YANGILIKLAR

Oy: Mart 2019

Toshkent davlat iqtisodiyoti universiteti vakillari joriy yilning 11-16-mart kunlari Bolgariyaning “Angel Kanchev” Ruse universitetida ERASMUS+ loyihasi doirasida tashkil etilgan dastlabki uchrashuvda ishtirok etdilar. 598092-EPP-1-2018-1-BG-EPPKA2-CBHE-SP sonli loyiha “Yangi texnologiyalar orqali Markaziy Osiyoda oliy ta’limni takomillashtirish”ga qaratilgan bo‘lib, uchrashuvda Bolgariya, Italiya, Portugaliya, Lyuksemburg, O‘zbekiston, Qozog‘iston, Turkmaniston, Tojikiston va Qirg‘iziston davlatlaridan 15 ta oliy ta’lim muassasalaridan, jami 54 nafar ishtrokchi qatnashdi.

 

 

Toshkent davlat iqtisodiyot universitetidan ushbu loyihada Xalqaro hamkorlik bo‘yicha prorektor Obidjon Hamidov va Ilmiy-innovatsion ishlanmalarni tijoratlashtirish bo‘limi boshlig‘i Azizjon Bobojonovlar ishtirok etib, universitetning innovatsion ta’lim imkoniyatlari bo‘yicha ma’ruza qilishdi.

 

 

Loyihada Yevropa va Markaziy Osiyodan ishtirok etuvchi universitetlarning imkoniyatilari, xalqaro darajadagi hamkorligi va o‘quv jarayonlarida innovatsion ta’lim texnologiyalaridan foydalanish darajasi tanishtirildi. Shuningdek, “Angel Kanchev” Ruse universiteti professori va mazkur loyihaning rahbari Angel Smrikarov innovatsion ta’lim texnologiyalaridan samarali foydalanish usullari hamda ta’limda yangi avlod texnologiyalarini joriy etish ayni vaqtda dolzarb ekanligi va joriy etishdagi asosiy muammolar va yo‘l qo‘yiladigan kamchiliklar haqida qiziqarli ma’ruza qildi.

 

 

Loyiha ishtirokchi universitetlari kelajakda loyiha doirasida amalaga oshirilishi kerak bo‘lgan vazifalarni kelishib olishdi.

Korporativ boshqaruv fakulteti talabalari uchun Jahon iqtisodiyoti kafedrasi tomonidan taklif etilgan Fransiyaning “INSEEC Business School” professori Robert Artur Kreyn “Xalqaro bozorlar va biznes etika” mavzusida 36 soatlik o‘quv mashg‘uloti o‘tkazdi.

 

 

Mazkur o‘quv kursining maqsadi Markaziy Osiyo mintaqasida oliy ta’lim muassasalari talabalari o‘rtasida xalqaro biznes munosabatlariga etikaning ta’sirini muhokama qilish, uning talabalar qarashlarida zamonaviy rivojlanish yo‘nalishlarini aniqlash hamda o‘rganishdir.

O‘quv kursida nazariy yondashuv, keys stadi, rolli o‘yinlar, og‘zaki va elektron onlayn so‘rovnoma, test, individual savol-javob va kichik guruhlarda ishlash bo‘yicha metodlardan keng foydalanildi. Talabalarga xalqaro biznesning tub mohiyati, biznesda etikaning dolzarbligi, xalqaro biznesda professional shaxsni shakllantirish, xalqaro biznesda madaniyatning tutgan o‘rni hamda xalqaro biznes yuritishda turli millatga mansub bo‘lgan xodimlar faoliyat yuritadigan Transmilliy kompaniyalardagi ijtimoiy-iqtisodiy munosabatlar haqida ma’lumotlar berildi.

 

 

Dars mashg‘ulotlari 4 martdan 20 martgacha davom etdi, unda Fransiyaning “INSEEC Business School” professori Robert Artur Kreyn ma’ruzalar bilan ishtirok etdi va unga Jahon iqtisodiyoti kafedrasi assistenti Aziz Zikriyoev assistentlik qildi. Mashg‘ulotda kafedra professor-o‘qituvchilaridan N. Ismailova, B. Islamov, A. Shermuhammedov, D. Xo‘jamqulov va “Jahon iqtisodiyoti (mintaqa va faoliyat turlari buyicha)” mutaxassisligi bo‘yicha magistratura hamda bakalavriat bosqichida tahsil olayotgan talabalar, umumiy miqdorda 71 ta talaba-magistrant ishtirok etdi.

