YANGILIKLAR

Bo'lim: Konferensiyalar

Bugungi kunda davlatimiz rahbari tomonidan ilgari surilayotgan masalalardan biri sifatida tashqi iqtisodiy faoliyatni davlat tomonidan tartibga solishni takomillashtirishda innovatsion yondashuv, ochiq iqtisodiyotni makroiqtisodiy dasturlashda optimal qarorlar qabul qilish orqali tashqi sektor faoliyatini samarali tashkil etishni ko‘rishimiz mumkin. Shu munosabat bilan 2019-yilning 24-aprel kuni Toshkent davlat iqtisodiyot universitetining Jahon iqtisodiyoti kafedrasi tomonidan “O‘zbekiston iqtisodiyotini innovatsion rivojlanish doirasida tashqi iqtisodiy faoliyatni davlat tomonidan tartibga solishning dolzarb muammolari” mavzusida respublika ilmiy-amaliy anjumani o‘tkazildi.

 

 

Anjuman ishini Toshkent davlat iqtisodiyot universiteti rektori, professor Bahodir Xodiyev kirish so‘zi bilan ochib, mazkur respublika ilmiy-amaliy anjumani kun tartibiga qo‘yilgan mavzuning dolzarb ahamiyati xususida to‘xtalib o‘tdi.

 

 

Ilmiy-amaliy anjuman quyidagi yo‘nalishlarni qamrab oldi:

– tashqi iqtisodiy faoliyatni davlat tomonidan tartibga solishning iqtisodiy jihatlari, xalqaro standartlashtirish va sifat menejmenti;

– tashqi iqtisodiy faoliyatni davlat tomonidan tartibga solishning huquqiy asoslarini takomillashtirish;

– tashqi iqtisodiy faoliyatni davlat tomonidan tartibga solish borasidagi jahon tajribasi;

– tashqi iqtisodiy faoliyatni faoliyatni davlat tomonidan tartibga solishning innovatsion mexanizmini yaratish hamda takomillashtirish.

Respublika ilmiy-amaliy anjumanida quyidagi mavzular bo‘yicha ma’ruzalar qilindi:

“Tashqi iqtisodiy faoliyatni davlat tomonidan tartibga solishning dolzarb muammolari”

Ma’ruzachi: Qalandar Abduraxmanov, O‘zbekiston Respublikasi Fanlar akademiyasi akademigi;

“Tashqi iqtisodiy faoliyatda xalqaro ishchi kuchi migratsiyasi masalalari va uni davlat tomonidan tartibga solish”

Ma’ruzachi: Bahodir Umurzaqov Bandlik va mehnat munosabatlari vaziri o‘rinbosari;

“Bojxona to‘lovlarini qo‘llashni optimallashtirish tashqi iqtisodiy faoliyatni liberallashtirishning muhimo mili”

Ma’ruzachi: T. Pardaev Bojxona institutining Bojxona tartibga solinishi va bojxona to‘lovlari kafedrasi dotsenti, bojxona xizmati podpolkovnigi;

“Jahon iqtisodiyoti globallashuvi sharoitida tashqi iqtisodiy faoliyatni tartibga solishning innovatsion usullari”

Ma’ruzachi: Baxtiyor Islomov, G.V. Plexanov nomidagi Rossiya iqtisodiyot universitetining Toshkent filiali hamda Toshkent davlat iqtisodiyot universitetining Jahon iqtisodiyoti kafedrasi professori;

“Действующее состояние законодательства в сфере регулирования внешнеэкономической деятельности”

Докладчик: Жамшид Номозов, Начальник отдела “Исследования экономики, финансов и вопросов развития предпринимательства” Института проблем законодательства и парламентских исследований при Олий Мажлисе Республики Узбекистан;

Таможенные инновации в развитии внешнеэкономической деятельности Республики Узбекистан

Докладчик: Д.Шарипова, доцент кафедры Таможенное регулирование и таможенные платежи Таможенного института ГТК РУз, подполковник таможенной службы;

“To‘qimachilik va tikuv-trikotaj sanoatini isloh qilishni yanada chuqurlashtirish va uning eksport salohiyatini oshirish”

Ma’ruzachi: Anvar Qarayev, “O‘zto‘qimachiliksanoat” uyushmasining Moliyaviy-iqtisodiy tahlil bo‘limi boshlig‘i.

 

 

Ma’lumki bugungi kunda optimal boj tarif stkvkalarini o‘rnatish orqali tashqi savdoni rag‘batlantirish, tashqi iqtisodiy faoliyatni davlat tomonidan tartibga solishda notarif usullardan bosqichma-bosqich voz kechgan holda mahalliy ishlab chiqaruvchilarni himoyalash va qo‘llab-quvvatlashda iqtisodiy usullar salmog‘ini orttirish, shuningdek aksiz solig‘iga tortiladiladigan import tovarlari ro‘yxatini davlatning mutloq va nisbiy afzalliklaridan kelib chiqqan holda tuzish o‘z dolzarbligiga ega. Bu borada mavjud muammolar yechimlarini topishda innovatsion usullardan foydalagan holda tizimli tahlil orqali jahon tajribasini o‘rganish va davlatimiz iqtisodiyotining o‘ziga xosligidan kelib chiqqan holda, barcha omillarni inobatga olib zamonaviy mexanizm ishlab chiqish asosiy maqsad etib belgilangan.

