archive.php

Xalqaro ekspertlar so‘mning erkin ayirboshlanishini yuqori baholadi

Toshkent shahrida «O‘zbekiston Respublikasining Harakatlar strategiyasi: makroiqtisodiy barqarorlik, investitsiyaviy faollik va innovatsion rivojlanish istiqbollari» mavzuidagi xalqaro ilmiy-amaliy konferensiya o‘z ishini davom ettirmoqda.

Toshkent davlat iqtisodiyot universiteti, O‘zbekiston Respublikasi Bank-moliya akademiyasi, Toshkent shahridagi Xalqaro Vestminster universiteti hamkorligida tashkil etilgan anjumanda O‘zbekiston, Rossiya, Qozog‘iston, Qirg‘iziston, Tojikiston Fanlar akademiyalari akademiklari, Germaniya, Buyuk Britaniya, Avstraliya, Indoneziya kabi davlatlardan oliy o‘quv yurtlari rektorlari, taniqli olimlar, xalqaro tashkilotlar va xorijiy kompaniyalar vakillari, amaliyotchi mutaxassislar ishtirok etmoqda.

Konferensiyaning bugungi sho‘ba majlislarida ekspertlar tomonidan O‘zbekistonda valyuta bozorini liberallashtirish bo‘yicha aniq maqsadga yo‘naltirilgan kompleks chora-tadbirlar amalga oshirilgani va 2017 yil 5 sentyabrdan milliy valyuta – so‘mning erkin ayirboshlanishi ta’minlangani yuqori baholandi.

Shuningdek, hukumat, barcha vazirlik va idoralar hamda Markaziy bank tomonidan xalqaro andozalarga mos ravishda makroiqtisodiy ko‘rsatkichlar, davlat byudjeti ijrosi, pul muomalasi va oltin-valyuta zaxiralari holati to‘g‘risidagi statistik va tahliliy ma’lumotlar doimiy ravishda ochiq chop etib borilishi yo‘lga qo‘yilgani iqtisodiy barqarorlikning to‘la ta’minlanishiga zamin yaratayotgani haqida so‘z yuritildi.

Xalqaro ilmiy-amaliy anjumanda xalqaro ekspertlar, xorijlik va mahalliy olimlar tomonidan qilingan ma’ruzalarda shiddat bilan taraqiy etayotgan O‘zbekiston iqtisodiyotida agrar sektorni modernizatsiya qilish va rivojlantirish, qulay investitsiyaviy muhit, tashqi iqtisodiy faoliyatni erkinlashtirish hamda eksportni qo‘llab-quvatlash yuzasidan amaliy tavsiyalar berilib, ular bo‘yicha ishtirokchilarning fikr-mulohazalari tinglandi.

Investitsion faollik va innovatsion rivojlanish makroiqtisodiy barqarorlikka erishishning muhim shartidir

Poytaxtimizda “O‘zbekiston Respublikasining Harakatlar strategiyasi: makroiqtisodiy barqarorlik, investitsion faollik va innovatsion rivojlanish istiqbollari” mavzuida xalqaro ilmiy-amaliy anjuman tashkil etildi.

Toshkent davlat iktisodiyot universiteti, O‘zbekiston Respublikasi Bank-moliya akademiyasi, Toshkent shahridagi Xalkaro Vestminster universiteti hamkorligida uyushtirilgan mazkur anjumanda O‘zbekiston, Rossiya, Qozog‘iston, Qirg‘iziston, Tojikiston Fanlar akademiyalarining akademiklari, Germaniya, Buyuk Britaniya, Avstraliya, Indoneziya kabi davlatlar oliy ta’lim muassasalari rektorlari, mahalliy hamda xorijlik iktisodchi olimlar, ekspertlar, diplomatik korpus vakillari katnashmokda.

Ta’kidlanganidek, davlatimiz rahbari tashabbusi bilan mamlakatimiz tarakkiyotini yangi boskichga ko‘tarish maksadida 2017 —2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi kabul kilindi. Iktisodiyotni rivojlantirish va liberallashtirish ushbu hujjatning ustuvor yo‘nalishlaridan biri hisoblanadi. Shundan kelib chikib, amalga oshirilayotgan tub islohotlar, yangilanishlar, kechiktirib bo‘lmaydigan chora-tadbirlar iktisodiyotimiz rakobatdoshligini ta’minlash, investitsiyaviy jozibadorligini oshirishda muhim ahamiyat kasb etmokda.