 

 

Talaba-magistrantlar tomonidan xalqaro biznesning mohiyati, biznesda etikaning dolzarbligi, xalqaro biznesda madaniyatning tutgan o‘rni, xalqaro biznesda turli millat va elatlarga mansub bo‘lgan xodimlar faoliyat yuritadigan Transmilliy kompaniyalardagi ijtimoiy-iqtisodiy munosabatlar xususidagi qimmatli ma’lumotlar o‘rganildi. Shuningdek, milliy mafkuramizdan kelib chiqib, xalqaro biznesda professional shaxsni shakllantirishning sir-asrorlari o‘zlashtirildi.

Kursning ilk kunida professor Robert Kreyn universitetimiz talabalarining umumiy bilimlarini ingliz tilida namoyon etishi va shakllantirish imkoniyatlari bilan qiziqdi.

Talaba va magistrantlar o‘rtasida xalqaro bozorlar, biznes, madaniyat hamda etika to‘g‘risida nazariy asoslari haqida fikr yuritildi. Talabalar professor bilan umumiy bilimlarini ingliz tilida bayon etdilar.

Kursning navbatdagi kunida o‘zbek kino sanoatini g‘arb kino sanoati bilan solishtirish orqali xalqaro biznes etikasini mamlakatimiz milliy iqtisodiyotiga ta’siri muhokama qilindi.

 Quyidagi diagrammada “Role of Western movies in Uzbek culture” mavzusidagi ilk so‘rovnomada qatnashgan talabalarning fakultetlar kesimidagi nisbati keltirilgan. Bundan Korporativ boshqaruv fakulteti talabalari yetakchilik qilganini ko‘rish mumkin.

 

 

Unda 41 talaba o‘rtasida onlayn so‘rovnoma o‘tkazish orqali fikr-mulohazalar juda yuqori baholandi. Ayniqsa, talabalar so‘rovnoma savollariga quyidagicha yondashdilar:

 

 

G‘arb kinolarining o‘zbek yoshlariga ta’sirini baholash to‘g‘risidagi savolga 31.2 foiz talabalar psixologik ta’sirlari juda yuqori deb belgilashdi.

Navbatdagi savolga ya’ni, g‘arb kinolari o‘zbek madaniyatiga ta’siri bo‘yicha so‘rovnomaning 23.4 foiz ovoz bilan kinolarda g‘arbning yashash tarzi targ‘ib qilinadi deb baholandi.

 

 

G‘arb kinolarining ijobiy tomonlari degan savolga talabalarning 64.3 foizi professional shaxsiyatni rivojlantirish degan javob bilan yetakchilik qilishdi.

Navbatdagi o‘quv mashg‘ulotida professor Kreyn “International Awareness Survey” mavzusini dolzarb hisoblab o‘tilgan darslarni yanada muhokama qilish maqsadida navbatdagi so‘rovnoma shakllantirdi.

Bunda Iqtisodiyot fakulteti talabalari yetakchilik qildi.

 

 

Navbatdagi savolda talabalar xalqaro biznesda so‘zlashuv tillar sifatida savollarga javob berdilar. O‘zbek tilining tanlanishi esa aynan mamlakatimizning investitsion jozibadorligini oshirish orqali xorijdan investitsiyalar jalb qilishda muhim ahamiyat kasb etishi hisobga olindi.

 

 

Navbatdagi solishtirma tahliliy qismda uch mamlakatning xalqaro resurslar taqsimoti o‘rganildi. Har bir talaba shaxsiy bilim va tajribalarini namoyon etdi.