 

 

Tashqi iqtisodiy faoliyatni davlat tomonidan tartibga solishda fiskal va monetar siyosatni amalga oshirish jarayonida davlatimiz rahbari tomonidan ilgari surilayotgan eksport salohiyatini oshirish hamda tashqi iqtisodiy faoliyat bilan shug‘ullanuvchi tadbirkorlarni jahon bozorida o‘z ishlab chiqargan tovarlari va xizmatlari orqali o‘z o‘rnini topishi masalalasiga ilmiy yondashuv orqali amaliy natijalar olish ham kun tartibiga qo‘yilgan.

 

 

Mazkur tadbir Toshkent davlat iqtisodiyot universiteti, Fanlar akademiyasi va Bojxona instituti bilan hamkorlikda tashkil etildi.

 

 

Avval xabar berganimizdek, bugun, 3-aprel kuni Toshkent davlat iqtisodiyot universitetida «Eng yaxshi ilmiy-innovatsion g‘oyalar» ko‘rik-tanlovining yakuniy bosqichi bo‘lib o‘tdi. Mazkur tanlovda talabalar tomonidan jami 43 ta loyiha va g‘oyalar taklif etilgan bo‘lib, shundan 9 tasi yakuniy bosqichda ishtirok etdi.

Sizning e’tiboringizga ko‘rik-tanlovda taqdim etilgan ma’ruzalar va fotolavhalarni havola etamiz.

 

 

StepsWatt (Kinetik natural elektr energiya ishlab chiqaruvchi innovatsion loyiha).

Ma’ruzachi: Iqtisodiyot fakulteti talabasi, Minavvarov Javohir Kiyamiddinovich

Ma’ruzani yuklab olish 👉 Kinetik natural elektr energiya ishlab chiqaruvchi innovatsion loyiha

 

 

Eat more (Ovqatlanish joylaridagi innovatsion xizmat ko‘rsatish)

Ma’ruzachi: Korporativ boshqaruv fakulteti, talabasi Qaxxorova Madina Muzaffarovna

Ma’ruzani yuklab olish 👉 Ovqatlanish joylaridagi innovatsion xizmat ko‘rsatish

 

 

BIOLIFE (Xonadon maishiy chiqindilaridan biogaz, bioo‘g‘it ishlab chiqarish)

Ma’ruzachi: Magistratura talabasi, Olimjonov Bobirjon Farxod o‘g‘li

Ma’ruzani yuklab olish 👉 Xonadon maishiy chiqindilaridan biogaz, bioo‘g‘it ishlab chiqarish

 

IB MTM (Davlat va xususiy sherikchiligi asosida nodavlat maktabgacha ta’lim muassasasi ochish)

Ma’ruzachi: Iqtisodiyot fakulteti talabasi, Yunusova Ozoda Anvarjon qizi

Ma’ruzani yuklab olish 👉  Davlat va xususiy sherikchiligi asosida nodavlat maktabgacha ta’lim muassasasi ochish

 

 

E-MARKETING (Elektron marketing platformasini yaratish)

Ma’ruzachi: Magistratura bo‘limi talabasi, Mamatqulov Ravshanbek Baxtiyor o‘g‘li

Ma’ruzani yuklab olish 👉 Elektron marketing platformasini yaratish

 

GREEN SOLUTIONS (Stabilizatsiya qilingan o‘simliklar o‘stirish)

Ma’ruzachi: UrDIU filiali talabasi, Sa’dullaev Shukrullo Komil o‘g‘li

Ma’ruzani yuklab olish 👉 Stabilizatsiya qilingan o‘simliklar o‘stirish

 

 

Smart parking (Yig‘ilgan aylanuvchi avtoturargoh tizimi)

Ma’ruzachi: Iqtisodiyot fakulteti talabasi, Abdug‘aniev Ilyosbek Shomurodovich

Ma’ruzani yuklab olish 👉  Yig‘ilgan aylanuvchi avtoturargoh tizimi

 

 

I-ROTEL (Innovatsion ko‘chma mehmonxona)

Ma’ruzachi: Xalqaro turizm fakulteti talabasi, Mamataliev Bobur Saidnazar o‘g‘li

Ma’ruzani yuklab olish 👉 Innovatsion ko‘chma mehmonxona

 

 

 

Avtomobillarni innovatsion joylashtirish

Ma’ruzachilar: Xalqaro turizm va Iqtisodiyotda axborot tizimlari fakulteti talabalari Abdujalilova Shoxista, Sa’dullayeva Saodat

Ma’ruzani yuklab olish 👉  Avtomobillarni innovatsion joylashtirish

Bugun, 3-aprel kuni Toshkent davlat iqtisodiyot universitetida «Eng yaxshi ilmiy-innovatsion g‘oyalar» ko‘rik-tanlovining yakuniy bosqichi bo‘lib o‘tdi. Mazkur tanlovda talabalar tomonidan jami 43 ta loyiha va g‘oyalar taklif etilgan bo‘lib, shundan 9 tasi yakuniy bosqichda ishtirok etdi.

 

 

 

Tadbirni Ilmiy ishlar va innovatsiyalar bo‘yicha prorektor Sherzod Mustafoqulov kirish so‘zi bilan ochib, ma’ruza taqdimoti bilan ishtirok etayotgan talabalar muvaffaqiyat tiladi.

