O‘quvchilarning bilim malaka ko‘nikmalarini oshirish hamda pedagog kadrlarni bilim salohiyatini oshirish maqsadida Toshkent davlat iqtisodiyot universiteti va Toshkent shahar Chilonzor tumanidagi 195-sonli ixtisoslashgan umumta’lim maktabi o‘rtasida hamkorlik memorandum tuzildi va tasdiqlandi.

2018 yil 2 mayda 195-IDU maktabning 10-sinf o‘quvchilarini qiziqishlari bo‘yicha Toshkent davlat iqtisodiyot universititetining moddiy-texnik bazasi bilan yaqindan tanishtirish maqsadida tashriflar tashkil etildi.

ARM va Universitet tarixi muzey

2018 yil 17 may kuni Toshkent davlat iqtisodiyot universiteti Toshkent shahar Chilonzor tuman 195-sonli maktab 10-sinf o‘quvchilarini qiziqishlari bo‘yicha Toshkent davlat iqtisodiyot universititetining ARM, moddiy-texnik bazasi va tarixi bilan yaqindan tanishtirish maqsadida tashriflar tashkil etildi.

Shuningdek, Sanoat iqtisodiyoti kafedrasi mudiri I. Xotamov va katta o‘qituvchilar B. Sultanov G‘. Yuldashevlar tomonidan o‘quvchilarga universitetning ARM va muzeyida universitet tarixi bilan tanishtirish ishlari amalga oshirildi.

“Mahorat darsi” o‘tkazildi

“Mahorat darsi” mashg‘uloti davomida o‘quvchi-yoshlarga oliy ta’lim muassasalariga o‘qishga kirish imtihonlari oldidan maktab o‘quvchilariga kasbga yo‘naltiruvchi ma’lumotlar va maslahatlar berildi. Jumladan, Toshkent davlat iqtisodiyot universiteti faoliyati, uning tarkibidagi fakultetlar, kafedralar va ta’lim yo‘nalishlari haqida tanishtirib o‘tildi. Kirish imtihonlari – testlarning o‘tkazilish tartibi, test jarayoni qaysi fanlardan bo‘lishi, har bir fan bo‘yicha ajratilgan ballar, oxirgi yillrida test qabul qilish tartibi, fanlar bo‘yicha test savollari tarkibiga (xorijiy tillar va axborot texnologiyalariga oid) kiritilgan o‘zgarishlar haqida batafsil ma’lumot berib o‘tdi.

Shuningdek, mashg‘ulot davomida, Mikroiqtisodiyot fanidan “Ishlab chiqarish xarajatlari” mavzusida dars o‘tkazildi. Dars boshlanishida katta o‘qituvchi B. Sultanov o‘tilayotgan mavzu, mavzu rejasidagi savollar, mavzuni o‘zlashtirishda keng foydalanish mumkin bo‘lgan va universitetning www.tsue.uz sayti joylashtirilgan “Mikroiqtisodiyot” faniga oid xorijiy adabiyotlar va me’yoriy-xuquqiy xujjatlar bilan tanishtirdi.

Dars davomida “Ishlab chiqarish xarajatlari” mavzusi rejasiga kiritilgan quyidagi savollar keng yoritildi: Korxonaning qisqa muddatli va uzoq muddatli oraliqdagi faoliyati; Umumiy, o‘zgarmas, o‘zgaruvchan va chekli xarajatlar; O‘rtacha xarajatlar va ularning grafiklarini o‘zaro joylashuvi; yetakchi tarmoq va sohalarda mahsulot ishlab chiqarish xarajatlarini kamaytirishning asosiy yo‘llari. Dars jarayonida zamonaviy pedagogik texnologiyalardan keng foydalanildi. O‘tkazilgan dars o‘quvchilar tomonidan mamnuniyat bilan kutib olindi.

