YANGILIKLAR

Oy: Oktabr 2018

Toshkent davlat iqtisodiyot universitetining 1-sonli talabalar turar joyida Korporativ boshqaruv fakulteti hamda Korporativ boshqaruv kafedrasi tomonidan davra suhbati o‘tkazildi. Tadbirga siyosiy sharhlovchi, “Shuhrat” medali sohibi, Xalq ta’limi a’lochisi Qobilbek Karimbekov ma’ruzachi sifatida taklif etildi.

Tashkil etilgan davra suhbatida ma’ruzachi tomonidan Prezidentimiz tomonidan puxta o‘ylangan hayotbaxsh siyosiy va iqtisodiy islohotlar mazmun-mohiyati atroflicha yoritib berildi. O‘zbekiston Respublikasining jahon hamjamiyatida tobora yuksalib borayotgan obro‘-e’tibori, O‘zbekiston tashqi siyosatining prinsipial jihatlari, shu jumladan, mamlakatimizning dunyo miqyosida e’tirof etilgan milliy taraqqiyot yo‘li xususida to‘xtalib o‘tdi.

 

 

Shuningdek, mutaxassis bugun dunyo siyosiy sahnida kechayotgan voqyea-hodisalar va ularning mazmun-mohiyati, geosiyosiy to‘qnashuvlar hamda qarama-qarshiliklarning sabab-oqibatlari, yuzaga kelayotgan turli xavf-xatarlar, mintaqamizning o‘ziga xos murakkab jihatlari hamda xavfsizlikni ta’minlash masalalari xususida ham o‘z fikr-mulohazalarini bildirib o‘tdi.

Universitetimizning turli ma’naviy-ma’rifiy tadbirlardagi doimiy faol ishtiroki, talaba-yoshlarning siyosiy ongi va savodxonligini yuksaltirish yo‘lidagi xizmatlari uchun Qobilbek Karimbekovga tashakkur bildirilib, esdalik sovg‘asi topshirildi.

Davra suhbati yakunida ishtirokchilar o‘zlarini qiziqtirgan savollarga javob oldilar.

2018-yil 31-oktabr kuni Toshkent davlat iqtisodiyot universiteti rektori, professor Bahodir Xodiyev hamda guruh sardorlari, Yoshlar ittifoqi guruh yetakchilarining uchrashuvi bo‘lib o‘tdi. Unda ta’lim-tarbiya jarayonlari, talabalarning bilim darajasini oshirish, ma’naviy qiyofasini yuksaltirish borasida amalga oshirilayotgan ishlar va bu yo‘nalishda mavjud muammolarni bartaraf etish masalalari muhokama qilindi.

Ta’kidlanganidek, yuzaga kelayotgan muammolarni o‘z vaqtida bartaraf etish, befarq bo‘lmaslik, berilgan vaqt va imkoniyatni behuda ishlarga sarflamaslik aniq maqsad sari intilishga amaliy yordam beradi.

 

 

Universitet rektori berilgan umr lahzalaridan unumli foydalanish borasida o‘zining fikrlarini bildirib o‘tdi:

 

 

— Inson, ayniqsa o‘sib kelayotgan yosh avlod berilgan umrni arifmetik sonlar bilan hisoblab yashashi kerak emas, balki ma’noli hayot kechirish bilan, uni mazmunli qilish bilan asrlar osha yashash mumkinligini anglab yetishi kerak. Zaminimizda yashab o‘tgan va dunyo tamadduniga o‘zining munosib hissasini qo‘shgan buyuk ajdodlarimizning hayot va ijod yo‘lini ibrat maktabi sifatida qabul qilib, o‘z oldiga aniq maqsad qo‘ya oladigan, yangi chorlovlarga “labbay” deya javob bera oladigan yoshlar el-yurtimizning ishonchi, umidi sifatida katta hayotga qadam bosadi.