 

 

 

2019 yil – Faol investitsiyalar va ijtimoiy rivojlanish yiliga bag‘ishlab o‘tkazilgan tanlovning yakuniy bosqichida “StepsWatt (Kinetik natural elektr energiya ishlab chiqaruvchi innovatsion loyiha)”, “Eat more (Ovqatlanish joylaridagi innovatsion xizmat ko‘rsatish)”, “BIOLIFE (Xonadon maishiy chiqindilaridan biogaz, bioo‘g‘it ishlab chiqarish)”, IB MTM (Davlat va xususiy sherikchiligi asosida nodavlat maktabgacha ta’lim muassasasi ochish)”, E-MARKETING (Elektron marketing platformasini yaratish)”, “GREEN SOLUTIONS (Stabilizatsiya qilingan o‘simliklar o‘stirish)”, “Smart parking (Yig‘ilgan aylanuvchi avtoturargoh tizimi), “I-ROTEL (Innovatsion ko‘chma mehmonxona)”, “Avtomobillarni innovatsion joylashtirish” mavzularining taqdimoti o‘tkazildi.

 

 

Muhokama qo‘yilgan mavzular professor-o‘qituvchilar, ilmiy izlanuvchilar, talabalar tomonidan qizg‘in muhokama qilindi. Loyihalarni amalga oshirish, g‘oyalarni rivojlantirish,  iqtisodiy yechimlar bo‘yicha aniq takliflar bildirildi.

 

 

 

Uchrashuv so‘ngida Toshkent davlat iqtisodiyot universiteti rektori, professor Bahodir Xodiev talabalarni ulkan muvaffaqiyat bilan tabriklab, ularga maxsus statuetkalar, sertifikatlar va rag‘batlantiruvchi pul mukofotlarini topshirdi.

 

 

Ushbu tanlovni har o‘quv yilida 1 marotaba emas, 2-3 marotaba tashkil etish, bu jarayonlarga vazirliklar, qo‘mitalar, hokimliklar, tashkilotlar va ishlab chiqarish korxonalari vakillarini taklif etish maqsadga muvofiq ekanligini qayd etib o‘tdi. Shuningdek, shakllantirish, talabalarning ilmiy-innovatsion g‘oyalarga qiziqishlarini oshirish maqsadida barcha fakultetlarda kichik guruhlarni shakllantirish maqsadga muvofiqligini qayd etdi.

 

Oldin xabar berganimizdek, Toshkent davlat iqtisodiyot universitetida “Hududlarda investitsiyalarni keng joriy etish orqali ijtimoiy rivojlanishni ta’minlash yo‘llari” mavzusidagi talabalar ilmiy-amaliy anjumanining yalpi yig‘ilishi bo‘lib o‘tdi. Unda taqdim etilgan ma’ruzalar va fotolavhalar bilan quyida tanishtirib o‘tamiz.

 

 

Moderator: Mustofoqulov Sherzod Egamberdiyevich, Ilmiy ishlar va innovatsiyalar bo‘yicha prorektor

 

 

«Investitsiya – turizmni jadal rivojlantirishga qo‘yilgan dastlabki qadam»

Ma’ruzachi: Sa’dullayeva Saodat Xabibullaevna, Xalqaro turizm fakulteti, 2-kurs, TU-01guruh talabasi

Ilmiy rahbar: dotsent Hilola Ochilova

Ma’ruzani yuklab olish 👉 Investitsiya-turizmni jadal rivojlantirishga qo‘yilgan dastlabki qadam

 

 

«Выпуск корпоративных облигаций и их роль на финансовом рынке Узбекистана»

Ma’ruzachi: Ubaydullaev Ravshan Shavkat o‘g‘li, Korporativ boshqaruv fakulteti, 3-kurs, BD-33 guruh talabasi

Ilmiy rahbar: PhD. Do‘sqobilov Umidjon Sharofiddinovich

Ma’ruzani yuklab olish 👉 Выпуск корпоративных облигаций и их роль на финансовом рынке Узбекистана

 

 

«Importance of Big Data in Investment»

Ma’ruzachi: Axmadxujayev Ayubxon Akramxon o‘g‘li, Iqtisodiyot fakulteti, 3-kurs, EK-91guruh talabasi

Ilmiy rahbar: dotsent Asqarova Mavluda Turabovna

Ma’ruzani yuklab olish 👉 Importance of Big Data in Investment

 

 

«Ijtimoiy rivojlanishni ta’minlashda oilaviy tadbirkorlik imkoniyatlaridan foydalanish»

Ma’ruzachi: G‘aniyeva Zulfizar Murod qizi, Buxgalteriya hisobi va audit fakulteti, 3-kurs, ST-93 guruh talabasi

Ilmiy rahbar: dotsent Ayubjonov Abbos Xosilovich

Ma’ruzani yuklab olish 👉 Ijtimoiy rivojlanishni ta’minlashda oilaviy tadbirkorlik imkoniyatlaridan foydalanish

 

 

Основные направления развития цифровой экономики в Республике Узбекистан

Ma’ruzachi: Qurbonova Munisa Mamirjon qizi, Iqtisodiyotda axborot tizimlari fakulteti, 3-kurs, IIT-41guruh talabasi

Ilmiy rahbar: dotsent Jukovskaya Irina Yevgenovna

Ma’ruzani yuklab olish 👉 Основные направления развития Цифровой экономики в Республике Узбекистан

 

 

 

 

 

 

 

 

 

2019-yil 26-fevral kuni O‘zbekiston Xotin-qizlar qo‘mitasi, Toshkent davlat iqtisodiyot universiteti, Toshkent davlat yuridik universiteti va Toshkent moliya instituti hamkorligida “Xotin-qizlar ijtimoiy-siyosiy faolligini oshirish – mamlakatimizda amalga oshirilayotgan islohotlarning muhim omili” mavzusida respublika ilmiy-amaliy anjumani bo‘lib o‘tdi.