Bugun, 17-may kuni Toshkent davlat iqtisodiyot universitetida «Makroiqtisodiyot va mikroiqtisodiyot» fani bo‘yicha talabalar respublika fan olimpiadasining ikkinchi bosqichi bo‘lib o‘tdi. Unda mamlakatimizning turli oliy o‘quv yurtlaridan 23 nafar talaba o‘zaro g‘oliblik uchun o‘z bilimlarini sinovdan o‘tkazdi.

Yakuniy natijalarga ko‘ra TDIU Iqtisodiyot fakulteti Iqtisodiyot (Makroiqtisodiyot) yo‘nalishi, 3-bosqich talabasi Samandarov Zuhriddin Raup o‘g‘li 368 ball to‘plab birinchi o‘rinni, Jahon iqtisodiyoti va diplomatiyasi universiteti, Jahon iqtisodiyoti va xalqaro iqtisodiy munosabatlar yo‘nalishi 4-bosqich talabasi Isroilov Muhiddin Isomiddin o‘g‘li 250 ball bilan ikkinchi, O‘zbekiston Milliy universiteti Kadrlar menejmenti yo‘nalishi 3-bosqich talabasi Madrahimova Shohista Rasuljon qizi 239 ball to‘plab uchinchi o‘rinni qo‘lga kiritdilar.

Talabalar respublika fan olimpiadasi so‘ngida faxrli o‘rinlarni qo‘lga kiritgan va ishtirokchi talabalarga, ularning ilmiy rahbarlariga Faxriy yorliqlar va esdalik sovg‘alari topshirildi.

Toshkent davlat iqtisodiyot universitetida “Xotira va qadrlash kuni” munosabati bilan talaba-yoshlar o‘rtasida “Milliy kurash” bo‘yicha musobaqa o‘tkazildi.

Ushbu musobaqada 3-vazn toifada bo‘lib o‘tdi.

66 kg bo‘yicha bo‘lgan bahslarda ishtirok etgan talabalar orasida 3 nafar talaba sovrindor bo‘lishdi.

1-o‘rin: Suvonov Humoyun TDIU Iqtisodiyotda axborot tizimlari fakulteti talabasi.

2-o‘rin: Mamatqulov Ibroxim TDIU “Buxgalteriya hisobi va audit fakultet talabasi.

3-o‘rin: Xalilov Shohrux Xalil o‘g‘li TDIU Buxgalteriya hisobi va audit fakultet talabasi.

81 kg bo‘yicha bo‘lgan bahslarda ishtirok etgan talabalar orasida 4 nafar talaba sovrindor bo‘lishdi.

1-o‘rin: Xurramov Nodir TDIU Buxgalteriya hisobi va audit fakultet talabasi.

2-o‘rin: Xurramov Ernazar Dinamo sport majmuasi tarbiyalanuvchisi.

3-o‘rin: Shoimov Rustam O‘zMU talabasi, Eshonqulov Xurshid TIDU talabasi.

81 kg.dan yuqori og‘irlik bo‘yicha bo‘lgan bahslarda ishtirok etgan talabalar orasida 4 nafar talaba sovrindor bo‘lishdi.

1-o‘rin: Bo‘tayev Muxriddin TDIU talabasi.

2-o‘rin: Jiyanmurodov Sardor O‘zMU talabasi.

3-o‘rin: Choriyev Doston TTESI talabasi, Jumayev Sohib TDIU talbasi.

O‘zbekiston «Milliy tiklanish» demokratik partiyasi Markaziy kengashi, Oliy Majlis Qonunchilik palatasidagi O‘zMTDP fraksiyasi hamda Toshkent davlat iqtisodiyot universiteti hamkorligida ochiq muloqot tashkil etildi. «Turizm sohasi uchun kadrlar tayyorlashda ta’lim jarayonini yanada takomillashtirish» mavzusida o‘tkazilgan tadbirda Qonunchilik palatasi deputatlari, partiya faollari, professor-o‘qituvchilar va talaba-yoshlar ishtirok etdi.

Ochiq muloqot davomida Turizm va servis kafedrasi faoliyati hamda Harakatlar strategiyasi bo‘yicha olib borilayotgan ishlar, Turizm va servis kafedrasining  innovatsion hamkorligi doirasida olib borilayotgan ishlar xususida atroflicha so‘z yuritildi.

