YANGILIKLAR

Bo'lim: E’lonlar

DIQQAT!

AMALIY LOYIHALAR BO‘YICHA IJODIY JAMOA SHAKLLANTIRILMOQDA

O‘zbekiston Respublikasi Innovatsion rivojlanish vazirligi davlat ilmiy-texnik dasturlari doirasida bajarilishi 2019-2021 yillarga mo‘ljallangan amaliy ilmiy-texnik loyihalar va innovatsion ishlanmalar tanlovida e’lon qilingan muammoviy mavzular bo‘yicha Ilmiy-innovatsion ishlanmalarni tijoratlashtirish bo‘limi tomonidan loyihalar taqdim etish uchun ijodiy jamoa shakllantirilmoqda.

Shu munosabat bilan tashabbuskorlarni Ilmiy-innovatsion ishlanmalarni tijoratlashtirish bo‘limiga murojaat qilishingizni so‘raymiz.

Muammoviy mavzular:

“Разработка усовершенствованной системы государственного пенсионного обеспечения граждан на основе опыта развитых стран”;

 

“Surxondaryo – etnografik makon” geografik-sayyohlik-toponomik rangli yo‘l xaritasini yaratish.

 

Murojaat uchun tel: 71-239-29-57

Toshkent davlat iqtisodiyot universiteti Yevropa Ittifoqining Erasmus+ CBHE yo‘nalishi bo‘yicha grantini qo‘lga kiritganini ma’lum qiladi.

Loyiha “Markaziy Osiyoda Oliy ta’lim tizimini yangi axborot texnologiyalari orqali rivojlantirish ( HiEdTech )” deb nomlanadi.

Loyiha bo‘yicha asosiy hamkor Bolgariyaning Ruse shahrida joylashgan University of Ruse Angel Kanchev nomidagi universitet hisoblanadi.

Universitetlararo hamkorlikni kuchaytirish yo‘nalishi bo‘yicha ushbu loyiha 36 oyga mo‘ljallangan.

O‘zbekistondan loyiha ishtirokchi OTMlar: TDIU, TATU va Andijon mashinasozlik instituti. Shuningdek, loyihada Italiya, Lyuksemburg, Portugaliya, Qozoqiston, Qirg‘izston, Tojikiston, Turkmaniston universitetlari ishtirok etadi.

TDIU loyiha koordinatori:

Xalqaro aloqalar bo‘yicha prorektor Obidjon Hamidov.

Loyiha ijrochisi:

Ilmiy-innovatsion ishlanmalarni tijoratlashtirish bo‘limi boshlig‘i Azizjon Bobojonov.

Hozirda loyiha bo‘yicha keng tarkibdagi ishchi guruh shakllantirilmoqda. Shu munosabat bilan loyiha ishchi guruhiga tanlov e’lon qilinadi.

Loyihada ishtirok etuvchilarga asosiy mezon Ingliz tili va axborot kommunikatsiya texnologiyalarini bilish darajasi hisoblanadi.

Loyihada ishtirok etish uchun o‘z rezyumeningizni a.bobojonov@tsue.uz pochta manziliga yo‘llashingiz mumkin

Saralash natijalariga ko‘ra suhbat o‘tkaziladi.

Oliy ta’lim muassasasi professor-o‘qituvchilar tarkibining o‘quv yuklamasi hamda o‘quv-uslubiy, ilmiy-tadqiqot va «ustoz-shogird» ishlarini belgilash QOIDALARI qabul qilindi.

Quyidagi havola orqali ushbu QOIDALAR bilan to‘liqroq tanishishingiz mumkin.

👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇 👇

Oliy_talim_muassasasi_professor-o‘qituvchilar_tarkibining_o‘quv_yuklamasi_hamda_o‘quv-uslubiy_ilmiy-tadqiqot_va_ustoz-shogird_ishlarini_belgilash

Karimov Fondi O‘zbekistonning iqtidorli va iste’dodli yigit-qizlari o‘rtasida xorijiy oliy ta’lim muassasalarida tahsil olish uchun uchinchi grantlar tanlovini mamnuniyat bilan e’lon qiladi. Karimov Fondining yangi ta’lim grantlari quyidagi mutaxassisliklar bo‘yicha Yevropaning oliy ta’lim muassasalarida magistratura bosqichida tahsil olish imkonini beradi:

Qayta tiklanuvchan energiya manbalari;

Kimyo. Kimyo texnologiyasi;

Suv va yer resurslarini boshqarish;