 

 

Biz Toshkent davlat iqtisodiyot universitetini tamomlayotgan har bir talaba o‘z tanlagan ta’lim yo‘nalishining malakali mutaxassisi bo‘lishiga ishonamiz va bu yo‘lda har bir talaba uchun ko‘makdosh bo‘lishga, ularga jami sharoitlarni yaratishga barcha sa’y-harakatlarimizni safarbar etamiz.

 

 

Uchrashuvda muhokama etilgan masalalardan kelib chiqib, bugungi kunda ayrim auditoriyalarda kuzatilgan holatlar muhokama qilindi. Namoyish etilgan videolavhalarda guvohi bo‘linganidek, talabalar o‘z vaqtlarini behudaga sarflash bilan birga, o‘z tengdoshlarining ham qimmatli vaqtlarini befoyda ishlarga sarflashlari achinarli holat ekanligi qayd etildi. Bu kabi holatlarnining takrorlanmasligini ta’minlash maqsadida tegishli vazifalar va amaliy harakatlar rejasi belgilab olindi.

 

 

Shundan so‘ng talabalar o‘zlarini o‘ylantirayotgan, yechimini kutayotgan muammolar xususida universitet rektori Bahodir Xodiyevga murojaat qildilar. Jumladan, O‘zbekiston Respublikasi Oliy Majlisi palatalari tomonidan qabul qilinayotgan qonunlar, Prezident farmon, qaror va farmoyishlarini o‘rganishga bag‘ishlangan qo‘shimcha dars soatlarini tashkil etish, xorijiy tillarni o‘rganish bo‘yicha qo‘shimcha to‘garak va dars soatlarini tashkil etish, ayrim xonalardagi multimedia moslamalarini ta’mirlash yoki yangisiga almashtirish, iqtidorli talabalarni rag‘batlantirish borasida qo‘shimcha tadbirlarni o‘tkazish, “Ishchi davtarlar”ni nashr etishda sifat jihatlariga e’tibor qaratish va ma’no jihatdan yaxshilash borasida o‘zlarini o‘ylantirayotgan muammoli masalalar xususida savollar berdilar.

 

 

Mazkur masalalar yuzasidan mutasaddi va mas’ullarga tegishli topshiriqlar berilib, ularning amaliy ijrosini tez fursatda bajarish vazifasi yuklatildi.

 

 

Talabalarga o‘z iqtidorlarini to‘laqonli namoyon etishlari uchun zarur bo‘lgan masalalar yechimi, ta’lim sifatini oshirish yuzasidan takliflar va fikr-mulohazalarni universitet rektoriga to‘g‘ridan-to‘g‘ri murojaat qilish, tashkil etilgan ijtimoiy tarmoq yoki elektron pochta orqali bildirib borish maqsadga muvofiqligi aytib o‘tildi.

TDIU Axborot xizmati

Toshkent davlat iqtisodiyot universiteti va Toshkent viloyati Toshkent tumanidagi 21 maktab hamokorlikda “Universitet kelajagi maktab o‘quvchilarida” mavzusida seminar-trening tashkil etildi.

Umumta’lim maktabida tahsil olayotgan o‘quvchilarning ilm-fan va kasb-hunarga bo‘lgan qiziqishini kuchaytirish va bunda o‘qituvchilarning mas’uliyatini yanada oshirish yuzasidan oliy ta’lim muassasasi va umumta’lim maktabi o‘rtasidagi hamkorlikni mustahkamlash maqsadida Toshkent davlat iqtisodiyot universiteti hamda Toshkent viloyati Toshkent tumani 21-sonli o‘rta umumta’lim maktabi o‘rtasida o‘zaro hamfikrlilik memorandumini imzolangan edi.