Tadbir yakunida partiya faollari, Turizmni rivojlantirish davlat qo‘mitasi vakillari universitetda olib borilayotgan ta’lim-tarbiya jarayoni bilan bevosita tanishdilar.

Xotira – о‘tganlarni eslatib turadi, о‘zlikni anglatadi. Qadr – insonni ulug‘laydi, jamiyatni bezaydi. Xotira va qadrlash kuni mazmun-mohiyatida ana shunday ezgu tamoyillar mujassam. Mustaqillik yillarida mamlakatimizda tinchlik-osoyishtalik, hamjihatlik va bag‘rikenglik mustahkam qaror topdi. Kattalarga hurmat, kichiklarga izzat, mehr-oqibat tuyg‘ulari odamlar qalbi va shuuridan chuqur joy oldi. Ajdodlar xotirasini yod etib, ezgu ishlarini davom ettirish, bugun saflarimizda yurgan, elu yurt tinchligi va ravnaqi yо‘lida xizmat qilgan keksalarni e’zozlash ma’naviy hayotimizning ajralmas qismiga aylandi.

«Xotira va qadrlash kuni» munosabati bilan Toshkent davlat iqtisodiyot universiteti Ingliz tili kafedrasi professor-o‘qituvchilari uzoq yillar ushbu kafedrada talaba-yoshlarga ta’lim bergan Minavara Begidjanova xonadoniga tashrif buyurdilar.

Uchrashuv davomida mehnat faxriysi tashrif  buyurgan kafedra a’zolariga o‘zining samimiy tashakkurini izhor qildi. Mehnat faoliyati davomida bo‘lib o‘tgan qiziqarli voqealar esga olindi.

Tashrif buyuruvchilar Minavara opaga mustahkam sog‘liq, uzoq umr tilab o‘zalarining esdalik sovg‘alarini topshirdilar.

Iqtisodiyot fakulteti jamoasi 2018-yil 3-may kuni O‘zbekiston Respublikasi Sog‘liqni saqlash vazirligi tizimidagi “Urush va mehnat faxriylari” Respublika pansionati tashrif uyushtirishdi.

Prezidentimizning joriy yil 16 apreldagi “Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi qarori hamda “Ikkinchi jahon urushi qatnashchilarini rag‘batlantirish to‘g‘risida”gi farmoni ijrosi doirasida uyushtirilgan tadbirdan maqsad Ikkinchi jahon urushi qatnashchilari, mehnat faxriylari, yoshi ulug‘lar, turli sohalarda fidoyilik ko‘rsatgan ajdodlarimizni hurmatlash, ularni e’zozlashdan iborat.

Shu ma’noda Iqtisodiyot fakulteti va Mehnat iqtisodiyoti va sotsiologiyasi kafedrasi professor o‘qituvchilari hamda talaba-yoshlar Toshkent shahrida joylashgan O‘zbekiston Respublikasi Sog‘liqni saqlash vazirligi tizimidagi “Urush va mehnat faxriylari” Respublika pansionatida istiqomat qilayotgan o‘zgalar parvarishaga muhtoj yakka-yolg‘iz qariya va nogironlar holidan xabar olish uchun tashrif buyurishdi.

Pansionatda istiqomat qiluvchi keksalar ayniqsa, Ikkinchi jahon urushi qatnashchilari holidan xabar olishdi tadbir davomida “Uch avlod uchrashuvi” muloqotlari bo‘lib o‘tdi.
Ikkinchi jahon urushi qatnashchilari qonli urush yillari va uning oqibalari haqida eslab, aytish shuningdek, tinchlikni osrash va uni qadriga yetishga barchani chorlashdi.

Tashrif davomida keksalar samimiy ilik so‘zlar aytildi, tilaklar, muloqotlar qilindi va esdalik sovg‘alar berildi.