Mashinasozlik texnologiyalari;

Arxitektura. Bino va inshootlarni qurish;

Avtomobil yo‘llari, ko‘priklar, tonnellar, yo‘l o‘tkazgichlar va aerodromlarni loyihalash va qurish;

Tekstil sanoati texnologiyalari va uskunalari;

Turizm xizmatlarini tashkil etish va boshqarish;

Axborot xizmatlari va jamoatchilik bilan aloqalar;

Tanlovda ingliz, nemis yoki fransuz tillarini a’lo darajada bilgan, O‘zbekiston yoki chet el oliy ta’lim muassasasini bitirgan yoki uning so‘nggi kursida tahsil olayotgan, yoshi 35dan oshmagan O‘zbekiston fuqarolari ishtirok etishi mumkin.

Grant sovrindorlarining chet elda tahsil olish va yashash xarajatlari (2 yilgacha) Fond tomonidan moliyalashtiriladi.

Tanlovda ishtirok etish uchun hujjatlar onlayn qabul qilinadi:

https://goo.gl/forms/vNSA6KLY2JDOA86h1

(ro‘yxatdan o‘tish uchun ko‘rsatilgan havola 2018-yil 5-noyabrdan 24-noyabrgacha amalda bo‘ladi)

Tanlovda ishtirok etish uchun taqdim etiladigan hujjatlar ro‘yxati:

Fond tomonidan tasdiqlangan shakldagi tanlovda ishtirok etishga ariza;

tanlov ishtirokchisining shaxsiy anketasi;

tanlov ishtirokchisi tomonidan imzolangan «Chet el oliy ta’lim muassasalarida magistrlik dasturi bo‘yicha tahsil olish uchun Karimov fondi grantini olish bo‘yicha o‘tkaziladigan III-tanlov Nizomi» Ko‘chirmasi;

oliy ta’lim muassasasi rektori (tashkilot, korxona, muassasa rahbari) nomidan tanlovda munosib nomzod sifatida ishtirok etishi to‘g‘risidagi Tavsiyanoma yoki oliy ta’lim muassasasidan oxirgi bosqichda muvaffaqiyatli tahsil olayotganligi to‘g‘risida ma’lumotnoma;

pasport rangli nusxasi;

oliy ta’lim muassasasini bitirganligi to‘g‘risidagi Diplom nusxasi.

Tanlov to‘g‘risidagi yangiliklar va taqdim etiladigan hujjatlar namunalari Karimov Fondi grantlariga bag‘ishlangan maxsus telegram-kanalda havola etilgan: https://t.me/GrantFondKarimov

Diqqat!!!

Hujjatlar topshirish muddati cheklangan – 2018-yil 5-noyabrdan 24-noyabrgacha.

Batafsil ma’lumot uchun telefonlar:

+99871 2373420, +99871 2373813

e-mail: info@fondkarimov.uz

Toshkent davlat iqtisodiyot universitetining ilmiy tadqiqotchilari, mustaqil izlanuvchilari, professor-o‘qituvchilari va talabalari diqqatiga!!!

Sizlarning e’tiboringizga Scopus va Science Direct xalqaro ilmiy-texnik ma’lumotlar bazasidan foydalanish va ilmiy maqolalarni yuqori impakt-faktorga ega jurnallarda chop etish maqsadida dissertatsiyalarning asosiy ilmiy natijalarini chop etish uchun tavsiya etilayotgan va tavsiya etilmayotgan ilmiy nashrlar ro‘yxati taqdim etilmoqda.

Scopus tomonidan tavsiya etiladigan jurnallar haqida ma’lumotlar

 

Scopus tomonidan tomonidan tavsiya etilmaydigan jurnallar ro‘yxati

2018-yil 31-oktabr kuni Doktorantlar va mustaqil izlanuvchilar uchun ilmiy-uslubiy seminar tashkil etiladi. Seminar Toshkent davlat iqtisodiyot universitetining 1-bino 134-xonasida soat 14:00da boshlanadi.