Xususan, o‘tgan yili Harakatlar strategiyasida belgilangan vazifalar ijrosini ta’minlash bo‘yicha Qorakalpog‘iston Respublikasi, viloyatlar hamda Toshkent shahrida kirkdan ortik dasturlar kabul kilinib, uning doirasida har bir tuman uchun 2077 ta yirik loyiha tasdiqlandi.

10 dan ortiq iqtisodiy zonalar tashkil etilib, ularda umumiy qiymati 419,5 million AQSh dollarilik 108 ta loyiha ijrosiga kirishildi.

Tashqi savdo aloqalarini yanada mustahkamlash yo‘lida O‘zbekiston tomonidan tashlangan dadil qadamlar xalqaro ekspertlar, amaliyotchilar tomonidan yuksak baholanayapti. Chunki bu nainki O‘zbekiston, balki uning hamkorlari iqtisodiyoti ravnaqi uchun ham o‘ta muhim. Jumladan, savdo-iqtisodiy va investitsiyaviy aloqalarni rivojlantirish bo‘yicha O‘zbekiston va Xitoy Xalq Respublikasi o‘rtasida 23 milliard AQSh dollari, Rossiya bilan 16 milliard, Janubiy Koreya bilan 10 milliard, Turkiya bilan 3,5 milliard, Qozog‘iston bilan 2,2 milliard dollarlik shartnomalar imzolangani fikrimiz tasdig‘idir.

Anjumanda e’tirof qilinganidek, joriy yilga mamlakatimizda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” deb nom berilgani iqtisodiy salohiyatni yanada kengroq namoyish etish imkonini berayotir. Sababi, shu munosabat bilan qabul qilingan Davlat dasturi ijrosi doirasida yurtimizda tashqi savdo faoliyati tubdan soddalashtirilib, tadbirkorlik sub’ektlari, xorijiy investorlarga qo‘shimcha qulayliklar yaratilayapti, soliq hamda bojxona imtiyozlari berilmoqda. Shunga asosan, natijalar ham ortib borayapti. Xususan, o‘tgan yili tashqi savdo aylanmasi 26 milliard 907 million AQSh dollari bo‘lgan bo‘lsa, joriy yil birinchi choragida bu ko‘rsatkich 7,9 milliard AQSh dollarini tashkil etdi.

Yakunda bildirilgan taklif hamda tavsiyalar asosida respublikamiz iqtisodiyotini yanada takomillashtirish, investitsion faollikni oshirish, innovatsion loyihalarni tatbiq etish bo‘yicha tegishli qarorlar ishlab chiqiladi.

So‘z — konferensiya ishtirokchilariga

Raxmon ALSHANOV, Qozog‘iston Fanlar akademiyasi akademigi, “Turon” universiteti rektori, Qozog‘iston Respublikasi oliy ta’lim muassasalari uyushmasi prezidenti:

— O‘zbekiston rahbariyati bugun mamlakatni yangi rivojlanish sari yetaklamoqda. Bu jihatlar har bir sohada olib borilayotgan islohotlarda yaqqol namoyon bo‘lyapti. Prezident Shavkat Mirziyoyev tashabbusi bilan ishlab chiqilgan Harakatlar strategiyasi bunda dasturilamaldir.

Yurtingiz tashqi siyosatidagi ijobiy o‘zgarishlar haqida ham alohida to‘xtalib o‘tishni istardim. Bugun Markaziy Osiyo davlatlari o‘rtasidagi munosabatlar O‘zbekiston yuritayotgan islohotlar tufayli yangi bosqichga ko‘tarildi. Xususan, mamlakatlarimiz hamkorligi va do‘stligida yanada rivojlanish kuzatilmoqda. Misol uchun, 2018 yil Qozog‘istonda O‘zbekiston yili, kelasi yil esa mamlakatingizda Qozog‘iston yili deb e’lon qilinishi munosabatlarimiz naqadar mustahkamligini yaqqol ifodalaydi.

Isaak BXATTI, Avstraliyaning La Troba universiteti professori:

— O‘zbekistonda oxirgi yarim yil ichida ikkinchi marotaba bo‘lishim. O‘zim olis Avstraliyada istiqomat qilsamda, mamlakatingizda Prezident Shavkat Mirziyoyev boshchiligida amalga oshirilayotgan islohotlar bilan doimo yaqindan tanishib borishga intilaman.