Shaxnoza RAXMUTULLAYEVA,
Mehnat iqtisodiyoti va sotsiologiyasi kafedrasi dotsenti

Professor-o‘qituvchilar va xodimlar o‘rtasida an’anaviy tarda o‘tkazib kelinayotgan «Kasaba uyushma qo‘mitasi kubogi» uchun o‘tkazilgan musobaqa yakunlandi.

Musobaqaning yarim final bahsida Buxgalteriya hisobi va audit, Ma’muriyat, Xalqaro turizm va Iqtisodiyot jamoalari final bahsi y‘ollanmasi uchun kuch sinashdilar. Unda quyidagi natijalar qayd etildi:

Ma’muriyat — Xalqaro turizm 7:2

Buxgalteriya hisobi va audit — Iqtisodiyot 1:1 (penaltilar bo‘yicha 5:4)

Musobaqaning 3-o‘rin uchun bahsida Iqtisodiyot jamoasi amaldagi chempion Xalqaro turizm jamoasini 6:2 hisobida mag‘lub etdi.

Final bahsida Ma’muriyat jamoasi Buxgalteriya hisobi va audit jamoasini 5:3 hisobida mag‘lub etib, «Kasaba uyushma qo‘mitasi kubogi» musobaqasining g‘olibi bo‘ldi.

Barcha sovrindor jamoalarga qimmatbaho sovg‘alar, 1-,2-,3-darajali diplomlar topshirildi va turli nominasiyalar bo‘yicha futbolchilar taqdirlandilar. 

Bugun, 2-may kuni professor-o‘qituvchilar va xodimlar o‘rtasida an’anaviy tarda o‘tkazib kelinayotgan «Kasaba uyushma qo‘mitasi kubogi» uchun musobaqaning guruh bahslariga yakun yasaldi.

Unda quyidagi natijalar qayd etildi:

Buxgalteriya hisobi va audit — Ma’muriyat 1:6

Xalqaro turizm — Korporativ boshqaruv 6:0

 

A guruhi musobaqa jadvali

Jamoalar O‘ Yu D M T-N O
1. Ma’muriyat 2 2 0 0 16-1 6
2. Buxgalteriya hisobi va audit 2 1 0 1 5-7 3
3. Iqtisodiyotda axborot tizimlari 2 0 0 2 1-14 0

 

B guruhi musobaqa jadvali

Jamoalar O‘ Yu D M T-N O
1. Iqtisodiyot 2 2 0 0 8-3 6
2. Xalqaro turizm 2 1 0 1 7-4 3
3. Korporativ boshqaruv 2 0 0 2 4-10 0

Eslatib o‘tamiz, ertaga 3-may kuni A guruhi g‘olibi Ma’muriyat jamoasi yarim final bahsida B guruhining 2-o‘rin sohibi Xalqaro turizm jamoasi, Iqtisodiyot jamoasi B guruhi g‘olibi sifatida A guruhining ikkinchi o‘rin sohibi Buxgalteriya hisobi va audit jamoasi bahs yuritadi.

Iqtisodiyot — Buxgalteriya hisobi va audit. Boshlanish vaqti 17:00

Ma’muriyat — Xalqaro turizm. Boshlanish vaqti 18:00

Kuchlilarga omad tilab qolamiz.

Xabaringiz bor, ta’lim dargohimiz sport maydonlarida professor-o‘qituvchilar va xodimlar o‘rtasida an’anaviy tarda o‘tkazib kelinadigan Kasaba uyushma qo‘mitasi kubogi uchun musobaqalar bo‘lib o‘tmoqda.

 

Musobaqaning birinchi kungi bahslarida quyidagi natijalar qayd etildi:

Buxgalteriya hisobi va audit — Iqtisodiyotda axborot tizimlari 4:1

Iqtisodiyot — Korporativ boshqaruv 4:2

 

Musobaqaning ikkinchi kungi bahslarida quyidagi natijalar qayd etildi:

Iqtisodiyot — Xalqaro turizm 4:1

Ma’muriyat — Iqtisodiyotda axborot tizimlari 10:0

 

Eslatib o‘tamiz qur’a natijalariga ko‘ra A guruhidan Iqtisodiyotda axborot tizimlari, Ma’muriyat, Buxgalteriya hisobi va audit jamoalari, B guruhidan esa Iqtisodiyot, Xalqaro turizm, Korporativ boshqaruv jamoalari o‘rin olgan.