 

Mashg‘ulotlarda ko‘p millatli auditoriyani tashkil etish maqsadida Toshkent shahridagi G.V. Plexanov nomidagi Rossiya iqtisodiyot universiteti talabalari jalb etildi. Ushbu universitet talabalarining taqdimot ishlari va chiqishlari darslar davomida yuqori darajada baholandi. Talabalar o‘rtasida qiziqarli savol-javoblar natijasida O‘zbekistonning Butun jahon savdo tashkilotiga a’zo bo‘lishida qanday ustunliklar va kamchiliklar ega ekanligi haqida ham fikrlar bilan xulosa qilindi.

 

 

O‘quv kursi davomida aksariyat talabalar juda faol ishtirok etdi. Professor Kreyn ba’zi hollarda ingliz tili bo‘yicha talabalarda bir oz muammolar borligini ta’kidlab umumiy holda jamoaviy o‘zlashtirishni yaxshi baholadi.

 

 

Shuning bilan, “Fransiyaning “INSEEC Business School” professori Robert Artur Kreynning Jahon iqtisodiyoti kafedrasi tomonidan talaba va magistrantlarga mo‘ljallagan “Xalqaro bozorlar va biznes etika” mavzusidagi 36 soatlik o‘quv kursi yakunlandi.

 

 

Talabalar ushbu mashg‘ulot yuksak darajada taassurot qoldirdi. Kurs yakunida talabalardan keys stadi shaklida imtihon olinib, Sertifikat bilan taqdirlandi.

Nilufar Ismailova, Jahon iqtisodiyoti kafedrasi mudiri

Aziz Zikriyoyev, kafedra assistenti

“Yoshlar ijod saroyi”da O‘zbekiston Savdo-sanoat palatasi, O‘zbekiston Respublikasi Bandlik va mehnat munosabatlari vazirligi, O‘zbekiston Respublikasi Oliy va o‘rta maxsus ta’lim vazirligi, O‘zbekiston yoshlar ittifoqi hamkorligida “Ta’lim va mutaxassislik” XX xalqaro ko‘rgazmasi bo‘lib o‘tmoqda.

 

 

 

Ko‘rgazma ta’lim va bandlik yo‘nalishlarida tashkil etilib, unda AQSh, Xitoy, Fransiya, Hindiston, Yaponiya, Germaniya, Latviya, Chexiya, Polsha, Angliya, Malayziya, Vengriya, Ispaniya, Rossiya, Kanada, Shveytsariya, Singapur kabi davlatlardagi 70 ga yaqin nufuzli oliy o‘quv yurtlari va ularning O‘zbekistondagi filiallari, 40 dan ortiq O‘zbekistonda faoliyat yuritayotgan oliy ta’lim muassasalari, 40 dan ortiq xorijda ta’lim olishga ko‘maklashuvchi tashkilotlar, nodavlat ta’lim muassasalari hamda o‘quv kurslari ishtirok etmoqda.

 

 

Shu jumladan, Toshkent davlat iqtisodiyot universiteti ham mazkur “Ta’lim va mutaxassislik” XX xalqaro ko‘rgazmasida faol ishtirok etmoqda. Yoshlarni oliy o‘quv yurtlari hamda oliy ma’lumotga ega bo‘lish imkoniyatlari, kasbga yo‘naltirish mazkur tadbirning asosiy maqsadlaridan biri hisoblanadi.

 

 

 

Ko‘rgazmada ishtirok etayotgan Toshkent davlat iqtisodiyot universiteti jamoasi maxsus sertifikat bilan taqdirlandi.

 

Iqtisodiy tahlil va audit kafedrasi O‘zbekiston Respublikasi Buxgalterlar va auditorlar milliy assotsiatsiyasi hamda “PKF MAK ALYANS” auditorlik tashkiloti bilan innovatsion-korporativ hamkorlik doirasida “O‘zbekiston Respublikasida auditorlik faoliyatini yanada rivojlantirish chora-tadbirlari to‘g‘risida” mavzusida ilmiy-amaliy seminar tashkil etdi.

 

 

Ilmiy-amaliy seminarni Iqtisodiy tahlil va audit kafedrasi mudiri dots. Zafar Muqumov olib bordi.

So‘ngra kafedra dotsenti B. Otajonov so‘zga chiqib, kun tartibidan o‘rin olgan mavzuni qisqacha izohlab berdi va so‘zni ma’ruzachi O‘zbekiston Respublikasi Buxgalterlar va auditorlar Milliy assotsiyaatsiya kengash raisi, professor M. Tulaxodjayevaga berdi.