 

 

2018 yil 31 oktyabr kuni universitetning Xalqaro aloqalar bo‘yicha prorektori Obidjon Hamidov, Iqtisodiyot faklteti dekani, dekan muovini, Iqtisodiyot fakultet 1-bosqich talabasi, “Zulfiya” nomidagi davlat mukofoti sovrindori Ruxsora Masharipovalar Toshkent tumanidagi 21-sonli o‘rta umumta’lim maktabining 9-, 10- va 11-sinf o‘quvchilari ishtirokida ochiq muloqot o‘tkazildi.

Tadbir davomida O. Hamidov, A. Amonov, R. Masharipovalar tomonidan mamlakatimizda amalga oshiriliyotgan keng ko‘lamdagi islohotlar haqida ma’lumot berib o‘tildi. Shu o‘rinda, maktab ta’limidan keyin oliy ta’lim tizimida xususan, Toshkent davlat iqtisodiyot universitetida yaratilgan shart-sharoitlar, talabalarni erishayotgan yutuqlari va universitet jamoasi kelgusida rejalashtirayotgan ulkan vazifalari haqida batafsil ma’lumot berildi va universitet to‘g‘risidagi videorolik namoyish etildi.

 

 

Tadbir davomida o‘quvchilar o‘zlarini qiziqtirgan savollarga atroflicha javob oldilar. Universitet rahbariyati tomonidan 100ga yaqin o‘zbek va jahon adiblari durdonalaridan saralangan badiiy adabiyotlar 21-sonli o‘rta umumta’lim maktabi kutubxonasiga topshirildi.

Iqtisodiyot fakulteti talaba-yoshlari ishtirokida “Til taktikasi – taraqqiyot strategiyasining ta’sirchan va innovatsion mexanizmi” mavzusida davra suhbati o‘tkazildi.

 

 

O‘tkazilgan noan’anaviy tadbirda Respublika Ma’naviyat va ma’rifat markazi huzuridagi “Ma’naviyat targ‘ibotchilari” jamoatchilar kengashi a’zosi, 2018 yilda “Yilning eng faol ma’naviyat targ‘ibotchisi” ko‘rik-tanlovi g‘olibi Rahimboy Jumaniyozov ma’ruzachi sifatida ishtirok etdi. Unda fakultet dekanati, professor-o‘qituvchilari va talaba-yoshlar ishtirok etdi.

 

 

Ma’ruzachi ishtirokchilarga omma oldida nutq so‘zlash, fikrni erkin bayon etish, qo‘rquv va hayajonni yengish, ravon gapira olish, ommaviy axborot vositalarida intervyu berish malakasini hosil qilish, muloqot va muomala madaniyatini rivojlantirish, ommaviy tadbirlarni boshqarish, adabiy til me’yorlariga rioya qilish va boshqa ko‘plab ayrim insonlar hayotida uchraydigan til va ohang madaniyati bilan bog‘liq muloqot jarayoni haqida gapirib berdi.

Qizg‘in va mazmunli kechgan suhbat jarayonida talaba-yoshlar o‘zlarini qiziqtirgan ko‘plab savollariga atroflicha javob olishdi.

Nodir HASANOV,
Iqtisodiyot fakulteti ta’lim-tarbiya maslahatchisi

2018-yil 31-oktabr kuni Doktorantlar va mustaqil izlanuvchilar uchun ilmiy-uslubiy seminar tashkil etiladi. Seminar Toshkent davlat iqtisodiyot universitetining 1-bino 134-xonasida soat 14:00da boshlanadi.

