YANGILIKLAR

Bo'lim: Konferensiyalar

Milliy iqtisodiyotimizning raqobatbardoshligini oshirish hamda eksport salohiyatini mustahkamlashda mahsulotlar sifatini ta’minlash bo‘yicha xalqaro standartlarni joriy etish masalalari muhim ahamiyat kasb etadi. O‘zbekiston Respublikasi Prezidentining 2018 yil 12 dekabrdagi “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida”gi PQ-4059-sonli qarorida bu borada jiddiy chora-tadbirlarni amalga oshirish ko‘zda tutilgan va tizimni rivojlantirish bo‘yicha “yo‘l xaritasi” tasdiqlangan. Mazkur qarorda standartlashtirish sohasidagi normativ hujjatlarni xalqaro talablar bilan uyg‘unlashtirish darajasini hozirgi 10,7 foizdan 2023 yilga borib 80 foizga yetkazish ko‘zda tutilgan.

 

 

Iqtisodiyotning agrar va oziq-ovqat sektorlarida mahsulotlar sifati va xavfsizligiga qo‘yiladigan talablar alohida e’tibor talab qiladi. “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi”da yuqori sifatli va ekologik toza mahsulotlar ishlab chiqarishni kengaytirish, qishloq xo‘jaligi mahsulotlarining raqobatbardoshligini oshirish orqali mamlakat oziq-ovqat xavfsizligini yanada mustahkamlash va agrar sektorning eksport salohiyatini yuksaltirish masalalari ustuvor vazifalar sifatida belgilab berilgan.

 

 

Toshkent davlat iqtisodiyot universitetining Sanoat iqtisodiyoti kafedrasi tomonidan tashkil etilayotgan “Qishloq xo‘jaligi mahsulotlari raqobatbardoshligini oshirishda xalqaro standartlarni joriy etish: muammo va yechimlar” mavzusidagi ryespublika ilmiy-amaliy anjumani “Harakatlar strategiyasi”da belgilab berilgan mazkur dolzarb vazifalarning ilmiy-amaliy jihatlarini muhokama qilish asosida bu borada tegishli xulosalar va tavsiyalarni ishlab chiqishga bag‘ishlangan.

 

 

Ushbu anjuman ishida qishloq xo‘jaligi mahsulotlarini yetishtirish, qayta ishlash, saqlash va eksportga chiqarish tizimida xalqaro sifat standartlarni joriy etish masalalari bilan shug‘ullanuvchi davlat boshqaruvi organlari, mutasaddi tashkilotlarning rahbar va mutaxassislari, oliy ta’lim muassasalarining professor-o‘qituvchilari va ilmiy tadqiqotchilari, ilmiy-tadqiqot institutlari va markazlarining xodimlari ishtirok etmoqda. Jumladan, O‘zbekiston Respublikasi Oliy Majlisi Qonunchilik palatasining Sanoat, qurilish va savdo masalalari qo‘mitasi, Qishloq xo‘jaligi vazirligi, Standartlashtirish, metrologiya va sertifikatlashtirish agentligi – “O‘zstandart”, “O‘zbekoziqovqat” xolding kompaniyasi va Tadbirkorlik va fermerlikni qo‘llab-quvvatlash markazi anjuman ishida hamkor tashkilotlar sifatida ishtirok etib, uni yuqori saviyada tashkil etishga munosib hissa qo‘shmoqda.

 

 

Anjumanda quyidagi yo‘nalishlar bo‘yicha ilmiy ma’ruzalar muhokama qilindi:

“2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi” doirasida iqtisodiyotning real sektori tarmoqlarida xalqaro standartlarni joriy etishning ilmiy-amaliy asoslari;

qishloq xo‘jaligi mahsulotlarini yetishtirish, saqlash va qayta ishlash tizimi hamda oziq-ovqat sanoatida Global GAP va ISO 22 000 HACCP xalqaro sifat standartlarini joriy etish orqali mahsulotlar raqobatbardoshligini oshirish yo‘llari;

qishloq xo‘jaligi va oziq-ovqat sanoati tarmoqlarida xalqaro standartlarni joriy etishning mamlakat oziq-ovqat xavfsizligini mustahkamlashga ta’siri masalalari;

iqtisodiyotning real sektori mahsulotlari raqobatbardoshligini oshirish orqali eksport salohiyatini mustahkamlash va logistika tizimlarini rivojlantirish yo‘nalishlari.

 

 

Anjumanning yalpi majlisida sohaga oid yetakchi mutaxassis va olimlarning ilmiy ma’ruzalari tinglanadi va muhokama qilinadi. Kunning ikkinchi yarmida anjuman ishtirokchilari 4 ta sho‘baga bo‘lingan holda muhokamalarni davom ettirishdi.

Anjuman tahrir hay’atiga respublika oliy ta’lim muassasalari va kasb-hunar kollejlari professor o‘qituvchilari, ilmiy tadqiqotchilar va soha mutaxasislarining 150 dan ortiq ilmiy maqolalari hamda ma’ruza tezislari taqdim etilgan bo‘lib, ularning eng saralari to‘plam sifatida chop etilmoqda.