 

 

Ma’ruzada bugungi kunda O‘zbekiston Respublikasi Prezidentining “Auditorlik faoliyatini yanada rivojlanish chora-tadbirlari to‘g‘risida”gi qarorida keltirilgan asosiy vazifalarni ta’minlash dolzarb masala sifatida qayd etildi.

Auditorlik xulosasidan foydalanuvchilar doirasi kengayib borayotganligi, qo‘shma korxonalar barpo etilayotganligi, chet el investitsiyalari mamlakatimiz iqtisodiyotining real sektoriga kiritilishi, zamonaviy korporativ boshqaruv uslublarini shartli etish audit tizimini xalqaro standartlar darajasida tashkil etishni talab etmoqda.

 

 

Aytib o‘tilganidek, iqtisodiyotning liberallashtirish va rivojlantirish sharoitida turli mamlakatlarda sifatli, taqqoslanadigan va ishonchli hamda uyg‘un axborotlarni shakllantirishda yagona yondashuvni qabul qilish muhim ahamiyat kasb etmoqda.

Bunday imkoniyatga faqat moliyaviy hisobotning xalqaro standartlarini (MHXS) tan olish va unga muvofiq holda hisobotlar tuzish orqali erishish mumkin. Buxgalteriya hisobi to‘g‘risidagi qonunning yangi tahririda ham buxgalteriya hisobi sub’ektlari belgilangan tartibda MHXSlarni qo‘llash mumkinligi e’tirof etildi.

 

 

Ma’ruza so‘ngida professor-o‘qituvchilar, ilmiy tadqiqotchilar va talabalar tomonidan berilgan savollarga batafsil javoblar berildi.

Shundan so‘ng ikkinchi ma’ruzachi, Buxgalterlar va auditorlar imtihon markazi direktori Abduraxmonova so‘zga chiqib, O‘zbekistonda buxgalterlarni milliy va xalqaro sertifikatlash tartibi to‘g‘risida batafsil ma’lumot berib o‘tdi.

 

 

Bundan tashqari ma’ruzachilar o‘z ma’ruzalarida hozirgi kunda buxgalteriya hisobi axborotlarini yig‘ish, guruhlashtirish va qayta ishlash, moliyaviy hisobot axborotlarini xalqaro standartlar asosida takomillashtirishning ayrim nazariy va uslubiy masalalari dolzarbligi hamda olimlar tomonidan o‘rganilayotganligi haqida ham gapirib o‘tdilar.

Ma’ruza so‘ngida seminar ishtirokchilaridan dots. M. Tulayev, dots. M. Xodjayeva, dots. B. Otajonovlar qatnashib, mavzuga oid o‘z fikr-mulohazalarini bayon etishdi hamda takliflar berishdi.

 

 

Innovatsion-korporativ hamkorlik doirasidagi ilmiy-amaliy seminarda Iqtisodiy tahlil va audit kafedrasi professor-o‘qituvchilari o‘z fikr-mulohazalari bilan faol ishtirok etishdi.

Seminar juda dolzarb mavzuda bo‘lganligi, berilgan ma’lumotlarning, fikr-mulohazalarning amaliy ahamiyati yuqoriligi bilan ishtirokchilarda katta taassurot qoldirdi.

Iqtisodiy tahil va audit kafedrasi professor-o‘qituvchilarining takliflarini inobatga olib har oyda ikki marotaba dolzarb mavzularda Innovatsion-korporativ hamkorlik doirasidagi ilmiy-amaliy seminarlarni tashkil etishga kelishib olindi.

Iqtisodiy tahlil va audit kafedrasi “O‘zbekiston temir yo‘llari” AJ hamda “O‘zbekko‘mir” AJ bilan hamkorlikda innovatsion-korporativ hamkorlik doirasida “Iqtisodiyotni investitsion jozibadorligini oshirishda moliyaviy tahlil va auditning dolzarb masalalari” mavzusida ilmiy-amaliy seminar tashkil etdi.