Mazkur seminarda AQShning Kolorado davlat universitetida Biznes boshqaruvi ixtisosi bo‘yicha bakalavr va magistr darajasini olgan, Doktorlik ilmiy tadqiqotini AQShning Garvard universitetining Tadbirkorlik kafedrasida olib borgan iqtisod fanlari nomzodi Odiljon Abdurazzaqov ma’ruza bilan ishtirok etadi. Ma’ruzachi so‘nggi besh yil davomida yevropaning nufuzli universitetlarida, jumladan Germaniyaning Koln biznes universiteti, Gollandiyaning Mastrixt universiteti va Ozarbayjon Diplomatiya akademiyasida “Innovatsiya va tadbirkorlik” fani o‘qituvchisi bo‘lib ishlagan. 2017-yilda “Innovatsion faoliyatlarni rivojlantirishda texnologiya transferining roli” mavzusidagi ilmiy ishini himoya qilgan. “Innovatsiya va tadbirkorlik” mavzusidagi o‘nlab ilmiy maqolalar muallifi. Hozirda Innovatsion rivojlanish vazirligi va Xalqaro Vestminster universitetida faoliyat olib bormoqda.

Ekspertlarning prognozlariga ko‘ra, fan-texnika taraqqiyotidagi o‘zgarishlar tezligi, inson va kapital resurslaridan foydalanish imkoniyatlari kabi omillar mamlakatning uzoq muddatli rivojlanish yo‘nalishlarini belgilab beradi.

Mamlakat rivojlanishini sifat jihatdan yangi bosqichga ko‘tarish, 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qabul qilindi.

O‘zbekiston Respublikasi Prezidentining 2018-yil 5-iyundagi PQ-3775-sonli qarorida belgilangan vazifalar ijrosini amalga oshirish maqsadida 2018-yil 30-oktabr kuni Toshkent davlat iqtisodiyot universitetining “Makroiqtisodiyot” kafedrasi tomonidan “O‘zbekiston iqtisodiyotining barqaror rivojlanishi: omillar, natijalar va istiqbollar” mavzusidagi respublika ilmiy-amaliy anjumani o‘tkazildi.

Anjumanning asosiy maqsadi yetuk olimlar va amaliyotchilarning O‘zbekiston iqtisodiyotini barqaror rivojlantirish, ilmiy va innovatsion salohiyatni ilmiy-nazariy va ilmiy-amaliy baholashdan iborat. Jumladan, mamlakatning barqaror iqtisodiy rivojlanishiga ta’sir etuvchi asosiy omillar va natijalarga, pul-kredit va byudjet soliq siyosatlarini qatiy muvofiqlashtirish bo‘yicha ilmiy asoslangan hulosalar berish.

Mazkur anjumanda iqtisodchi olimlar, ilmiy tadqiqot institutlari direktorlari, amaliyotchi-mutaxassislar, shuningdek nufuzli OTM professor-o‘qituvchilari ishtirok etishdi.

 

 

Taniqli iqtisodchi-olimlar va amaliyotchilarning Harakatlar strategiyasining uchinchi ustuvor yo‘nalishi “Iqtisodiyotni rivojlantirish va erkinlashtirish” bo‘yicha qator islohotlarni amalga oshirishga oid taqdimotlari keltirilgan. 2017-2021 yillarda O‘zbekiston Respublikasini rivojlantirish-ning beshta ustuvor yo‘nalishi bo‘yicha Harakatlar strategiyasiga muvofiq “qabul qilingan o‘rta muddatli dasturlarni amalga oshirish asosida makroiqtisodiy muvozanatni saqlab qolish, tarkibiy va institutsional islohotlarni chuqurlashtirish hisobiga yalpi ichki mahsulotni barqaror yuqori o‘sish sur’atini ta’minlash” qayd etildi. Buning uchun an’anaviy o‘sish manbalari bilan birga yangi, yanada istiqbolli rivojlantirish omillarini ham ishga tushirish zarur.

2017 yilda mamlakatimiz YaIM 5,3%ga o‘sdi, shuningdek, 2017 yilda 68,4 trln. so‘m (dollar ekvivalentida 13,4 mlrd. AQSh dollari) yoki 2016 yilga nisbatan 120,4% asosiy kapitalga investitsiyalar o‘zlashtirildi. YaIMga nisbatan asosiy kapitalga investitsiyalarning ulushi 2017 yilda 26,9 %ni tashkil etib, o‘tgan yildagiga nisbatan 2,8% punktga ko‘paydi.