 

 

Tadbir “2017-2021 yillarda O‘zbekiston Respublikasini rivojlantirish-ning beshta ustuvor yo‘nalishi bo‘yicha Harakatlar strategiyasi”da belgilangan asosiy vazifalarni mantiqiy davom ettirish, O‘zbekiston Respublikasi Prezidentining 2018-yil 2-fevraldagi “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi farmoni ijrosini ta’minlash va “Faol investitsiyalar va ijtimoiy rivojlanish yili”da bajarilishi rejalashtirilgan vazifalarni amalga oshirishda xotin-qizlar faolligini ta’minlashga erishish maqsadida o‘tkazildi.

 

 

Respublika ilmiy-amaliy anjumanining maqsadi mamlakatda xotin-qizlarning ijtimoiy-siyosiy va sotsial faolligini oshirish, ularning turli soha va tarmoqlarda o‘z qobiliyat va imkoniyatlarini, oila barqarorligini mustahkamlashning ma’naviy-ma’rifiy, ijtimoiy, iqtisodiy va huquqiy asoslari yaratilganligidan kelib chiqib, xotin-qizlarning huquqiy manfaatlarini himoya qilish borasidagi mavjud muammolarning yechimini izlab topish, bunda olima va tadbirkor ayollarning alohida o‘rnini ko‘rsatishdan iboratdir.

 

 

Ilmiy-amaliy anjumanda Bosh vazir o‘rinbosari, Xotin-qizlar qo‘mitasi raisi p.f.n., dots. Tanzila Narbayeva, Sog‘liqni saqlash vaziri o‘rinbosari, tibbiyot fanlari doktori, professor Elmira Basitxanova, Toshkent shahar hokimi o‘rinbosari, Xotin-qizlar qo‘mitasi raisi, tibbiyot fanlari doktori, professor Dilbar Najmiddinova, Vazirlar Mahkamasi huzuridagi “Oila” ilmiy-amaliy tadqiqot markazi bo‘lim boshlig‘i Farida Abdurahimova, professor-o‘qituvchilar, talaba-qizlar, ilmiy tadqiqotchilar va Mahalla jamg‘armasining ma’naviy-ma’rifiy ishlar bo‘yicha mahalla maslahatchilari ishtirok etdi.

Ushbu anjuman munosabati bilan ilmiy xodimlar, oliy o‘quv yurtlarining professor-o‘qituvchilari, doktorant va mustaqil tadqiqotchilar, magistratura va bakalavriat talabalarining 150 dan ortiq maqola va tezislari to‘plam sifatida chop ettirildi.

 

 

Ilmiy-amaliy anjumanda Xotin-qizlarni qo‘llab-quvvatlashga doir davlat siyosatini amalga oshirishdagi muammo va yechimlar, innovatsion iqtisodiyotni rivojlantirishda olima va tadbirkor ayollarning o‘rni, oila barqarorligini mustahkamlashning ma’naviy-ma’rifiy, ijtimoiy, iqtisodiy va huquqiy asoslari, xotin-qizlarning huquqiy manfaatlarini himoya qilish va ularning mamlakat ijtimoiy-siyosiy hayotidagi roli, fan ta’lim integratsiyasini ta’minlashda xotin-qizlarning o‘rni, ilmiy va innovatsion faoliyatni rivojlantirishda tadqiqotchi xotin-qizlarning tutgan o‘rni kabi bir qator masalalar muhokama qilindi.

 

 

 

Ilmiy-amaliy anjumanning xulosasiga ko‘ra, mamlakatimizda xotin-qizlarning mavqyeini yanada yuksaltirish, ijtimoiy-siyosiy faolligini oshirish, yurtimizda olib borilayotgan islohotlarda ular faolligini ta’minlashning asosiy omili ta’lim va tarbiya uyg‘unligi bo‘lib, uning quyidagi bosqichlarini ko‘rsatib o‘tish mumkin ekanligi aytib o‘tildi va bunda:

Birinchidan, oilada ota-onalar tomonidan farzandlarga tarbiya berish jarayonida milliy va umuminsoniy qadriyatlar qatorida, ijtimoiy-siyosiy qadriyatlar xususida tushunchalar berib borish;

Ikkinchidan, maktabgacha ta’lim muassasalarida tarbiyalanuvchilar mamlakat siyosiy xayotining bo‘lajak ishtirokchilari ekanligi hissini uyg‘otuvchi uslublarning zamonaviy vositalaridan foydalanish;

Uchinchidan, umumiy o‘rta ta’lim maktab o‘quvchilariga ijtimoiy-siyosiy bilimlarga bo‘lgan ehtiyojini oshirishga yo‘naltirilgan fanlardan ta’lim berish;

To‘rtinchidan, oliy ta’lim va undan keyingi bosqichlarda siyosiy va huquqiy madaniyatni tadqiq etishga oid ilmiy-nazariy va amaliy faoliyatga rag‘bat berish, bunda ta’lim muassasalari va davlat tashkilotlari o‘rtasidagi hamkorlikni keng yo‘lga qo‘yish;