 

 

 

Ilmiy-amaliy seminar O‘zbekiston Respublikasi Prezidentining «Iqtisodiy rivojlanish sohasida davlat siyosatini amalga oshirish tizimini tubdan takomillashtirish chora-tadbirlari to‘g‘risida» 2019-yil 10-yanvardagi farmonini keng ommaga targ‘ib qilish va ijrosini ta’minlash maqsadida tashkil etildi.

Ta’kidlanganidek, mamlakatimizda o‘tkazilayotgan demokratik bozor islohotlarining va O‘zbekistonni ijtimoiy-iqtisodiy rivojlantirishning 2017-2021 yillarga mo‘ljallangan Harakatlar strategiyasining diqqat markazida turgan eng muhim ustuvor vazifalardan biri – milliy iqtisodiyotda tarkibiy o‘zgartirishlarni chuqurlashtirish, milliy iqtisodiyotning yetakchi tarmoqlarini modernizatsiya va diversifikatsiya qilish hisobiga uning raqobatbardoshligini oshirish sanaladi.

 

 

Seminarda quyidagi mavzularda ilmiy ma’ruzalar tinglandi:

 

“Iqtisodiyotni modernizatsiyalash sharoitida O‘zbekiston temir yo‘llari” AJni rivojlantirish istiqbollari”

Ma’ruzachi: Qodirov Jasurbek Sharofitdinovich – “O‘zbekiston temir yo‘llari” AJ moliya boshqarmasi boshlig‘i;

 

“O‘zbekko‘mir” AJning moliyaviy holati tahlili va uni investitsion rivojlantirish yo‘nalishlari”

Ma’ruzachi: Ergashev Fazliddin Yuldashevich – “O‘zbekko‘mir” AJ moliya-iqtisod boshqarmasi boshlig‘i.

“Kichik sanoat zonalarida moliyaviy hisobot axborotlarini kompilyasiya qilish bosqichlari”

Ma’ruzachi: Hasanov Bahodir Akramovich –Iqtisodiy tahlil va audit kafedrasi professori.

Jahon mamlakatlari milliy iqtisodiyotining globallashuv jarayonida transport infratuzilmasining roli va ahamiyati ortib bormoqda. Davlatimiz rahbari ta’kidlaganlaridek, ―Hayotning o‘zi va o‘tgan yillar tajribasi hududlarni kompleks rivojlantirishni va infratuzilma faoliyatini tubdan o‘zgartirishni ta’minlashdagi jiddiy kamchiliklarni bartaraf etishni talab qilmoqda.

 

 

Bugungi kunda transport xizmatlarining keng doirasi dunyo miqyosida oshib borayotgan yuk va yo‘lovchi oqimini ta’minlab turish orqali xalqaro aloqalarning rivojlanishiga, global iqtisodiyotning shakllanishiga olib kelmoqda.

Ilmiy-amaliy seminarda temir yo‘l sohasida erishilayotgan muvaffaqiyatlar, ya’ni iqtisodiyotning turli tarmoqlarida innovatsiyalarning ommaviy ravishda joriy etilayotganligi, jumladan transport xizmatlari ko‘rsatish sohasiga ham tegishli jarayon bo‘lib ulgurdi. Transport tizimining muhimligi iqtisodiy rivojlanish uchun maqsadli dasturni amalga oshirishni, har xil transport turlarini rivojlantirishga qaratilgan kompleks maqsadli dasturni amalga oshirishni ta’kidlandi.

 

 

Temir yo‘l sohasi faoliyatini tadqiq qilayotganda va uni rivojlantirish dasturlarini amalga oshirilishida hal qilinadigan vazifalarini aniq belgilab olish kerak, ya’ni temir yo‘l tarmog‘ining o‘ziga xos xususiyatlarini inobatga olgan holda belgilanishi lozimligi aytib o‘tildi.

Ma’ruzalar so‘ngida professor-o‘qituvchilari, ilmiy izlanuvchilar va sohaga qiziquvchi iqtidorli talabalar tomonidan berilgan savollarga mutaxassislar tomonidan javoblar olindi.

Ushbu ilmiy-amaliy seminar ishida sohaga tegishli amaliyotchilar, oliy ta’lim muassasalarining professor-o‘qituvchilari va talabalar ishtirok etdi.