Bunda, mamlakatda investitsiya muhiti va ishbilarmonlik faolligini yanada oshirish, butun iqtisodiyot va uning tarmoqlari innovatsion tarkibini takomillashtirishni chuqurlashtirish, yakuniy mahsulotni ishlab chiqarishga yo‘naltirilgan ishlab chiqarishlarni keng ko‘lamli modernizatsiyalash, texnik va texnologik yangilash bo‘yicha chora-tadbirlar asosiy omil sifatida ilgari surilmoqda. Bu borada, innovatsion sohalarni rivojlantirish yo‘llarini ham inobatga olish lozim.

Barcha olimlar, jumladan xorijlik olimlarning anjuman maqolalari to‘plamiga qabul qilingan maqolalarda keltirilgan qiyosiy tanqidiy tahlillar va natijalar bo‘yicha xulosalari asosida hukumat uchun taklif va tavsiyalari tayyorlangan.

Mamlakat iqtisodiyotining turli soha va tarmoqlarini rivojlantirishda ilm-fanning o‘rni va ahamiyatini kuchaytirish, fan va texnikaning muhim ilmiy va texnologik muammolarini hal etish, xalqaro ilmiy-texnik hamkorlikni kuchaytirish, ilm-fan sohasiga xorijiy investitsiyalarni jalb qilishga qaratilgan xalqaro va respublika miqyosidagi ilmiy va ilmiy-amaliy anjumanlarni samarali o‘tkazish, universitet professor-o‘qituvchilari, doktorantlar hamda talabalarning anjumanlarda faol ishtirokini ta’minlash dolzarb vazifalardan biri hisoblanadi.

Ushbu vazifalarni samarali amalga oshirish bo‘yicha O‘zbekiston Respublikasi Prezidenti Sh.M.Mirziyoevning “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid davlat dasturi to‘g‘risida” 2018 yil 22 yanvardagi PF-5308-sonli farmonida belgilangan vazifalarning ilmiy yechimlarini aniqlash, O‘zbekiston Respublikasi Prezidentining «Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida” 2017 yil 27 iyuldagi PQ-3151-sonli qarori bajarilishi bo‘yicha amalga oshirilayotgan chora-tadbirlar samaradorligini oshirish hamda O‘zbekiston Respublikasi Vazirlar Mahkamasining 2018-yil 6-martdagi 178-F-sonli farmoyishiga muvofiq Toshkent davlat iqtisodiyot universitetining “Makroiqtisodiyot” kafedrasi “O‘zbekiston iqtisodiyotining barqaror rivojlanishi: omillar, natijalar va istiqbollar” mavzusida respublika ilmiy-amaliy anjumanini 2018-yil 30oktabrda o‘tkazishni rejalashtirgan.

Mazkur anjumanda ilmiy maqola va tezislar to‘plami chop etilishi ko‘zda tutilgan. Ushbu anjumanda o‘z maqolalari va tezislari bilan ilmiy xodimlar, oliy o‘quv yurtlarining professor-o‘qituvchilari, doktorant va mustaqil tadqiqotchilar, magistratura va bakalavriat talabalari ishtirok etishga taklif etiladilar.

Ilmiy maqolalar to‘plami quyidagi yo‘nalishlarni qamrab oladi:

1. Makroiqtisodiy barqarorlikni ta’minlashning ustuvor vazifalari va unda xalqaro tajribalardan foydalanish yo‘nalishlari;

2. Barqaror iqtisodiy o‘sishni ta’minlashning innovatsion va investitsion omillari;

3. O‘zbekistonda iqtisodiyotni barqaror rivojlantirishning huquqiy asoslarini rivojlantirish;

4. Hududlarni kompleks ijtimoiy-iqtisodiy rivojlantirish yo‘nalishlari.

Ilmiy maqolalarni qabul qilish talablari:

I. Ilmiy maqolaning tarkibi quyidagilardan iborat bo‘lishi shart:

1.1. Tadqiqot mavzusi doirasida mavjud muammo.

1.2. Muammoni hal qilish yo‘llari.

1.3. Ilmiy asoslangan taklif va tavsiyalar.

1.4. Kutilayotgan iqtisodiy samara.

II. Maqolalar jiddiy tahrir qilingan va rasmiylashtirishning barcha texnik talablariga mos kelishi zarur, jumladan:

– matn muharriri – MS Word 2003, 2007;

– sahifa – A4 o‘lchovida, kitob ko‘rinishida, barcha tomonlardan 20 mm qoldirilgan;

– shrift – Times New Roman, o‘lchovi (kegl) – 14;

– qator oralig‘i va xat boshidagi oraliq – 1,5;

– maqolaning hajmi 5-6 bet;

– yuqori o‘ng burchakda muallifning to‘liq familiyasi, ismi va sharifi, ilmiy darajasi va unvoni, lovozimi, tashkilot nomi, ilmiy material nomi esa o‘rtada (qalin harflar bilan) yoziladi;

– barcha jadval, sxema va rasmlar MS Word formatida, Times New Roman shriftida, ularning nomi sxema va rasmlar pastida, jadvallar tepasida bo‘lishi kerak;

– barcha grafik, diagrammalar MS Excel formatida bo‘lishi kerak;

– formulalar MS Equation muharririda yozilgan bo‘lishi kerak;

– jadval, rasm va grafiklarda manbalar va matnda ularga havolalar ko‘rsatilgan bo‘lishi kerak;

– havolalar har bir betning pastki qismida joylashtiriladi;

– ilmiy maqola, o‘zbek tilida, rus tilida yoki ingliz tilida bo‘lishi mumkin.

III. Ilmiy maqolalar anketasi bilan to‘ldirilgan holda elektron va chop etilgan shaklda tashkiliy qo‘mitaga 2018-yil 10 oktabrgacha TDIU “Makroiqtisodiyot” kafedrasi 1-bino 2 qavat 2-26 xona manziliga topshirilishi zarur.

IV. Taqdim etiladigan ilmiy maqolalar yuqorida keltirilgan talablarga mosligi bo‘yicha ekspertizadan jumladan, antiplagiat dasturi tekshiruvidan ham o‘tkaziladi.

Ekspertiza xulosasi ijobiy bo‘lgan ilmiy maqolalar nashr uchun to‘plamga kiritiladi.

MUALLIF ANKeTASI
1. Familiya

2. Ismi

3. Sharifi

4. Ish (o‘qish) joyi (to‘liq)

5. Egallab turgan lavozimi

6. Ilmiy daraja

7. Ilmiy unvon

8. Telefon raqami (mobil va uy)

9. Faks

10. e-mail

11. Maqolaning nomlanishi

12. Maqola taqdim etilayotgan to‘plam yo‘nalishi

O‘zbekiston Respublikasi davlat stipendiyalariga nomzodlarni saralash bo‘yicha tanlov komissiyasining bayoni bilan 2018/2019-o‘quv yili uchun respublika oliy ta’lim muassasalari bakalavriatining oxirgi ikki kursida tahsil olayotgan iqtidorli talabalarga olti xil Davlat stipendiyalari tayinlandi.

Toshkent davlat iqtisodiyot universitetining 4 nafar talabasi O‘zbekiston Respublikasi Davlat stipendiyalariga sazovor bo‘ldi.