Beshinchidan, yosh qizlarning ma’naviy dunyoqarashini shakllantirishda madaniyat ob’ektlari (kino, teatr, muzey va h.k.) bilan cheklanib qolmasdan, ijtimoiy-siyosiy tadbirlarda, ularning ishtirokini ta’minlash, ushbu yo‘nalishlardagi munozara-debatlardagi faolligini oshirish;

Oltinchidan, mamlakatimizda olib borilayotgan islohotlarda xotin-qizlarning faol ishtirokini ta’minlash, yosh qizlarning jamiyatda sodir bo‘layotgan voqyea-hodisalarga daxldorlik tuyg‘usini shakllantirish ham ushbu yo‘nalishda olib borilayotgan ishlarimizning asosini tashkil etadi.

Yettinchidan, yoshlarni hayotga tayyorlash bo‘yicha yaratilgan ushbu tizim bilan jamoatchilik tashkilotlari o‘rtasida uzviy hamkorlik, yagona yondashuv tizimining yo‘qligi muammoning asosiy ildizini tashkil etadi. Shu sababli, mazkur yo‘nalishda, birinchi navbatda, yoshlarni hayotga tayyorlash bo‘yicha yagona Konsepsiyani ishlab chiqib, amaliyotga joriy qilish eng asosiy dolzarb vazifalardan biri bo‘lsa, oilalarni mustahkamlash, oilaviy qadriyatlarni saqlash va oilalardagi ijtimoiy-ma’naviy muhitni sog‘lomlashtirish borasida ham manzilli ishlashni tashkil etish, ajrim yoqasiga kelib qolgan oilalarni aniqlab olish va ularning muammolarini keng jamoatchilik vakillarini jalb etgan holda hal qilish ham muhim ahamiyat kasb etadi.

Sakkizinchidan, mahallalarda kichik ishlab chiqarish korxonalarini tashkil etish va bu korxonalarga uyda o‘tirgan ayollarni jalb etish orqali bandlikini ta’minlash, Toshkent shahrida norasmiy ravishda faoliyat yurituvchi xotin-qizlar soni juda ko‘pchilikni tashkil etgani sababli ularni rasmiylashtirish bo‘yicha byurolar tashkil etish. Bu byurolarning huquqiy asoslarini ishlab chiqish yuzasidan tegishli tashkilotlarga ko‘rsatmalar berish, har bir tumanda tashkil etilayotgan kichik sanoat zonalaridagi ishlab chiqarish korxonalariga shakllantirilgan ro‘yxatlardagi ishsiz xotin-qizlarni jalb etish kabi masalalar bo‘yicha takliflar berildi.

Milliy iqtisodiyotimizning raqobatbardoshligini oshirish hamda eksport salohiyatini mustahkamlashda mahsulotlar sifatini ta’minlash bo‘yicha xalqaro standartlarni joriy etish masalalari muhim ahamiyat kasb etadi. O‘zbekiston Respublikasi Prezidentining 2018 yil 12 dekabrdagi “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida”gi PQ-4059-sonli qarorida bu borada jiddiy chora-tadbirlarni amalga oshirish ko‘zda tutilgan va tizimni rivojlantirish bo‘yicha “yo‘l xaritasi” tasdiqlangan. Mazkur qarorda standartlashtirish sohasidagi normativ hujjatlarni xalqaro talablar bilan uyg‘unlashtirish darajasini hozirgi 10,7 foizdan 2023 yilga borib 80 foizga yetkazish ko‘zda tutilgan.

 

 

Iqtisodiyotning agrar va oziq-ovqat sektorlarida mahsulotlar sifati va xavfsizligiga qo‘yiladigan talablar alohida e’tibor talab qiladi. “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi”da yuqori sifatli va ekologik toza mahsulotlar ishlab chiqarishni kengaytirish, qishloq xo‘jaligi mahsulotlarining raqobatbardoshligini oshirish orqali mamlakat oziq-ovqat xavfsizligini yanada mustahkamlash va agrar sektorning eksport salohiyatini yuksaltirish masalalari ustuvor vazifalar sifatida belgilab berilgan.

 

 

Toshkent davlat iqtisodiyot universitetining Sanoat iqtisodiyoti kafedrasi tomonidan tashkil etilayotgan “Qishloq xo‘jaligi mahsulotlari raqobatbardoshligini oshirishda xalqaro standartlarni joriy etish: muammo va yechimlar” mavzusidagi ryespublika ilmiy-amaliy anjumani “Harakatlar strategiyasi”da belgilab berilgan mazkur dolzarb vazifalarning ilmiy-amaliy jihatlarini muhokama qilish asosida bu borada tegishli xulosalar va tavsiyalarni ishlab chiqishga bag‘ishlangan.