Davlatingiz rahbari tashabbusi bilan qabul qilingan Harakatlar strategiyasi mamlakatingiz taraqqiyotini yangi bosqichga ko‘tarishga xizmat qilayapti. Bu dasturning barcha, jumladan, iqtisodiy yo‘nalishini chuqur o‘rganib chiqdim. U juda puxta va uzoqni ko‘ra bilib ishlab chiqilgan. Uning dastlabki samaralarini o‘zbekistonliklar allaqqachon o‘z turmush tarzida his qilmoqda. Buni birgina valyuta bozorini erkinlashtirish misolida aytishimiz mumkin.

O‘tgan yili Shavkat Mirziyoyevning Oliy Majlisga Murojaatnomasiga bag‘ishlangan yig‘ilishda qatnashdim. O‘zbekiston yetakchisi to‘rt soat davomida, hech qanday tanaffuslarsiz xalq bilan dillashgani, ularga maqsad-muddaolarini aytgani meni lol qoldirgandi.

Ruslan GRINBERG, Rossiya Fanlar akademiyasi Iktisodiyot instituti ilmiy rahbari, Xalkaro iktisodchilar ittifoki va Rossiya erkin iktisodiy jamiyati vitse-prezidenti:

— O‘zbekiston Prezidenti Shavkat Mirziyoyev siyosat olamiga haqiqiy islohotchi sifatida kirib keldi. Bugun o‘zbekistonliklar yangi ruh, yangi shijoat bilan yashamoqda. Har bir sohada tub islohotlar amalga oshirilayapti.

Kamina ilmfan sohasi vakili bo‘lganim uchun yurtingizda bu sohadagi sa’y-harakatlarga katta qiziqish bilan qarayman. Davlat rahbari bir necha bor akademiklar bilan uchrashib, sohadagi muammolar haqida suhbatlashganidan yaxshi xabardorman. Qolaversa, olimlarni har tomonlama qo‘llab-quvvatlash, ularning ilmiy izlanishlarini davom ettirishi uchun keng imkoniyatlar yaratib berishda Prezident bosh-qosh bo‘layapti. Bularning barchasi biz, xorijlik akademiklarni ham quvontiradi. Bunday e’tibor tufayli yaqin yillar ichida O‘zbekiston ilm-fani dunyoda o‘z o‘rnini yanada mustahkamlashi, shubhasiz.

Xeyzel MESSENJER, Buyuk Britaniyaning MBA markazi direktori, London metropoliten universiteti doktori:

— Amaliyotchi ekspert sifatida shuni aytishim mumkinki, yurtingizda fan va ishlab chiqarish o‘rtasida o‘zaro uyg‘unlik mujassam. Bu esa ko‘plab muvaffaqiyatlarga yo‘l ochmoqda. Ayni paytda Toshkent davlat iqtisodiyot universiteti bilan London metropoliten universiteti o‘rtasida o‘zaro hamkorlikni yo‘lga qo‘ymoqchimiz. Xususan, Buyuk Britaniyada o‘quv kursi tashkil etishni rejalashtirganmiz. Ushbu master-klassda talaba-yoshlar marketing, xalqaro moliya hamda savdo yo‘nalishlarida o‘qitiladi. Maqsadimiz hamkorlikni yo‘lga qo‘yish orqali O‘zbekistonda ham o‘qitishning yangicha innovatsion usullarini tatbiq etish, sohaga malakali kadrlarni tayyorlashga ko‘maklashishdan iboratdir.

Toshkentda innovatsion rivojlanish istiqbollari mavzusida xalqaro konferensiya o‘tkazildi

28-may kuni Toshkent davlat iqtisodiyot universiteti hamda O‘zbekiston Respublikasi Bank-moliya akademiyasi, Toshkent shahridagi Xalqaro Vestminster universiteti hamkorligida “O‘zbekiston Respublikasining Harakatlar strategiyasi: makroiqtisodiy barqarorlik, investitsion faollik va innovatsion rivojlanish istiqbollari” mavzusida xalqaro ilmiy-amaliy anjuman bo‘lib o‘tdi. Xalqaro press klub ushbu tadbirda axborot hamkori sifatida ishtirok etdi.

Konferensiyani o‘tkazishdan asosiy maqsad qilib, O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining uchunchi yo‘nalishi − “Iqtisodiyotni rivojlantirish va liberallashtirish”ga muvofiq belgilangan chora-tadbirlarning ijrosi yo‘lida amalga oshirilgan keng ko‘lamli islohotlarga jahon hamjamiyati, xususan nufuzli olimlar, amaliyotchi mutaxassislar va xalqaro ekspertlar tomonidan bildirilayotgan munosabat va e’tiroflarga ilmiy-nazariy, ilmiy-uslubiy hamda ilmiy-amaliy jihatdan baho berish belgilangan.