Mazkur seminarda AQShning Kolorado davlat universitetida Biznes boshqaruvi ixtisosi bo‘yicha bakalavr va magistr darajasini olgan, Doktorlik ilmiy tadqiqotini AQShning Garvard universitetining Tadbirkorlik kafedrasida olib borgan iqtisod fanlari nomzodi Odiljon Abdurazzaqov ma’ruza bilan ishtirok etadi. Ma’ruzachi so‘nggi besh yil davomida yevropaning nufuzli universitetlarida, jumladan Germaniyaning Koln biznes universiteti, Gollandiyaning Mastrixt universiteti va Ozarbayjon Diplomatiya akademiyasida “Innovatsiya va tadbirkorlik” fani o‘qituvchisi bo‘lib ishlagan. 2017-yilda “Innovatsion faoliyatlarni rivojlantirishda texnologiya transferining roli” mavzusidagi ilmiy ishini himoya qilgan. “Innovatsiya va tadbirkorlik” mavzusidagi o‘nlab ilmiy maqolalar muallifi. Hozirda Innovatsion rivojlanish vazirligi va Xalqaro Vestminster universitetida faoliyat olib bormoqda.

Mamlakat iqtisodiyotining turli soha va tarmoqlarini rivojlantirishda ilm-fanning o‘rni va ahamiyatini kuchaytirish, fan va texnikaning muhim ilmiy va texnologik muammolarini hal etish, xalqaro ilmiy-texnik hamkorlikni kuchaytirish, ilm-fan sohasiga xorijiy investitsiyalarni jalb qilishga qaratilgan xalqaro va respublika miqyosidagi ilmiy va ilmiy-amaliy anjumanlarni samarali o‘tkazish, universitet professor-o‘qituvchilari, doktorantlar hamda talabalarning anjumanlarda faol ishtirokini ta’minlash dolzarb vazifalardan biri hisoblanadi.

Ushbu vazifalarni samarali amalga oshirish bo‘yicha O‘zbekiston Respublikasi Prezidenti Sh.M.Mirziyoevning “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid davlat dasturi to‘g‘risida” 2018 yil 22 yanvardagi PF-5308-sonli farmonida belgilangan vazifalarning ilmiy yechimlarini aniqlash, O‘zbekiston Respublikasi Prezidentining «Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida” 2017 yil 27 iyuldagi PQ-3151-sonli qarori bajarilishi bo‘yicha amalga oshirilayotgan chora-tadbirlar samaradorligini oshirish hamda O‘zbekiston Respublikasi Vazirlar Mahkamasining 2018-yil 6-martdagi 178-F-sonli farmoyishiga muvofiq Toshkent davlat iqtisodiyot universitetining “Makroiqtisodiyot” kafedrasi “O‘zbekiston iqtisodiyotining barqaror rivojlanishi: omillar, natijalar va istiqbollar” mavzusida respublika ilmiy-amaliy anjumanini 2018-yil 30oktabrda o‘tkazishni rejalashtirgan.

Mazkur anjumanda ilmiy maqola va tezislar to‘plami chop etilishi ko‘zda tutilgan. Ushbu anjumanda o‘z maqolalari va tezislari bilan ilmiy xodimlar, oliy o‘quv yurtlarining professor-o‘qituvchilari, doktorant va mustaqil tadqiqotchilar, magistratura va bakalavriat talabalari ishtirok etishga taklif etiladilar.

Ilmiy maqolalar to‘plami quyidagi yo‘nalishlarni qamrab oladi:

1. Makroiqtisodiy barqarorlikni ta’minlashning ustuvor vazifalari va unda xalqaro tajribalardan foydalanish yo‘nalishlari;

2. Barqaror iqtisodiy o‘sishni ta’minlashning innovatsion va investitsion omillari;

3. O‘zbekistonda iqtisodiyotni barqaror rivojlantirishning huquqiy asoslarini rivojlantirish;

4. Hududlarni kompleks ijtimoiy-iqtisodiy rivojlantirish yo‘nalishlari.

Ilmiy maqolalarni qabul qilish talablari:

I. Ilmiy maqolaning tarkibi quyidagilardan iborat bo‘lishi shart:

1.1. Tadqiqot mavzusi doirasida mavjud muammo.

1.2. Muammoni hal qilish yo‘llari.

1.3. Ilmiy asoslangan taklif va tavsiyalar.

1.4. Kutilayotgan iqtisodiy samara.

II. Maqolalar jiddiy tahrir qilingan va rasmiylashtirishning barcha texnik talablariga mos kelishi zarur, jumladan:

– matn muharriri – MS Word 2003, 2007;

– sahifa – A4 o‘lchovida, kitob ko‘rinishida, barcha tomonlardan 20 mm qoldirilgan;

– shrift – Times New Roman, o‘lchovi (kegl) – 14;

– qator oralig‘i va xat boshidagi oraliq – 1,5;

– maqolaning hajmi 5-6 bet;