 

 

Ushbu anjuman ishida qishloq xo‘jaligi mahsulotlarini yetishtirish, qayta ishlash, saqlash va eksportga chiqarish tizimida xalqaro sifat standartlarni joriy etish masalalari bilan shug‘ullanuvchi davlat boshqaruvi organlari, mutasaddi tashkilotlarning rahbar va mutaxassislari, oliy ta’lim muassasalarining professor-o‘qituvchilari va ilmiy tadqiqotchilari, ilmiy-tadqiqot institutlari va markazlarining xodimlari ishtirok etmoqda. Jumladan, O‘zbekiston Respublikasi Oliy Majlisi Qonunchilik palatasining Sanoat, qurilish va savdo masalalari qo‘mitasi, Qishloq xo‘jaligi vazirligi, Standartlashtirish, metrologiya va sertifikatlashtirish agentligi – “O‘zstandart”, “O‘zbekoziqovqat” xolding kompaniyasi va Tadbirkorlik va fermerlikni qo‘llab-quvvatlash markazi anjuman ishida hamkor tashkilotlar sifatida ishtirok etib, uni yuqori saviyada tashkil etishga munosib hissa qo‘shmoqda.

 

 

Anjumanda quyidagi yo‘nalishlar bo‘yicha ilmiy ma’ruzalar muhokama qilindi:

“2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi” doirasida iqtisodiyotning real sektori tarmoqlarida xalqaro standartlarni joriy etishning ilmiy-amaliy asoslari;

qishloq xo‘jaligi mahsulotlarini yetishtirish, saqlash va qayta ishlash tizimi hamda oziq-ovqat sanoatida Global GAP va ISO 22 000 HACCP xalqaro sifat standartlarini joriy etish orqali mahsulotlar raqobatbardoshligini oshirish yo‘llari;

qishloq xo‘jaligi va oziq-ovqat sanoati tarmoqlarida xalqaro standartlarni joriy etishning mamlakat oziq-ovqat xavfsizligini mustahkamlashga ta’siri masalalari;

iqtisodiyotning real sektori mahsulotlari raqobatbardoshligini oshirish orqali eksport salohiyatini mustahkamlash va logistika tizimlarini rivojlantirish yo‘nalishlari.

 

 

Anjumanning yalpi majlisida sohaga oid yetakchi mutaxassis va olimlarning ilmiy ma’ruzalari tinglanadi va muhokama qilinadi. Kunning ikkinchi yarmida anjuman ishtirokchilari 4 ta sho‘baga bo‘lingan holda muhokamalarni davom ettirishdi.

Anjuman tahrir hay’atiga respublika oliy ta’lim muassasalari va kasb-hunar kollejlari professor o‘qituvchilari, ilmiy tadqiqotchilar va soha mutaxasislarining 150 dan ortiq ilmiy maqolalari hamda ma’ruza tezislari taqdim etilgan bo‘lib, ularning eng saralari to‘plam sifatida chop etilmoqda.

Anjuman ishi sermahsul, yuqori saviyada va qizg‘in bahs-munozaralar bilan o‘tmoqda. Anjuman yakuni bo‘yicha qaror qabul qilinib, muhokama qilingan masalalar yuzasidan tegishli davlat boshqaruvi organlari va tashkilotlarga taqdim etish uchun xulosa va tavsiyalar tayyorlanadi. Ular milliy iqtisodiyotimizning raqobatbardoshligini oshirish hamda “Harakatlar strategiyasi”da belgilangan vazifalar ijrosini ta’minlashga muayyan darajada o‘z hissasini qo‘shadi.

 

2018-yil 18-dekabr kuni Toshkent davlat iqtisodiyot universitetida «Qishloq xo‘jaligi mahsulotlari raqobatbardoshligini oshirishda xalqaro standartlarni joriy etish: muammo va yechimlar» mavzusida respublika ilmiy-amaliy anjumani bo‘lib o‘tadi.

Mazkur anjuman Sanoat iqtisodiyoti kafedrasi tomonidan «Xalqaro standartlarni joriy qilish orqali qishloq xo‘jaligi mahsulotlari raqobatbardoshligini oshirish uslubiyotini takomillashtirish» mavzusidagi OT-F1-161 fundamental tadqiqot loyihasi doirasida tashkil etilmoqda.

Tadbirda O‘zbekiston Respublikasi Oliy Majlisi Qonunchilik palatasi deputatlari, Fanlar akademiyasi akademiklari, Qishloq va suv xo‘jaligida standartlashtirish markazi, Tadbirkorlik va fermerlikni qo‘llab-quvvatlash markazi, “O‘zbekoziqovqat” xolding kompaniyasi, Standartlashtirish metrologiya va sertifikatlashtirish bo‘yicha malaka oshirish markazi mutaxassislari, professor-o‘qituvchilar, ilmiy tadqiotchilar va talaba-yoshlar ishtirok etadi.

Respublika ilmiy-amaliy anjumani yalpi majlisidan so‘ng quyidagi mavzularda 4 ta sho‘’ba faoliyat yuritishi belgilangan:

Iqtisodiyotning real sektori tarmoqlarida xalqaro standartlarni joriy etishning ilmiy-amaliy asoslari;

Qishloq xo‘jaligi mahsulotlarini yetishtirish, saqlash va qayta ishlash tizimida hamda oziq-ovqat sanoatida Global GAP va ISO 22 000 HACCP xalqaro sifat standartlarini joriy etish orqali mahsulotlar raqobatbardoshligini oshirish yo‘llari;

Qishloq xo‘jaligi va oziq-ovqat sanoati tarmoqlarida xalqaro standartlarni joriy etishning mamlakat oziq-ovqat xavfsizligini mustahkamlashga ta’siri masalalari;

Iqtisodiyotning real sektori mahsulotlari raqobatbardoshligini oshirish orqali eksport salohiyatini mustahkamlash va logistika tizimlarini rivojlantirish yo‘nalishlari.

