda davlat iqtisodiy siyosati” (Ma’ruzachi: Yusupov Ravshanbek Aminbaevich, Iqtisodiyot nazariyasi kafedrasi dotsenti, iqtisodiyot fanlari nomzodi);

“Tadbirkorlik sub’ektlari raqobatbardoshligini oshirishning institutsional asoslari” (Ma’ruzachi: Abdullayeva Madina Kamilovna, Iqtisodiyot nazariyasi kafedrasi dotsenti, iqtisodiyot fanlari nomzodi);

“Tadbirkorlik sub’ektlari raqobatbardoshligini oshirishda ishchi kuchi bandligini ta’minlashning ahamiyati (Ma’ruzachi: Mamaraximov Bekzod Erkinovich, Iqtisodiyot nazariyasi kafedrasi dotsenti, iqtisodiyot fanlari nomzodi).

Seminarda ko‘tarilgan masalalar mamlakatda tadbirkorlik sub’ektlari raqobatbardoshligini oshirishda bank-moliya tizimini takomillashtirishning nazariy asoslarini va ustuvor yo‘nalishlarini takomillashtirish asosida olib boriladigan ilmiy-tadqiqotlar natijalari, ishlab chiqiladigan ilmiy taklif va amaliy tavsiyalar orqali milliy iqtisodiyotni yanada yuksaltirish imkoniyati yaratiladi. Bu, o‘z navbatida, mamlakat iqtisodiy salohiyatini mustahkamlash, yangi ish o‘rinlari tashkil etish va aholi farovonligini oshirishda muhim ahamiyat kasb etadi.

 

 

Ilmiy-amaliy seminar yakunida kafedra mudiri B.Xajiyev tadbir ishtirokchilariga minnatdorchilik bildirib, tadbirkorlik sub’ektlari raqobatbardoshligini oshirishda bank-moliya tizimini takomillashtirishning ustuvor vazifalarini muvaffaqiyat bilan bajarish, yuzaga kelayotgan muammolarni hal etish yo‘llarini izlab topish, bu yo‘nalishda iqtisodchi olimlar va amaliyotchilarning taklif-tavsiyalarini ishlab chiqish yo‘lida muvaffaqiyatlar tiladi.

Ilmiy-amaliy seminarda “Orient finans bank” XATB yetakchi mutaxassislari, professor-o‘qituvchilar, ilmiy tadqiqotchilar, magistratura va iqtidorli talabalar ishtirok etdi.

Bugungi kunda ta’lim sifatini oshirish va samaradorligini ta’minlashda xalqaro hamkorlikning ahamiyati ortib bormoqda. Albatta, universitetimizda ham buy o‘nalishda bir qator loyihalar amalga oshirilmoqda. Hozirda universitetimizda Sinszyan agrar universiteti (Xinjiang Agricultural University) bilan hamkorlikda tashkil etilgan o‘quv markaz faoliyat olib boradi.

 

 

Joriy yilning 26-mart kuni Sanoat iqtisodiyoti kafedrasi tomonidan mazkur o‘quv markazi bilan hamkorlikda Iqtisodiyot fakulteti 2-kurs talabalari uchun mahorat darsi tashkil etildi.

 

 

Mahorat darsida o‘quv markazi xodimi Ma Syu Lu, Sinszyan agrar universiteti ilmiy tadqiqotchilari – Jang Sing Pin, Tin Yu Ja va Iqtisodiyot fakultetining professor-o‘qituvchi va xodimlari ishtirok etishdi.

 

 

Iqtisodiyot fakulteti dekani Alisher Qobilov, Sanoat iqtisodiyoti kafedrasi mudiri Ibodulla Xotamov, o‘quv markazi xodimi Ma Syu Lu so‘zga chiqib, ilm sirlarini o‘rganishda xorijiy tajribaning ahamiyati haqida to‘xtalib o‘tdilar.

 

 

Sinszyan agrar universiteti ilmiy tadqiqotchilari Jang Sing Pin, Tin Yu Ja tomonidan talabalarga xalqaro biznes va uni boshqarish bo‘yicha ma’lumotlar berildi, fikr almashildi. Talabalar o‘zlarini qiziqtirgan savollarga javob olishdi. Mahorat darsi qiziqarli va muhokamalarga boy o’tdi.