– yuqori o‘ng burchakda muallifning to‘liq familiyasi, ismi va sharifi, ilmiy darajasi va unvoni, lovozimi, tashkilot nomi, ilmiy material nomi esa o‘rtada (qalin harflar bilan) yoziladi;

– barcha jadval, sxema va rasmlar MS Word formatida, Times New Roman shriftida, ularning nomi sxema va rasmlar pastida, jadvallar tepasida bo‘lishi kerak;

– barcha grafik, diagrammalar MS Excel formatida bo‘lishi kerak;

– formulalar MS Equation muharririda yozilgan bo‘lishi kerak;

– jadval, rasm va grafiklarda manbalar va matnda ularga havolalar ko‘rsatilgan bo‘lishi kerak;

– havolalar har bir betning pastki qismida joylashtiriladi;

– ilmiy maqola, o‘zbek tilida, rus tilida yoki ingliz tilida bo‘lishi mumkin.

III. Ilmiy maqolalar anketasi bilan to‘ldirilgan holda elektron va chop etilgan shaklda tashkiliy qo‘mitaga 2018-yil 10 oktabrgacha TDIU “Makroiqtisodiyot” kafedrasi 1-bino 2 qavat 2-26 xona manziliga topshirilishi zarur.

IV. Taqdim etiladigan ilmiy maqolalar yuqorida keltirilgan talablarga mosligi bo‘yicha ekspertizadan jumladan, antiplagiat dasturi tekshiruvidan ham o‘tkaziladi.

Ekspertiza xulosasi ijobiy bo‘lgan ilmiy maqolalar nashr uchun to‘plamga kiritiladi.

MUALLIF ANKeTASI
1. Familiya

2. Ismi

3. Sharifi

4. Ish (o‘qish) joyi (to‘liq)

5. Egallab turgan lavozimi

6. Ilmiy daraja

7. Ilmiy unvon

8. Telefon raqami (mobil va uy)

9. Faks

10. e-mail

11. Maqolaning nomlanishi

12. Maqola taqdim etilayotgan to‘plam yo‘nalishi

Toshkent davlat iqtisodiyot universiteti bilan Avstriyaning KREMS amaliy fanlar universiteti o‘rtasida qo‘shma ta’lim dasturi asosida tashkil etilgan filialga hujjat topshirgan abiturientlar
DIQQATIGA!

2018-yilning 28-oktabr kuni soat 8:00da Toshkent davlat iqtisodiyot universitetining 7-bino faollar zalida kirish imtihonlarini o‘tkazish tartib-qoidalari bo‘yicha maslahat o‘tkaziladi hamda testga kirishga ruxsatnomalar tarqatiladi.

Kirish imtihonlari 2 ta fandan test shaklida o‘tkaziladi, ya’ni matematika va chet tili fanlaridan.

Matematika hamda chet tili fanlaridan 30 tadan test savollari beriladi va har bir berilgan to‘g‘ri javobga 2,5 ball ajratilgan (Matematika 30×2,5=75 ball, Chet tili 30×2,5=75 ball. Jami testdan abiturient 150 maksimum ball to‘plashi mumkin).

Test sinovlari 2018-yilning 28-oktabr kuni soat 10:00da boshlanadi. Har bir fanga bir soatdan ajratiladi, ya’ni 2 ta fandan test sinovlariga 2 soat belgilangan (Soat 10:00 dan 12:00 gacha). Test sinovlarini tugagandan so‘ng ingliz tilidan suhbat o‘tkaziladi. Suhbat uchun 50 ball ajratilgan.

Abiturient test sinovlari va ingliz tilidan suhbat bo‘yicha jami 200 ball to‘plash imkoniyatiga ega.

Mikrokreditbank yosh, iqtidorli, bilimli, bitiruvchilarni quyidagi mezonlar asosida tanlovga taklif etadi

TANLOV SHARTLARI:

-oʻziga yuklatilgan vazifalarni tez va sifatli bajaradigan;

-ingliz va rus tillarida mukammal soʻzlasha oladigan;

-egallayotgan mutaxassisligi boʻyicha mukammal bilimga ega boʻlgan;

-axborot texnologiyalari (WORD, EXCEL) sohasini yaxshi biladigan;

-innovatsion gʻoyalar va takliflarga ega boʻlgan (alohida inobatga olinadi).