Tadbir 2018-yil 18-dekabr kuni soat 10:00da Toshkent davlat iqtisodiyot universiteti 2-bino majlislar zalida boshlanadi.

 

 

Oldin xabar berganimizdek, poytaxtimizdagi Tashkent Hyatt Regency mehmonxonasida “Mehnat sohasi istiqboli: Xalqaro mehnat tashkilotining 100 yilligi arafasida munosib bandlikni ta’minlashga qaratilgan sa’y-harakatlar” mavzusidagi xalqaro konferensiyaning dastlabki yalpi majlisi bo‘lib o‘tdi.

 

 

Konferensiya kun tartibidan aholi bandligini ta’minlash, munosib ish o‘rinlarini yaratish, ijtimoiy himoya va xavfsiz mehnat migratsiyasi tizimini yanada takomillashtirish kabi dolzarb masalalar o‘rin olgan.

Xususan, “Munosib mehnat, bandlik va XMTning mehnat sohasi istiqboliga oid asosiy mezonlari” mavzusida o‘tkazilgan birinchi yalpi majlisda Xalqaro mehnat tashkilotining “Uchinchi tomon monitoringi” faoliyati doirasida amalga oshirilgan ishlar, jumladan, bolalar mehnati va majburiy mehnatga qarshi kurashish, norasmiy bandlikni muvofiqlashtirish, aholining ishsiz qatlamini, ayniqsa, ayollar va yoshlarni munosib ish o‘rinlari bilan ta’minlash va bu borada XMT bilan faol hamkorlik aloqalarini davom ettirish singari dolzarb masalalar xususida fikrlar bildirildi.

 

 

Majlisning asosiy spikerlari sifatida O‘zbekiston Respublikasi Bosh vaziri o‘rinbosari Tanzila Norboeva, Afg‘oniston Islom Respublikasi Mehnat, ijtimoiy ta’minot va nogironlar ta’minoti vaziri Fayzulloh Zaki, XMTning yevropa va Markaziy Osiyo mamlakatlari Mintaqaviy byurosi direktori Xayns Kyoller va O‘zbekiston Respublikasi Bandlik va mehnat munosabatlari vazirining birinchi o‘rinbosari Erkin Muhitdinov ishtirok etdi. Majlisda moderatorlik vazifasini O‘zbekiston Respublikasi Bandlik va mehnat munosabatlari vaziri Sherzod Kudbiev bajardi.

 

 

Konferetsiyaning «Munosib mehnat va aholini ish bilan bandligi» seksiyasida «O‘zbekiston yoshlarini munosib ish bilan band qilishi strategiyasi» mavzusida Toshkent davlat iqtisodiyot universitetining Mehnat iqtisodiyoti va sotsiologiyasi kafedrasi mudiri i.f.d., prof. Gulnora Abdurahmonova ma’ruza qildi.

O‘zbekistonning mehnat sohasi bo‘yicha yangi bosqichga ko‘tarilishida mazkur xalqaro konferensiyaning muhim odim bo‘lishi kutilmoqda.

2018-yil 9-dekabr kuni O‘zbekiston Respublikasi Moliya vazirligi hamda Toshkent davlat iqtisodiyot universiteti tomonidan xalqaro ilmiy-amaliy anjuman tashkil etildi.

 

 

“Iqtisodiyotning globallashuvi sharoitida buxgalteriya hisobi va auditni takomillashtirish: nazariya, amaliyot, istiqbol” mavzusida o‘tkazilgan anjumanda Rossiya, Qozog‘iston va Qirg‘izistondagi buxgalteriya hisobi va audit sohasining yetakchi mutaxassislari, shuningdek, xalqaro auditorlik kompaniyalari vakillari, olimlar, professor-o‘qituvchilar, ilmiy izlanuvchilar va talabalar ishtirok etdi.

 

 

Anjumanning asosiy maqsadi 2018-yildagi audit xizmatlari bozori natijalarini tahlil qilgan holda, 2019-yilda auditorlik faoliyatining kelajakdagi rivojlantirish yo‘nalishlarini aniqlash, shuningdek, Rossiya auditining xalqaro standartlarini qo‘llash amaliyotini o‘rganishdir.

 

 

Ilmiy anjumanda M. Lomonosov nomidagi Moskva davlat universiteti professori, Rossiya Federatsiyasida xizmat ko‘rsatgan fan arbobi, “Auditorlar hamdo‘stligi assotsiatsiyasi” raisi A.D. Sheremet Buxgalteriya, tahlil va auditorlik muammolarini minimallashtirish bo‘yicha mahorat darsi o‘tkazdi.

 

 

Taqdim etilgan ma’ruzalar va taqdimotlarlarda ko‘rilgan mavzular ishtirokchilar tomonidan keng muhokama qilindi, buxgalteriya hisobi, tahlil va audit sohasida amaliy takliflar o‘rtaga tashlandi.

 

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq ishlab chiqilayotgan maqsadli dasturlar mamlakatimiz aholisining hayot mamlakatimiz aholisining hayotdarajasi va sifatini yanada oshirishni ta’minlashga qaratilgan. Bu dasturlarni amaliyotga tatbiq etishda avvalo, iqtisodiyotning fundamental asosini tashkil etuvchi marketing tizimidan yuqori saviyada foydalangandagina o‘z samarasini beradi.