Mazkur konferensiyada Rossiya, Markaziy Osiyo va xorijiy mamlakatlarning taniqli iqtisodchi olimlari, xususan, Rossiya, Qozog‘iston, Qirg‘iziston, Tojikiston Fanlar akademiyalarining akademiklari, Germaniya, Buyuk Britaniya, Avstraliya, Indoneziyadan tashrif buyurgan oliy ta’lim muassalari rektorlari va iqtisodchi olimlari, xalqaro tashkilotlar, diplomatik korpus va xorijiy kompaniyalar vakillari hamda O‘zbekiston tomonidan Fanlar akademiyasining iqtisodiyot sohasidagi akademiklari, ilmiy-tadqiqot institutlari direktorlari, amaliyotchi mutaxassislar hamda nufuzli oliy ta’lim muassasalarining rektorlari va professor-o‘qituvchilari ishtirok etdi.

Konferensiyada Harakatlar strategiyasining uchinchi ustuvor yo‘nalishi – “Iqtisodiyotni rivojalantirish va liberallashtirish” bo‘yicha bir qator islohotlar amalga oshirilgani bo‘yicha akademiklar, nufuzli iqtisodchi olimlar va amaliyotchi mutaxassislarning ma’ruza taqdimotlari amalga oshirildi.

29-may kuni konferensiya seksiyalari davom etadi. Seksiyalar Toshkent davlat iqtisodiyot universiteti, O‘zbekiston Respublikasi Bank-moliya akademiyasi, Xalqaro Vestminster universitetida davom etadi.

«O‘zbekistonni rivojlantirishning Harakatlar strategiyasi: makroiqtisodiy barqarorlik, investitsion faollik va innovatsion rivojlanish istiqbollari» mavzusidagi xalqaro ilmiy-amaliy konferensiya haqida

Jahon miqyosida raqobat tobora kuchayib borayotgan bugungi keskin bir davr barchamizdan yangicha ishlash va fikrlashni, yuqori darajada safarbarlikni talab etmoqda. Shunga ko‘ra mamlakatimiz taraqqiyotini yangi bosqichga ko‘tarish maqsadida 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qabul qilindi.

Harakatlar strategiyasini «Faol tadbirkorlik, innovatsion g‘oyalar va texnologiyalarni qo‘llab-quvvatlash yili»da amalga oshirishga oid davlat dasturi loyihasini ishlab chiqishga doir tashkiliy chora-tadbirlar to‘g‘risida”gi F-5155-sonli farmoyishi ijrosini ta’minlash hamda O‘zbekiston Respublikasi Vazirlar Mahkamasining 2018 yil 6 martdagi 178-F-sonli farmoyishiga asosan, yosh iqtisodchi olimlarning ilmiy tadqiqot ishlarini qo‘llab-quvvatlash, olib borilayotgan ilmiy izlanishlarini amaliyotga keng joriy etish shuningdek, ularga ko‘maklashish maqsadida Toshkent davlat iqtisodiyot universiteti hamda O‘zbekiston Respublikasi Bank-moliya akademiyasi, Toshkent shahridagi Xalqaro Vestminster Universiteti hamkorligida 2018 yilning 28 may kuni «O‘zbekiston Respublikasining Harakatlar strategiyasi: makroiqtisodiy barqarorlik, investitsion faollik va innovatsion rivojlanish istiqbollari» mavzusida xalqaro ilmiy-amaliy anjuman bo‘lib o‘tdi.

Konferensiyani o‘tkazishdan asosiy maqsad qilib, O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining uchunchi yo‘nalishi ? “Iqtisodiyotni rivojlantirish va liberallashtirish”ga muvofiq belgilangan chora-tadbirlarning ijrosi yo‘lida amalga oshirilgan keng ko‘lamli islohotlarga jahon hamjamiyati, xususan nufuzli olimlar, amaliyotchi mutaxassislar va xalqaro ekspertlar tomonidan bildirilayotgan munosabat va e’tiroflarga ilmiy-nazariy, ilmiy-uslubiy hamda ilmiy-amaliy jihatdan baho berish belgilangan.