Tanlov ishtirokchilari oʻzlari haqidagi maʼlumotni (obyektivka rangli rasm bilan, pasport nusxasi, oliy taʼlim muassasasidan maʼlumotnoma) 2018-yil 1-noyabrdan 30-noyabr kuniga qadar bankning Xodimlar bilan ishlash boshqarmasiga elektron shaklda (kadr@mikrokreditbank.uz pochta manziliga) taqdim etishlari mumkin.

Tanlov gʻoliblari bank Boshqaruvining “Kasbga muvofiqlikni aniqlash komissiyasi” xulosasiga koʻra aniqlanadi va shartnomaga muvofiq bank tizimiga stajyor sifatida eng kam oylik ish haqining toʻrt barobari miqdorida oylik maoshi bilan ishga qabul qilinadi.

Stajyor sifatida qabul qilingan bitiruvchilar oʻzining odob-ahloqi, masʼuliyatliligi, berilgan topshiriqlarni oʻz vaqtida va sifatli bajarishini inobatga olgan holda “Mikrokreditbank” ATB tizimiga ishga qabul qilinadilar.

Maʼlumot uchun telefon: 71 202-99-99 (1021, 1022)

O‘zbekiston Respublika va Rossiya Federatsiyasining qator yetakchi oliy ta’lim muassasalari tashabbusi bilan ilk marotaba “O‘zbekiston-Rossiya ta’lim forumi” o‘tkazilmoqda.

Xalqaro forum shu yilning 18-oktabr kuni Toshkent davlat iqtisodiyot universitetida bo‘lib o‘tadi. Unda ikki davlat Prezidentlari administratsiyalari, Hukumat rahbarlari, O‘zbekiston Oliy va o‘rta maxsus ta’lim vaziri va Rossiya Federatsiyasini Ta’lim va fan vaziri hamda Rossiyaning 80 dan ortiq nufuzli oliy ta’lim muassasalari rektorlari ishtirok etadi.

Xalqaro forumning maqsadi O‘zbekiston va Rossiya o‘rtasida zamonaviy yo‘nalish va mutaxassisliklar bo‘yicha malakali kadrlar tayyorlash hamda ilmiy-tadqiqot sohasida o‘zaro hamkorlikni yangi bosqichga olib chiqishdan iborat.

Birinchi marta o‘tkazilayotgan “O‘zbekiston-Rossiya ta’lim forumi”da O‘zbekiston va Rossiya oliy ta’lim muassasalari rektorlari o‘zaro hamkorlikni yo‘lga qo‘yish barobarida, dolzarb vazifa va masalalarni to‘g‘ridan-to‘g‘ri va ochiq muloqotda birgalikda muhokama qilishadi.

Mazkur nufuzli anjumanda Rossiyaning yetakchi oliy ta’lim muassasalari bilan qo‘shma dasturlar asosida talabalarni o‘qitish, fakultet va kafedralar filiallarini tashkil qilish, o‘qituvchilar malakasini oshirish, maqsadli ilmiy izlanishlar olib borish, o‘quv va ilmiy adabiyotlar almashish, yangi hamkorlik aloqalarini yo‘lga qo‘yish uchun zamin yaratiladi.

Xalqaro forum doirasida Rossiyaning nufuzli oliy ta’lim muassasalari va respublikamizdagi oliy ta’lim muassasalari o‘rtasida malakali mutaxassislarni hamkorlikda tayyorlash maqsadida qo‘shma loyihalarni amalga oshirish bo‘yicha shartnomalar imzolanishi rejalashtirilmoqda.

“O‘zbekiston-Rossiya ta’lim forumi”ning muvaffaqiyatli o‘tkazilishi natijasida:

  • Rossiya Federatsiyasidagi nufuzli oliy ta’lim muassasalarining yurtimizda filiallarini tashkil etish, ikki davlat oliy ta’lim muassasalari o‘rtasida akademik tayyorgarlik, qo‘shma ta’lim dasturlarini amalga oshirish, talabalarning ilmiy va innovatsion forumlarini o‘tkazish, birgalikda ilmiy tadqiqotlar va boshqa tadbirlarni olib borish borasida kelishuvlarga erishiladi;
  • kelishuvga erishilgan yangi filial va qo‘shma dasturlarda iqtisodiyotimizning real sektorlarida ehtiyoj mavjud bo‘lgan kadrlar xalqaro standartlar asosida tayyorlanadi;
  • ikki davlat oliy ta’lim muassasalari uchun muloqot kanali tashkil etilib, kelgusida o‘zaro hamkorlikni yo‘lga qo‘yish va kelishuvga erishish uchun imkoniyat yaratildi.