Quyida ular bilan tanishishingiz mimkin:

 

Rasm F.I.Sh Tahsil olayotgan ta’lim yo’nalishi Erishgan yutuqlari
1. Alimov G‘ayratjon Abdurahmon o‘g‘li Iqtisodiyot fakulteti Iqtisodiyot (makroiqtisodiyot) 4-bosqich 2018/2019 o‘quv yili uchun Islom Karimov davlat stipendiyasi sovrindori
2. Ubaydullayev Ravshan Shavkat o‘g‘li Korporotiv boshqaruv fakulteti Bank ishi yo‘nalishi 4-bosqich 2018/2019 o‘quv yili uchun “Navoiy” davlat stipendiyasi  sovrindori
3. Shaymardonov Shahzod Robert o‘g‘li Buxgalteriya hisobi va audit fakulteti Buxgalteriya hisobi (tarmoqlar bo‘yicha) yo‘nalishi 4-bosqich 2018/2019 o‘quv yili uchun “Navoiy” davlat stipendiyasi  sovrindori
4. Toshtemirova Malika Turg‘un qizi Korporotiv boshqaruv fakulteti Bank ishi yo‘nalishi 4-bosqich 2018/2019 o‘quv yili uchun “Navoiy” davlat stipendiyasi  sovrindori

 

Sovrindor talabalarga 2018-yil 1-sentabridan boshlab joriy o‘quv yili davomida Davlat stipendiyasi tayinlanadi.

Toshkent davlat iqtisodiyot universitetining Jahon iqtisodiyoti kafedrasi tomonidan “Jahon iqtisodiyotining yangi rivojlanish bosqichida block chain texnologiyasining ahamiyati” mavzusidagi navbatdagi ilmiy mashug‘ulot tashkil etildi.

Jahon iqtisodiyoti kafedrasining “Xalqaro yosh iqtisodchilar” ilmiy to‘garagining mazkur mavzudagi tadbiriga ma’ruzachi sifatida Toshkent axborot texnologiyalari universiteti tadqiqotchisi, golos.io domen tashkilotchisi Tohir Sultonov taklif etildi.

 

 

Ma’ruzachi ta’lim olish, global iqtisodiy munosabatlar, yangi texnologiyalar va innovatsiyalar ustida ishlashda block chainning ahamiyatini ochib berdi. Ishtirokchilar mavzu yuzasidan o‘zlarini qiziqtirgan savollarga atroflicha javob oldilar va o‘z bilimlarini mustahkamladilar.

Talabalarga ta’lim berishning bunday yondashuv, ularda mustaqil fikrlash, amaliyot jaroyonida tahlil ko‘nikmalarini qo‘llay bilish imkonini beradi.

Toshkent davlat iqtisodiyot universiteti bilan Avstriyaning KREMS amaliy fanlar universiteti o‘rtasida qo‘shma ta’lim dasturi asosida tashkil etilgan filialga hujjat topshirgan abiturientlar
DIQQATIGA!

2018-yilning 28-oktabr kuni soat 8:00da Toshkent davlat iqtisodiyot universitetining 7-bino faollar zalida kirish imtihonlarini o‘tkazish tartib-qoidalari bo‘yicha maslahat o‘tkaziladi hamda testga kirishga ruxsatnomalar tarqatiladi.

Kirish imtihonlari 2 ta fandan test shaklida o‘tkaziladi, ya’ni matematika va chet tili fanlaridan.

Matematika hamda chet tili fanlaridan 30 tadan test savollari beriladi va har bir berilgan to‘g‘ri javobga 2,5 ball ajratilgan (Matematika 30×2,5=75 ball, Chet tili 30×2,5=75 ball. Jami testdan abiturient 150 maksimum ball to‘plashi mumkin).

Test sinovlari 2018-yilning 28-oktabr kuni soat 10:00da boshlanadi. Har bir fanga bir soatdan ajratiladi, ya’ni 2 ta fandan test sinovlariga 2 soat belgilangan (Soat 10:00 dan 12:00 gacha). Test sinovlarini tugagandan so‘ng ingliz tilidan suhbat o‘tkaziladi. Suhbat uchun 50 ball ajratilgan.

Abiturient test sinovlari va ingliz tilidan suhbat bo‘yicha jami 200 ball to‘plash imkoniyatiga ega.