Ilmiy-amaliy seminar ishi sermahsul, yuqori saviyada va qizg‘in bahs-munozaralar bilan o‘tdi.

Sanoat iqtisodiyoti kafedrasi tomonidan innovatsion-korporativ hamkorlik doirasida “O‘zbekiston Respublikasida meva-sabzavotlar eksportini amalga oshirishda xalqaro standartlardan foydalanish” mavzusida ilmiy-amaliy seminar o‘tkazildi.

 

 

Ilmiy-amaliy seminarni Sanoat iqtisodiyoti kafedrasi mudiri, dotsent Ibodulla Xotamov kirish so‘zi bilan ochib, seminarni tashkil etishdan ko‘zda tutilgan maqsad va vazifalar xususida to‘xtalib o‘tdi.

 

 

Ta’kidlanganidek, milliy iqtisodiyotimizning raqobatbardoshligini oshirish hamda eksport salohiyatini mustahkamlash respublikamizni yaqin va uzoq muddatli rivojlantirish strategiyasida alohida o‘rin tutadi.

 

 

O‘zbekiston Respublikasi Prezidentining 2018-yil 17-oktyabrdagi “Meva-sabzavot mahsulotlarini tashqi bozorlarga chiqarish samaradorligini oshirishga doir qo‘shimcha chora-tadbirlar to‘g‘risida”gi qarorida eksport faoliyatini liberallashtirish va soddalashtirish, eksport tarkibini va geografiyasini diversifikatsiya qilish, dunyo bozorlarida xaridorgir va eksportbop meva-sabzavot mahsulotlar ishlab chiqarish hajmlarini oshirish orqali agrar sektorning eksport salohiyatini yuksaltirish masalalariga alohida e’tibor qaratilgan.

 

 

Bugungi kunda meva-sabzavotlar eksportini oshirishda xalqaro sifat standartlarini joriy etish masalalari muhim ahamiyat kasb etadi. O‘zbekiston Respublikasi Prezidentining 2018-yil 12-dekabrdagi “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida”gi qarorida bu borada jiddiy chora-tadbirlarni amalga oshirish ko‘zda tutilgan va tizimni rivojlantirish bo‘yicha “yo‘l xaritasi” tasdiqlangan.

 

 

Shundan kelib chiqib, ilmiy-amaliy seminarda respublikamizning meva-sabzavotlar eksporti salohiyatini yuksaltirishda xalqaro sifat standartlaridan foydalanishning ilmiy-amaliy jihatlari muhokama qilindi hamda bu borada tegishli xulosalar va tavsiyalar ishlab chiqildi.

 

 

Seminarda quyidagi mavzularda ilmiy ma’ruzalar tinglandi:

“Mahsulotlarni raqobatbardosh va eksportbopligini oshirishda standartlashtirishning ahamiyati

Ma’ruzachi: “O‘zstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti yetakchi mutaxasisi Malik Ochilov;

 

“Meva-sabzavotlar eksporti va logistikasini tashkil etish

Ma’ruzachi: Sanoat iqtisodiyoti kafedrasi dotsenti, PhD Muhiddin Yusupov;

 

“Meva-sabzavotchilik sohasida qishloq xo‘jaligi kooperatsiyasini rivojlantirish chora-tadbirlari”

Ma’ruzachi: Sanoat iqtisodiyoti kafedrasi dotsenti, i.f.n. Tolibjon Jo‘raev.

Ushbu ilmiy-amaliy seminar ishida sohaga tegishli amaliyotchilar, oliy ta’lim muassasalarining professor-o‘qituvchilari va talabalar ishtirok etdi.

 

 

 

Jumladan, O‘zbekiston Standartlashtirish, metrologiya va sertifikatlashtirish agentligi – “O‘zstandart”, “Lazzat karamel” qo‘shma korxonasi seminar ishida innovatsion korporativ hamkor tashkilotlar sifatida ishtirok etib, uni yuqori saviyada tashkil etishga munosib hissa qo‘shdilar.