TOSHKENT DAVLAT IQTISODIYOT UNIVERSITETI KAFEDRALAR BO‘YICHA BO‘SH LAVOZIMLARGA TANLOV E’LON QILADI

  

 (2019 yil aprel oyiga )

 

Kafedra mudiri: Ekonometrika

 

Professorlar: Iqtisodiy tahlil va audit, Jahon iqtisodiyoti

 

Dotsentlar: Buxgalteriya hisobi, Moliya va soliqlar, Ekonometrika, Bank ishi, Ijtimoiy fanlar, Jismoniy madaniyat

 

Katta o‘qituvchilar: Iqtisodiy tahlil va audit, Moliya va soliqlar, Statistika, Iqtisodiyotda axborot texnologiyalari, Ekonometrika, Menejment, Korporativ boshqaruv, Oliy matematika, Jahon tillari, Ingliz tili, O‘zbekistonda demokratik jamiyat qurish nazariyasi va amaliyoti

 

Assistentlar: Statistika, Korporativ boshqaruv, Bank ishi, Jahon iqtisodiyoti

 

O‘qituvchi: Jahon tillari, Ingliz tili

 

 

TANLOVDA QATNASHISH UCHUN QUYIDAGI HUJJATLAR TAQDIM ETILISHI LOZIM:

Rektor nomiga ariza;

Xodimlarni hisobga olish bo‘yicha shaxsiy varaqa (Boshqa tashkilotlardan tanlovda qatnashishga ariza berganlar uchun);

Oliy ma’lumoti, ilmiy darajasi, ilmiy unvoni haqidagi attestat nusxalari (Boshqa tashkilotlardan tanlovda qatnashishga ariza berganlar uchun);

Ilmiy ishlari ro‘yxati;

Malaka oshirganligi hamda qayta tayyorlovdan o‘tganligi haqidagi diplomlar va sertifikatlar;

Oxirgi 5 yilda amalga oshirgan pedagogik faoliyati haqida hisobot;

Kafedra muhokamasidan ko‘chirma.

 

Arizalar qabul qilish muddati – e’lon chop etilgan kundan boshlab 1 oy.

 

Manzilimiz      –     100066,     Toshkent shahri, Islom Karimov ko‘chasi, 49.

TDIU, Xodimlar bo‘limi. Tel.: (0-371) 239-01-42, 239-01-08

2019-yil 25-mart kuni Toshkent davlat iqtisodiyot universitetida “O‘quv jarayoni sifatini oshirishda axborot-kommunikatsion texnologiyalarni amaliy qo‘llash” mavzusida seminar tashkil etildi. Unda barcha fakultetlarning professor-o‘qituvchilari, ilmiy tadqiqotchilar va Axborot texnologiyalari markazi xodimlari ishtirok etdi.

 

 

Tadbirni kirish so‘zi bilan Ilmiy ishlar va innovatsiyalar bo‘yicha prorektor Sherzod Mustafoqulov ochib, universitet imijini oshirish, dunyo reytinglarida yuqori o‘rinlarga olib chiqish, ta’lim sifatini yaxshilashda axborot-kommunikatsiya texnologiyalarnibg ahamiyati haqida to‘xtalib o‘tdi.

 

 

Seminarda universitetda masofaviy ta’lim tizimini joriy etish istiqbollari va xavf-xatarlar, ta’lim sifatiga ta’sir etuvchi omillar va elektron ta’lim imkoniyatlari, innovatsion ta’lim joriy etish samarasi kabi masalalar muhokama qilindi.

 

 

Seminar ishtirokchilari e’tiboriga zamonaviy talablarga mos holda oliy ta’limning sifatini ta’minlash uchun zarur bo‘lgan pedagoglarning kasbiy kompetentlik darajasini oshirish, pedagog kadrlar tomonidan zamonaviy axborot-kommunikatsiya texnologiyalari va xorijiy tillarni samarali o‘zlashtirilishini ta’minlash, o‘qitishning innovatsion texnologiyalari va ilg‘or xorijiy tajribalarni o‘zlashtirish, o‘quv jarayonini fan va ishlab chiqarish bilan samarali integratsiyasini ta’minlashga qaratilgan faoliyatni tashkil etish bo‘yicha taqdimot havola etildi.

 

 

Tadbir faoliyatga tanqidiy tahlil ruhida o‘tib, amalga oshirilishi lozim bo‘lgan dolzarb vazifalarga e’tibor qaratildi.