Mazkur konferensiyada Rossiya, Markaziy Osiyo va xorijiy mamlakatlarning taniqli iqtisodchi olimlari, xususan, Rossiya, Qozog‘iston, Qirg‘iziton, Tojikiston Fanlar akademiyalarining akademiklari, Germaniya, Buyuk Britaniya, Avstraliya, Indoneziyadan tashrif buyurgan oliy ta’lim muassalari rektorlari va iqtisodchi olimlari, xalqaro tashkilotlar, diplomatik korpus va xorijiy kompaniyalar vakillari hamda O‘zbekiston tomonidan Fanlar akademiyasining iqtisodiyot sohasidagi akademiklari, ilmiy-tadqiqot institutlari direktorlari, amaliyotchi mutaxassislar hamda nufuzli oliy ta’lim muassasalarining rektorlari va professor-o‘qituvchilari ishtirok etdishdi.

Konferensiyada Harakatlar strategiyasining uchinchi ustuvor yo‘nalishi – “Iqtisodiyotni rivojalantirish va liberallashtirish” bo‘yicha bir qator islohotlar amalga oshirilgani bo‘yicha akademiklar, nufuzli iqtisodchi olimlar va amaliyotchi mutaxassislarning ma’ruza taqdimotlari amalga oshirildi. Eng avvalo mamlakatimizda makroiqtisodiy barqarorlikni yanada mustahkamlash, qat’iy pul-kredit siyosatini yuritish, milliy valyuta va ichki bozordagi narxlar barqarorligini ta’minlash, soliq-byudjet islohotlarini olib borishga asosiy e’tibor qaratilganligiga alohida to‘xtalindi.

Anjumanda 2017 yilda milliy valyutamiz – so‘mning erkin ayirboshlanishi ta’minlanganligi qayd etilgani holda, tashqi savdoni liberallashtirish va samarador bozor iqtisodiyotini yaratish maqsadida bojxona to‘lovlari stavkalari ikki barobar pasaytirilishi natijasida iqtisodiy o‘sishning ta’minlanishi bilan bog‘liq prognoz ko‘rsatkichlari konferensiya ishtirokchilariga yetkazildi.

Ma’lumki, o‘tgan yilning o‘zida Harakatlar strategiyasida belgilangan vazifalarning ijrosini ta’minlash bo‘yicha Qoraqalpog‘iston Respublikasi, viloyatlar va Toshkent shahri, shuningdek, alohida tuman va shaharlarni rivojlantirish bo‘yicha qirqdan ortiq dasturlar qabul qilindi hamda dasturlar ijrosini ta’minlash maqsadida har bir tuman uchun 2077 ta yirik loyihalar tasdiqlandi. Shuningdek, 11 ta iqtisodiy zonalar tashkil etildi va umumiy qiymati 419,5 mln. dollarlik 108 ta loyiha amalga oshirilmoqda.

O‘tgan yilda, qulay investitsion muhit va tashqi iqtisodiy faoliyatni erkinlashtirish hamda eksportni qo‘llab-quvvatlash borasida ham muayyan ishlar amalga oshirildi. Bunda:

Birinchidan, hamkor mamlakatlar va xalqaro moliya institutlari bilan munosabatlardagi yondashuv o‘zgartirildi. Oliy darajadagi tashriflar chog‘idagi Xitoy Xalq Respublikasi bilan 23 milliard dollar, Rossiya bilan 16 milliard dollar, Janubiy Koreya Respublikasi bilan 10 milliard dollar, Turkiya bilan 3,5 milliard, Qozog‘iston bilan 2,2 milliard, va Qirg‘iziston bilan 455 million dollar miqdorida savdo-iqtisodiy va investitsiyaviy aloqalarni rivojlantirish bo‘yicha ikki tomonlama davlatlararo shartnomalar imzolandi. yevropa tiklanish va taraqqiyot banki bilan to‘laqonli munosabatlar tiklandi, bank tomonidan kichik biznes va xususiy tadbirkorlikka 190 million AQSh dollari miqdorida kredit liniyasi ajratildi. Turli yo‘nalishlarda 20 dan ortiq loyihalar ishlab chiqildi. yevropa investitsiya banki, Fransiya rivojlanish agentligi bilan hamkorlik o‘rnatildi. O‘zbekiston yangi tuzilgan Osiyo infratuzilmaviy investitsiyalar bankining teng huquqli a’zosiga aylandi.