 

 

Bugungi kundagi innovatsion va raqamli iqtisodiyot davrida marketing tizimida katta o‘zgarishlar kuzatilmoqda. Soha mutaxassislari “yangi iqtisodiyot” sharoitida korxonalar marketing maqsadlari va usullari haqidagi tasavvurlarini qayta ko‘rib chiqishlari lozim demoqdalar. Marketingning kechagi yutuqli strategiyalari bugun o‘z dolzarbligini yo‘qotmoqda.

Bozor muhitidagi doimiy o‘zgarishlar?marketing uchun xavf-xatar emas, uning hayotiga aylanmoqda. Bu esa o‘z navbatida mamlakatimizda ishlab chiqarilayotgan milliy tovarlar raqobatbardoshligini oshirishda zamonaviy marketing konsepsiyalaridan samarali foydalanishni taqazo etmoqda.

Shu sohada mavjud bo‘lgan muammolarni o‘rganish va ularni hal etish bo‘yicha ilmiy-amaliy taklif va tavsiyalar ishlab chiqish maqsadida Toshkent davlat iqtisodiyot universitetining Marketing kafedrasi tomonidan “Milliy tovarlar raqobatbardoshligini oshirishda zamonaviy marketing konsepsiyalaridan foydalanish” mavzuidagi Respublika ilmiy-amaliy konferensiyasi tashkil etildi.

 

 

Mazkur konferensiyada zamonaviy marketing tizimi asosida milliy tovarlar raqobatbardoshligini oshirish, ichki va tashqi bozorlarni iste’mol tovarlari bilan to‘ldirishda innovatsion marketing strategiyalaridan foydalanish, kichik sanoat zonalarini tashkil etishda marketing tadqiqotlari o‘tkazish, eksportbop tayyor mahsulotlar ishlab chiqarishda zamonaviy marketing konsepsiyalaridan foydalanishni takomillashtirishkabi masalalar muhokama qilinadi.

Ilmiy-amaliy konferensiyanio‘tkazish uchun asos bo‘lib, O‘zbekiston Respublikasi Prezidenti farmonlari, qarorlari, Vazirlar Mahkamasi qarorlari, farmoyishlari va boshqa harakatdagi me’yoriy hujjatlar hisoblanadi.

 

Konferensiyaning ilmiy yo‘nalishi, maqsadi va vazifalari

Milliy tovarlar raqobatbardoshligini oshirishda zamonaviy marketing konsepsiyalaridan foydalanishborasidagi muammolarni o‘rganish konferensiyaning ilmiy yo‘nalishibo‘lib hisoblanadi. Konferensiyaning maqsadi marketing tizimi asosida bozorni o‘rganish, tashqi bozorlarga chiqish, uning asnosida xalqaro munosabatlarni o‘rnatish hamda eksportbop mahsulot ishlab chiqarishbo‘yicha zamonaviy marketing faoliyatini takomillashtirish va samaradorligini oshirishning ustuvor yo‘nalishlari borasida fikr almashish, mushohada yuritish, ilmiy-amaliy taklif va tavsiyalar ishlab chiqishdan iborat.

 

Muhokama qilinadigan masalalar:

zamonaviy marketing konsepsiyalaridan foydalanishning nazariy, uslubiy va amaliy masalalari;

milliy tovarlar raqobatbardoshligini oshirishda marketing tadqiqotlaridan foydalanish yo‘llari;

milliy tovarlar raqobatbardoshligini oshirish bo‘yicha marketing strategiyalarini ishlab chiqish;

ichki va tashqi bozorlarda tovarlar raqobatbardoshligini oshirish bo‘yicha innovatsion marketing strategiyalarini ishlab chiqish.

 

Konferensiyadan kutilayotgan natija

Konferensiyadan kutilayotgan ilmiy-amaliy natija zamonaviy marketing konsepsiyalaridan foydalanishning nazariy, uslubiy va amaliy masalalari, milliy tovarlar raqobatbardoshligini oshirishda marketing tadqiqotlaridan foydalanish yo‘llari, milliy tovarlar raqobatbardoshligini oshirish bo‘yicha marketing strategiyalarini ishlab chiqish, ichki va tashqi bozorlarda tovarlar raqobatbardoshligini oshirish bo‘yicha innovatsion marketing strategiyalarini ishlab chiqishborasida ilmiy asoslangan taklif va tavsiyalar ishlab chiqishdan iborat.

 

Konferensiyadan kutilayotgan ijtimoiy natija

Milliy tovarlar raqobatbardoshligini oshirishda zamonaviy marketing konsepsiyalaridan foydalanishborasida ishlab chiqilgan ilmiy taklif hamda amaliy tavsiyalar mamlakatimizdagi ishlab chiqarish va xizmat ko‘rsatish korxonalari salohiyatini yanada oshirishga, korxonalarda to‘laqonli raqobat muhitini rivojlantirishga, mamlakat aholisining iste’mol tovarlari va xizmatlariga bo‘lgan talabini yanada to‘laroq qondirishga hamda ularni turmush farovonligini oshirishgaxizmat qiladi.

 

Respublika ilmiy-amaliy konferensiyasi taqdimotlari:

👉 NOXALOL REKLAMA qonunchilik, amaliyot va iste’molchilar huquqlarini himoya qilish

👉 Стратегия развития отрасли на период 2019-2021 годы

👉 Международный маркетинг Российских малых и средних инновационных предприятий

👉 Перспективы сотрудничества в пищевой отрасли