archive.php

2018 yil 25 yanvar kuni O‘zbekiston Respublikasi Madaniyat vazirligi G‘afur G‘ulom uy-muzeyida TDIU Ijtimoiy fanlar kaferasi bilan hamkorlikda Xalq ta’limi vazirligiga qarashli Uchtepa tumani “Orom” 38-maktab o‘qituvchilari va o‘quvchilari ishtirokida O‘zbekiston Respublikasining birinchi Prezidenti Islom Karimovning 80 yillik yubileyiga bag‘ishlangan “Siz hamisha yodimizdasiz” mavzusida ma’naviy-ma’rifiy tadbir tashkil etildi.

Continue reading «Siz hamisha yodimizdasiz»

Toshkent davlat iqtisodiyot universitetining 1-sonli talabalar turar joyida Ijtimoiy fanlar kafedrasi professor-o‘qituvchilari tomonidan “Millatlararo totuvlikni rivojlanishida madaniyat va san’atning ahamiyati” mavzusida tadbiro‘tkazildi.

Tadbirni kirish so‘zi bilan ochib bergan kafedra mudiri Azamat Muxtorov mustaqillik yillarida mamlakatimizda madaniyat va san’at sohasini rivojlantirish, jahon miqyosidagi ilg‘or tajribalar asosida zamonaviy madaniyat va san’at muassasalari barpo etish, ularning moddiy-texnik bazasini mustahkamlash, ijodkor ziyolilarni har tomonlama qo‘llab-quvvatlash masalalariga ustuvor ahamiyat qaratib kelinayotganini hayotiy misollar yordamida ta’kidlab o‘tdi.

Aholi, xususan, yoshlarning madaniy saviyasini yuksaltirish, ularni milliy va umumbashariy madaniyatning eng yaxshi namunalaridan bahramand etish, shu asosda ma’naviy tuk, barkamol shaxslarni tarbiyalash, yosh iste’dod egalarining qobiliyatini va salohiyatini ruyobga chiqarish borasida keng ko‘lamli ishlar amalga oshirildi.

Shundan so‘ng, tadbirga taklif etilgan O‘zbekistonda xizmat ko‘rsatgan artist Madina Muxtorova madaniyat va san’atning millatlararo totuvlikdagi, yoshlar tarbiyasidagi ahamiyati haqida gapirib o‘tdi.

Mustaqillik yillarida madaniyat va san’at sohasiga juda katta ahamiyat berilayotgani, madaniyat va san’at xalqlar do‘stligi, millatlaro totuvlikni mustahkamlashda ko‘prik vazifasini o‘tashi haqida so‘zlab berdi. Shuningdek, o‘zi faoliyat ko‘rsatayotgan O‘zbek milliy akademik teatr esa bir necha yillardan buyon yangi binoda faoliyat ko‘rsatayotganligi keyingi vaqtlarda teatrga tamoshabinlar ko‘plab tashrif buyurishayotganligi quvonarli holat ekanligiga to‘xtalib o‘tdi. O‘zi rol ijro etgan “Shum bola”, “Chimildiq”, “Qirmizi olma” spektakllaridagi obrazlari haqida to‘xtalib o‘tdi. Ayniqsa, “Qirmizi olma” spektaklidagi zamonamizning dolzarb muammolari ko‘tarilganligi bilan tarbiyaviy ahamiyatga egaligini aytib o‘tdi. Ushbu spektakl nafaqat yurtimizda qolaversa qo‘shni respublikalarda ham namoyish etilganligini san’at hamma davrlarda xalqlar o‘rtasidagi munosabatlarni mustahkamlashga xizmat qilganligi aytib o‘tdi. Dunyo miqyosida turli g‘oya va mafkuralar kurashi, odamlar, ayniqsa, yoshlarning qalbi va ongini egallash uchun turli kuchlar o‘rtasida raqobat keskin tus olgan bugungi kunda eng ommaviy san’at bo‘lgan teatr va kinoning beqiyos imkoniyatlaridan samarali foydalanish kerakligi haqida to‘xtalib o‘tdi.

Tadbir davomida Madina Muxtorova o‘zi ijro etgan rollardan manologlar va vatanparvarlik mavzusidagi qo‘shiqlardan ijro etib berdi. Talabalarning qiziqtirgan savollariga javob berdi.

Tadbir talabalarda katta taassurot qoldirdi.

 

Universitetda “Milliy armiyamiz – faxrimiz, iftixorimiz” shiori ostida “O‘zbekiston – mustaqil Vatanimiz, milliy armiyamiz – faxru g‘ururimiz” mavzusidagi madaniy-ma’rifiy tadbir bo‘lib o‘tdi.

Har qanday davlatning mustaqilligini birinchi navbatda uning o‘z armiyasi, Qurolli Kuchlari himoya qilishi kerak.

O‘zbekiston Respublikasi Prezidentining 2017 yil 7 dekabrdagi “O‘zbekiston Respublikasi Qurolli kuchlari tashkil topganligining 26 yilligi va Vatan himoyachilari kuniga tayyorgarlik ko‘rish va uni o‘tkazish to‘g‘risida”gi farmoyishi hamda O‘zbekiston Respublikasi Bosh vazirining 2017 yil 27 dekabrdagi 01-07/1-3109 sonli O‘zbekiston Respublikasi Qurolli Kuchlari tashkil etilganining 26 yilligi va Vatan himoyachilari kuni bayramiga tayyorgarlik ko‘rish va uni o‘tkazishga bag‘ishlangan videoselektor yig‘ilishi bayoni ijrosini ta’minlash maqsadida Toshkent davlat iqtisodiyot universiteti hamda Respublika Ma’naviyat va ma’rifat markazi hamkorligida madaniy-ma’rifiy tadbir tashkil etildi.

Tadbirda universitet rektori, professor Bahodir Xodiev, O‘zbekiston Respublikasi Milliy gvardiyasi harbiy texnika instituti katta o‘qituvchisi, podpolkovnik Bahodir Toshpo‘latov, Ikkinchi jahon urushi qatshanchisi, mehnat faxriysi, professor Muxtor Rasulov, Respublika Ma’naviyat va ma’rifat markazi bosh mutaxassisi Malika Abduhakimova, O‘zbekiston yozuvchilar uyushmasi a’zosi Nasriddin Davoiy, O‘zbekiston xalq artisti Mehri Bekjonova va boshqalar so‘zga chiqdi.

So‘zga chiqqanlar 14 yanvar – “Vatan himoyachilari kuni” va O‘zbekiston Respublikasi Qurolli kuchlari tashkil topganligining 26 yilligi bag‘ishlab o‘tkazilayotgan tadbir mazmun-mohiyati, yurt tinchligi, sarhadlarimiz daxlsizligini ta’minlash borasida olib borilayotgan keng ko‘lamdagi islohotlarga batafsil hayotiy misollarda to‘xtalib o‘tishdi.

Tadbir so‘ngida Vatan himoyachilari kuni munosabati bilan universitetda o‘tkazilgan sport festivali g‘oliblariga diplomlar va esdalik sovg‘alari topshirildi.