 

 

Ma’ruza bo‘yicha taqdimot bilan quyida tanishishingiz mumkin

Ўқув жараёни сифатини ошириш мақсадида ахборот – коммуникацион технологияларни амалий қўлланилиши

Bugun, 19-mart kuni Toshkent davlat iqtisodiyot universitetida O‘zbekiston Respublikasi Bosh prokuraturasi huzuridagi Majburiy ijro buyurosi markaziy mahkamasi va Toshkent shahar boshqarmasi vakillarining bitiruvchi kurs talabalari bilan uchrashuvi bo‘lib o‘tdi.

 

 

Tadbir avvalida ishtirokchilar e’tiboriga Majburiy ijro buyurosi faoliyatiga doir hujjatli film havola etildi.

 

 

Majburiy ijro buyurosi Toshkent shahar boshqarmasi Kadrlar bo‘limi boshlig‘i, 1-darajali yurist Shahriyor Fayziev faoliyatda qisqa muddatlar ichida elektr energiyasi, tabiiy gaz yetkazib berish va iste’mol qilish sohasida shartnoma majburiyatlariga so‘zsiz rioya etish, shuningdek, sud va boshqa organ hujjatlarini ijro etish bo‘yicha ta’sirchan mexanizm yaratilganini ta’kidlab o‘tdi. Shuningdek, u o‘z so‘zida Majburiy ijro buyurosining mustaqil huquqni muhofaza qiluvchi organ sifatidagi asosiy vazifalari, faoliyat olib boruvchi xodimlar maqomi, davlat ijrochilari va inspektorlarining vazifalari, xodimlarning ijtimoiy himoyasi haqida ma’lumot berib o‘tdi.

 

 

Ma’lumki, bugungi kunda Majburiy ijro byurosi tomonidan to‘lov intizomi sohasida iste’molchilarning huquqiy madaniyatini oshirish, qonun va huquqiy hujjatlar ijrosini ta’minlash borasida salmoqli ishlar olib borilmoqda. Faoliyatdagi ishlarni yanada yaxshilashda sohaga malakali kadrlarni jalb etish dolzarb vazifa hisoblanadi. Shundan kelib chiqib, Majburiy ijro buyurosi vakillari bitiruvchi yoshlarga mavjud bo‘sh ish o‘rinlari, ishga kirish tartiblari va nomzodlarga qo‘yiladigan talablar xususida ma’lumot berib o‘tdilar.

 

 

Bu xususda O‘zbekiston Respublikasi Bosh prokuraturasi huzuridagi Majburiy ijro byurosining Kadrlar boshqarmasi boshlig‘i, adliya maslahatchisi Ulug‘bek Mamarajabov to‘liq ma’lumot berib o‘tdi.

 

 

— “Byuroda xizmat qilish uchun yurisprudensiya, moliya, iqtisodiyot va boshqa sohalarda oliy yoki o‘rta maxsus ma’lumotli, sog‘lig‘iga ko‘ra xizmat majburiyatlarini bajarishga qodir bo‘lgan, zarur kasb-kor va ma’naviy fazilatlarga ega O‘zbekiston fuqarolari qabul qilinadilar.

Byuroga xizmatga qabul qilishda nomzodlarning belgilangan talablarga muvofiqligini o‘rganish maqsadida tekshirish hamda maxsus komissiya tomonidan bilim saviyasi, zarur kasb malakasi va ishchanlik qobiliyatini aniqlashga qaratilgan suhbat o‘tkaziladi.

Muomalaga layoqatsiz, muomala layoqati cheklangan, sudlangan, nojo‘ya xatti-harakatlar sodir etganligi uchun boshqa davlat organlaridan bo‘shatilgan shaxslar Byuroga xizmatga qabul qilinmaydi.”

 

 

 

Shundan so‘ng, talabalar o‘zlarini qiziqtirgan savollar bilan Byuroning mutasaddi vakillariga murojaat qildilar va batafsil ma’lumotga ega bo‘ldilar. Byuro va uning hududiy boshqarmalarida mavjud bo‘sh ish o‘rinlari haqida ma’lumot berildi.

Buxgalteriya hisobi va audit fakulteti, Statistika kafedrasi hamda O‘zbekiston Respublikasi Davlat ctatistika qo‘mitasi hamkorligida “O‘zbekistonda statistika tizimi faoliyatida amalga oshirilayotgan islohotlarni asosiy yo‘nalishlari va istiqbollari” mavzusida ilmiy-amaliy seminar o‘tkazildi.