 

 

 

Ilmiy-amaliy seminar ishi sermahsul, yuqori saviyada va qizg‘in bahs-munozaralar bilan o‘tdi. Seminar yakuni bo‘yicha qaror qabul qilinib, muhokama qilingan masalalar yuzasidan tegishli davlat boshqaruvi organlari va tashkilotlarga taqdim etish uchun xulosa va tavsiyalar tayyorlanadi. Ular milliy iqtisodiyotimizning raqobatbardoshligini oshirish hamda “Harakatlar strategiyasi”da belgilangan vazifalar ijrosini ta’minlashga muayyan darajada o‘z hissasini qo‘shadi.

Bugun, 28-mart kuni Toshkent davlat iqtisodiyot universitetiga Fransiyaning O‘zbekistondagi favqulodda va muxtor elchisi Violen de Vilmor xonim tashrif buyurdi.

 

 

 

 

Martabali mehmon avvalo, universitet hayoti, faoliyati, dars berish jarayonlari, yaratilgan sharoitlar bilan tanishdi. Muassasada ta’lim berish, ilm-fanni rivojlantirish borasida olib borilayotgan amaliy sa’y-harakatlarga o‘zining yuksak e’tirofini bildirdi. Violen de Vilmor xonimga O‘quv ishlari bo‘yicha prorektor G‘ofurjon Zohidov, Xalqaro hamkorlik bo‘yicha prorektor Obidjon Hamidov, Korporativ boshqaruv fakulteti dekani Muxtorxon Toshxodjaev, Xalqaro hamkorlik bo‘limi boshlig‘i Nozima Zufarova hamrohlik qildilar.

 

 

 

 

 

 

Shundan so‘ng, Violen de Vilmor xonim Korporativ boshqaruv fakultetining “Jahon iqtisodiyoti va xalqaro iqtisodiy munosabatlar” yo‘nalishida tahsil olayotgan talabalar bilan uchrashdi. Uchrashuv chog‘ida Violen de Vilmor xonim “Fransiya iqtisodiyoti va siyosati” hamda “Fransiya-O‘zbekiston munosabatlari” mavzulari bo‘yicha ma’ruza-taqdimot o‘tkazdi. Ma’ruza Elchi va talabalar o‘rtasidagi mavzuga oid qizg‘in savol-javoblar bilan o‘z nihoyasiga yetdi.

 

 

Tadbir so‘ngida faxrli mehmonga Toshkent davlat iqtisodiyot universitetining esdalik sovg‘alari topshirildi.

2019-yil 28-mart Toshkent davlat iqtisodiyot universitetida Kasb ta’limi (iqtisodiyot) kafedrasi tomonidan “Kadrlarni maqsadli va sifatli tayyorlashda ta’lim, fan, ishlab chiqarishning samarali integratsiyasini ta’minlanishi” mavzusida ilmiy-amaliy seminar o‘tkazildi.

 

 

Seminarning o‘tkazilishidan maqsad – iqtisodiy ta’lim jarayonida ta’lim, fan va ishlab chikarishning integratsiya masalalari, uzluksiz ta’lim tizimida ta’lim samaradorligini oshirishda olib borilayotgan ilmiy tadqiqotlar, yangiliklar bilan tanishish va yuksak ma’naviyatli va intellektual salohiyatli zamonaviy kadrlar tayyorlashning dolzarb masalalariga jamoatchilikning diqqatini qaratishdir.

 

 

 Ilmiy-amaliy seminarda Iqtisodiyotda axborot tizimlari fakulteti dekani Abdurasul Sobirov, Kasb ta’limi (iqtisodiyot) kafedrasi mudiri v.v.b., Aanvar Islomov, O‘zbekiston davlat jahon tillari universiteti professori X. Ibragimov, Toshkent viloyati kasb-hunar ta’limi boshqarmasi boshlig‘i o‘rinbosari A. Xoldorbekov, TIQXMMI, Ilmiy tadqiqotlar, innovatsiyalar va ilmiy-pedagog kadrlar tayyorlash bo‘limi boshlig‘i, professor Sh. Imomov, Iqtisodiyotda axborot tizimlari fakulteti o‘quv ishlari bo‘yicha dekan muovini R. Matmusayev ma’ruzalari tinglandi. Seminarda Toshkent davlat iqtisodiyot universitetining professor-o‘qituvchilari, magistrlar va fakultet talabalari qatnashdi.