Ikkinchidan, tashqi savdo faoliyatidagi barcha sun’iy to‘siqlar olib tashlandi. Xususan, oldindan to‘lovlarsiz va kafolat majburiyatlarisiz eksport qilish tartibi joriy etildi. Ortiqcha va eskirgan ruxsat beruvchi talablar bekor qilindi. Qishloq xo‘jalik mahsulotlarini eksport qilish mexanizmlari soddalashtirildi. Amalga oshirilgan chora-tadbirlar natijasida respublikaning tashqi savdo aylanmasi 2017 yilning yanvar–dekabrida 26 907,0 mln. AQSh dollarini, jumladan eksport – 13 893,6 mln. AQSh dollarini, import – 13 013,4 mln. AQSh dollarini tashkil etdi. Tashqi savdo saldosi – 880,2 mln. AQSh dollarini, shu jumladan MDH davlatlari bilan 729,3 mln. AQSh dollarini va boshqa davlatlar bilan 150,9 mln. AQSh dollarini tashkil etdi. Xususan, 2018 yilning yanvar-mart oylarida tashqi savdo aylanmasi 7,9 mlrd. AQSh dollarini, jumladan eksport – 4,1 mlrd. AQSh dollarini, import – 3,8 mlrd. AQSh dollarini tashkil etdi. Tashqi savdo aylanmasi saldosi – 249,4 mln. AQSh dollarini tashkil etdi.

Yalpi majlisda bir qator masalalar, mavzular va muammolar muhokama qilindi, jumladan, global iqtisodiyotda yuz berayotgan ijtimoiy-iqtisodiy tendensiyalar va hodisalar, ularning milliy iqtisodiyotga ta’siri; inson kapitali: uni oshirish yo‘llari va hisoblashning xalqaro usullari; mintaqalarni kompleks va mutanosib ijtimoiy-iqtisodiy rivojlantirish, ularning mavjud salohiyatidan samarali va optimal foydalanish; qishloq xo‘jaligini modernizatsiya qilish va jadal rivojlantirish; valyuta bozorini liberallashtirish bo‘yicha aniq maqsadga yo‘naltirilgan kompleks chora-tadbirlar; tashqi savdoni erkinlashtirish va samarali bozor iqtisodiyotini yaratish maqsadida xalqaro andozalarga mos ravishda olib borilayotgan iqtisodiy siyosat; Davlatning iqtisodiyotdagi aralashuvini qisqartirish, iqtisodiyotda xususiy sektorning o‘rni va ahamiyatini oshirish kabi masalalar ko‘rib chiqildi.

Shuningdek, konferensiya natijalari bo‘yicha so‘zga chiqqan barcha olimlar, xususan xorijiy olimlarning bildirgan xulosalari va konferensiya to‘plamiga kelib tushgan ilmiy maqolalarda bildirilgan taqqoslama tanqidiy tahlillar asosida Xukumat uchun konferensiyaning taklif va tavsiyalari tayyorlandi.

Konferensiyaning tashkiliy va ijodiy-tahrir qo‘mitasi tomonidan ilmiy tadqiqotchilarning “eng yaxshi”, deb topilgan maqolalari O‘zbekiston Respublikasi Vazirlar Mahkamasi huzuridagi Oliy attestatsiya komissiyasi tomonidan tavsiya etilgan hamda retsenziyalangan «Iqtisodiyot va innovatsion texnologiyalar» elektron jurnalida chop etishga tavsiya qilindi.

Shuning bilan konferensiyaning birinchi bosqichi, Yalpi majlisi yakunlandi. 29 may kuni konferensiya seksiyalari davom etadi. Seksiyalar Toshkent davlat iûtisodiyot universiteti, O‘zbekiston Respublikasi Bank-moliya akademiyasi, Xalqaro Vestminster universitetida davom etadi.

Toshkent davlat iqtisodiyot universiteti talabalari “Ijod sanoati menejmenti” mavzusida Toshkentdagi Vestminster universiteti tomonidan tashkil etayotilayotgan yozgi maktabga taklif etildi.

Mazkur yozgi maktabda Madaniyat va san’at sohasidagi boshqaruv asoslari xorijiy mamlakatlar oliy o‘quv yurtlari yetakchi mutaxassislari tomonidan interfaol usullarda o‘tkazilishi ma’lum qilindi.

Yozgi maktab 2018-yil 11-iyundan 21-iyunga qadar bo‘lib o‘tadi.

Batafsil ma’lumot uchun:

www.westminster.uz

http://wiut.uz/2-uncategorised/382-summer-school-in-creative-industry-management, +998946989178 Davron