 

 

Ta’kidlanganidek, o‘tish davrida iqtisodiyot sohasida statistik hisobotlarni to‘g‘ri yuritish va davlatning iqtisodiy salohiyatini aniq baholash juda muhim va dolzarb masalalardan biri bo‘lib qolmoqda. Ayniqsa iqtisodchi mutaxassislar hisobotlarda aks ettirilayotgan raqamlarni chuqur tahlil qilish va ular asosida zarur bo‘lgan istiqbolli rejalarni ishlab chiqishini zamon talabi deb hisoblash mumkin.

 

 

Ilmiy seminarda Davlat statistika qo‘mitasining bo‘lim boshlig‘i Sardor Jo‘raev, Yig‘ma-axborot ishlari boshqarmasi bosh mutaxasssisi Jahongir Saidov, Narxlar statistikasi boshqarmasining Iste’mol va ishlab chiqaruvchilar narxlari statistikasi bo‘yicha yig‘ma tahliliy axborotlarni shakllantirish bo‘limi boshlig‘i Shuhrat Daliev, Demografik jarayonlarni shakllantirish va tahlil etish bo‘limi boshlig‘i Sherzod Dusnaev o‘z ma’ruzalari bilan ishtirok etdi.

 

 

“O‘zbekistonda tashqi savdo aylanmasining shakllanishi”, “O‘zbekiston Respublikasi ijtimoiy-iqtisodiy rivojlanishining asosiy ko‘rsatkichlari”, “O‘zbekiston Respublikasida inflyasiya darajasi va uni hisoblash tartibi”, “O‘zbekistonda aholi statistikasi to‘g‘risidagi ma’lumotlarning shakllanishi va 2022 yilda o‘tkaziladigan aholi ro‘yxatiga tayyorgarchilik ishlari” kabi mavzulardagi ma’ruzalar ishtirokchilar tomonidan qizg‘in muhokama qilindi.

 

 

Ilmiy-amaliy seminarda ishtirok etgan profsessor-o‘qituvchilar va talabalar ma’ruzachilarga o‘zlarini qiziqtirgan savollar bilan murojaat qildilar.

 

 

Ilmiy-amaliy seminar profsessor-o‘qituvchilar va talabalarda katta taassurot qoldirdi. Shu kabi uchrashuvlarni kelgusida ham innovatsion korporativ hamkorlik doirasida tez-tez o‘tkazib turishga qaror qilindi.

 

Normativ-huquqiy hujjatlar loyihalari muhokamasi portalida Vazirlar Mahkamasining “Toshkent davlat iqtisodiyot universitetining Samarqand filialini tashkil etish”gi qarori loyihasi joylashtirildi.

Loyihaga ko‘ra, Filial O‘zbekiston Respublikasi Prezidenti Shavkat Mirziyoyevning 2019-yil 11-yanvar kuni Samarqand viloyatiga tashrifi davomida bergan topshiriqlaridan kelib chiqib, shuningdek iqtisodiyotning barcha soha va tarmoqlari hamda raqamli iqtisodiyotni rivojlantirish maqsadida tashkil etiladi.

Uning asosiy vazifalari etib hududda iqtisodiyot soha va tarmoqlarining rivojlanish istiqbollarini hisobga olgan holda Germaniya va boshqa rivojlangan mamlakatlarning yetakchi universitetlari bilan yaqin hamkorlikda viloyatda ehtiyoj yuqori bo‘lgan quyidagi va boshqa mutaxassisliklar bo‘yicha malakali iqtisodchi kadrlarni tayyorlash belgilangan:

? “Raqamli iqtisodiyot”;
? “Oziq-ovqat va resurslar iqtisodiyoti”;
? “Agrobiznes va marketing”;
? “Buxgalteriya hisobi va audit” va b.

Qaror loyihasida Filialga O‘zbekiston Respublikasi Prezidentining 2018-yil 21-sentabrdagi PF-5544-son farmoni bilan tasdiqlangan 2019 – 2021-yillarda O‘zbekiston Respublikasini innovatsion rivojlantirish strategiyasini amalga oshirish bo‘yicha “Yo‘l xaritasi”ga muvofiq kadrlarga bo‘lgan ehtiyojdan kelib chiqqan holda mustaqil ravishda qabul kvotalarini belgilash huquqi berilgan.