2018 yil 1 may kuni Toshkent davlat iqtisodiyot universitetida sportning mini futbol turi bo‘yicha «Talabalar kubogi — 2018» musobaqasining final uchrashuvi bo‘lib o‘tdi. Tadbir O‘zbekiston Futbol assosiatsiyasi, Milliy olimpiya qo‘mitasi hamda Toshkent davlat iqtisodiyot universiteti hamkorligida tashkil etildi.

Mazkur sport bayramida O‘zbekiston Milliy olimpiya qo‘mitasi Prezidenti va O‘zbekiston futbol assotsiatsiyasi birinchi vitse-prezidenti Umid Ahmadjonov ham ishtirok etdi. MOQ rahbari final uchrashuvini ochib berish oldidan universitetning sport maydonchasi, umuman, ushbu ilm dargohida yo‘lga qo‘yilgan sport tizimi bilan tanishdi.

Final uchrashuvida o‘zbek futboli afsonalari, XII Osiyo o‘yinlari chempionlari Mirjalol Qosimov va Azamat Abduraimov, shuningdek, Milliy terma jamoamiz futbolchilari Marat Bikmayev va Sardor Rashidov, Xitoyda o‘tkazilgan yoshlar o‘rtasidagi Osiyo chempionati g‘oliblari ham ishtirok etib, tadbirning yanada qiziqarli ko‘rinish olishini ta’minlab berishdi. O‘FA qoshidagi muxlislar klubi a’zolari final bahsi ishtirokchi jamoalarini qo‘llab-quvvatlab, talabalar futbol bayramiga fayz kiritdi.

Tadbirni O‘zbekiston Milliy Olimpiya qo‘mitasi Prezidenti Umid Ahmadjonov hamda Toshkent davlat iqtisodiyot universiteti rektori Bahodir Xodiyevlar ochib berishdi.

Final bahsida “Korporativ boshqaruv” va “Bank ishi” jamoalari o‘zaro bellashdilar. “Korporativ boshqaruv” jamoasini Mirjalol Qosimov, “Bank ishi” jamoasini esa Azamat Abduraimov maydonga bosh murabbiy sifatida boshlab tushdilar. Qiziqarli va sportga xos kurashlar ostida o‘tgan hal qiluvchi o‘yinda “Korporativ boshqaruv” jamoasi 1:0 hisobida g‘alabani qo‘lga kiritdi.

Final bahsining tanaffus vaqtida O‘zbekistonda xizmat ko‘rsatgan artist Tohir Sodiqov o‘z chiqishi bilan ishtirokchilarga bayramona kayfiyat ulashdi.

Final bahsini FIFA referesi Ravshan Ermatov boshchiligidagi hakamlar brigadasi boshqarib bordi. Ishqibozlar o‘yinni taniqli futbol sharhlovchisi Davron Fayziyev sharhi orqali kuzatib bordilar.

Final o‘yini yakunlangach musobaqaning «Eng yaxshi darvozabon», «Eng yaxshi himoyachi», «Eng yaxshi to‘purar», «Eng yaxshi o‘yinchi», «Eng yaxshi ishqibozlar guruhi» kabi yo‘nalishlarda g‘oliblar aniqlandi va ularga ham esdalik sovg‘alari topshirildi.

Tadbir so‘ngida «Talabalar kubogi — 2018» futbol musobaqasining sovrindor jamoalariga kubok, medallar, esdalik sovg‘alari tantanali ravishda topshirildi.

G‘olib jamoa a’zolari sovrinlarni Ravshan Ermatov, Azamat Abduraimov, Temur Kapadze, Sardor Rashidov, Rustamjon Ashurmatov, Акромjon Komilov, Zabihullo O‘rinboyevlar qo‘lidan qabul qilib oldilar.