 

 

Seminarda ko‘tarilgan masalalar respublikamizda milliy iqtisodiyotni innovatsion texnologiyalar asosida rivojlantirish, uning uslubiy va amaliy ahamiyatiga molik ishlanmalarini joriy etishga oid muammolarni hal qilishga yo‘naltirilgan.

 

Bugun, 28-mart kuni Marketing kafedrasi tomonidan “O‘zbekoziqovqatxolding” kompaniyasi hamda “O‘zto‘qimachiliksanoat” uyushmasi bilan tuzilgan innovatsion korporativ hamkorlik shartnomasi doirasida ilmiy-amaliy seminar o‘tkazildi. “Mamlakat iqtisodiyotining jahon bozoriga integratsiyasi va eksportga yo‘naltirilgan iste’mol tovarlari marketingi” mavzusida o‘tgkazilgan ilmiy-amaliy seminarda professor-o‘qituvchilar, doktorantlar hamda marketing ta’lim yo‘nalishidagi magistrlar va bakalavrlar ishtirok etdi.

 

 

Ilmiy-amaliy seminarda “O‘zbekoziqovqatxolding” xolding kompaniyasi Marketing va oziq-ovqat tovarlarini eksportini tashkil qilish boshqarmasi boshlig‘i Bahodir Yunusov “Eksportga yo‘naltirilgan oziq –ovqat mahsulotlari va iqtisodiyotni jahon bozoriga integratsiyasi” mavzusida ma’ruza qildi. Ma’ruzada mamlakatimiz oziq-ovqat sanoatini rivojlanishi, ishlab chiqarish va eksport salohiyati, rivojlanish strategiyalari, milliy brendlarni xalqaro nufuzini oshirish kabi bir qator masalalar bo‘yicha axborot berdi.

 

 

“O‘zto‘qimachiliksanoat” uyushmasidan taklif etilgan Ta’lim muassasalari bilan ishlash, qayta tayyorlash va malaka oshirishni tashkillashtirish bo‘limi boshlig‘i Sa’dulla Tadjiyev esa o‘z ma’ruzasida asosiy e’tiborni xalqaro bozorlarga milliy to‘qimachilik mahsulotlari bilan chiqishdagi asosiy muammolar va bu borda uyushma tomonidan olib borilayotgan samarali ishlarga qaratdi. Uning ta’kidlashicha, mahalliy korxonalarda yuqori malakali marketologlarga bo‘lgan talabning oshib borayotganganligi va bu muammoning asosiy yechimi korporativ hamkorlik doirasida aniq strategik yo‘nalishlar asosida ishlash lozimligi ta’kidlandi.

 

 

 Ilmiy-amaliy seminarda Marketing” kafedrasi 2-kurs tayanch doktoranti Nafosat Sharopovaning “Korxonalar faoliyatini marketing tadqiqotlari asosida takomillashtirish” mavzusida hamda MMRT-10 guruh magistranti Abdulaziz Alievning “Korxonani rivojlantirishda raqamli marketing texnologiyalaridan foydalanishni takomillashtirish” mavzusidagi ma’ruzalari eshitildi.

 

2019-yil 21-23-mart kunlari Moskva shahrining Rossiya Xalqlar do‘stligi universitetida “Бухгалтерия вокруг нас” mavzusida talabalarning xalqaro olimpiadasi bo‘lib o‘tdi.

Olimpiadada Rossiyaning ko‘plab hamda Qozog‘iston, Qirg‘iziston, Turkmaniston, O‘zbekiston kabi respublikalarning oliy o‘quv yurtlaridan 100ga yaqin talabalar qatnashdi.

Shuningdek, universitetimizdan professor Rasul Xolbekov ilmiy rahbarligida “Buxgalteriya hisobi va audit” fakultetining 3-kurs “Buxgalteriya hisobi va audit” ta’lim yo‘nalishi talabalari I. Xodjayev va Sh. Xolmatovlar qatnashib, yakka tartibda I. Xodjayev birinchi faxriy o‘rinni egallab, I-darajali diplom bilan, umumjamoa bo‘yicha faxrli uchinchi o‘rinni egallab, III-darajali diplom bilan taqdirlandi.