Anjuman ishi sermahsul, yuqori saviyada va qizg‘in bahs-munozaralar bilan o‘tmoqda. Anjuman yakuni bo‘yicha qaror qabul qilinib, muhokama qilingan masalalar yuzasidan tegishli davlat boshqaruvi organlari va tashkilotlarga taqdim etish uchun xulosa va tavsiyalar tayyorlanadi. Ular milliy iqtisodiyotimizning raqobatbardoshligini oshirish hamda “Harakatlar strategiyasi”da belgilangan vazifalar ijrosini ta’minlashga muayyan darajada o‘z hissasini qo‘shadi.

 

2018-yil 18-dekabr kuni Toshkent davlat iqtisodiyot universitetida «Qishloq xo‘jaligi mahsulotlari raqobatbardoshligini oshirishda xalqaro standartlarni joriy etish: muammo va yechimlar» mavzusida respublika ilmiy-amaliy anjumani bo‘lib o‘tadi.

Mazkur anjuman Sanoat iqtisodiyoti kafedrasi tomonidan «Xalqaro standartlarni joriy qilish orqali qishloq xo‘jaligi mahsulotlari raqobatbardoshligini oshirish uslubiyotini takomillashtirish» mavzusidagi OT-F1-161 fundamental tadqiqot loyihasi doirasida tashkil etilmoqda.

Tadbirda O‘zbekiston Respublikasi Oliy Majlisi Qonunchilik palatasi deputatlari, Fanlar akademiyasi akademiklari, Qishloq va suv xo‘jaligida standartlashtirish markazi, Tadbirkorlik va fermerlikni qo‘llab-quvvatlash markazi, “O‘zbekoziqovqat” xolding kompaniyasi, Standartlashtirish metrologiya va sertifikatlashtirish bo‘yicha malaka oshirish markazi mutaxassislari, professor-o‘qituvchilar, ilmiy tadqiotchilar va talaba-yoshlar ishtirok etadi.

Respublika ilmiy-amaliy anjumani yalpi majlisidan so‘ng quyidagi mavzularda 4 ta sho‘’ba faoliyat yuritishi belgilangan:

Iqtisodiyotning real sektori tarmoqlarida xalqaro standartlarni joriy etishning ilmiy-amaliy asoslari;

Qishloq xo‘jaligi mahsulotlarini yetishtirish, saqlash va qayta ishlash tizimida hamda oziq-ovqat sanoatida Global GAP va ISO 22 000 HACCP xalqaro sifat standartlarini joriy etish orqali mahsulotlar raqobatbardoshligini oshirish yo‘llari;

Qishloq xo‘jaligi va oziq-ovqat sanoati tarmoqlarida xalqaro standartlarni joriy etishning mamlakat oziq-ovqat xavfsizligini mustahkamlashga ta’siri masalalari;

Iqtisodiyotning real sektori mahsulotlari raqobatbardoshligini oshirish orqali eksport salohiyatini mustahkamlash va logistika tizimlarini rivojlantirish yo‘nalishlari.

Tadbir 2018-yil 18-dekabr kuni soat 10:00da Toshkent davlat iqtisodiyot universiteti 2-bino majlislar zalida boshlanadi.

 

 

Oldin xabar berganimizdek, poytaxtimizdagi Tashkent Hyatt Regency mehmonxonasida “Mehnat sohasi istiqboli: Xalqaro mehnat tashkilotining 100 yilligi arafasida munosib bandlikni ta’minlashga qaratilgan sa’y-harakatlar” mavzusidagi xalqaro konferensiyaning dastlabki yalpi majlisi bo‘lib o‘tdi.

 

 

Konferensiya kun tartibidan aholi bandligini ta’minlash, munosib ish o‘rinlarini yaratish, ijtimoiy himoya va xavfsiz mehnat migratsiyasi tizimini yanada takomillashtirish kabi dolzarb masalalar o‘rin olgan.

Xususan, “Munosib mehnat, bandlik va XMTning mehnat sohasi istiqboliga oid asosiy mezonlari” mavzusida o‘tkazilgan birinchi yalpi majlisda Xalqaro mehnat tashkilotining “Uchinchi tomon monitoringi” faoliyati doirasida amalga oshirilgan ishlar, jumladan, bolalar mehnati va majburiy mehnatga qarshi kurashish, norasmiy bandlikni muvofiqlashtirish, aholining ishsiz qatlamini, ayniqsa, ayollar va yoshlarni munosib ish o‘rinlari bilan ta’minlash va bu borada XMT bilan faol hamkorlik aloqalarini davom ettirish singari dolzarb masalalar xususida fikrlar bildirildi.

 

 

Majlisning asosiy spikerlari sifatida O‘zbekiston Respublikasi Bosh vaziri o‘rinbosari Tanzila Norboeva, Afg‘oniston Islom Respublikasi Mehnat, ijtimoiy ta’minot va nogironlar ta’minoti vaziri Fayzulloh Zaki, XMTning yevropa va Markaziy Osiyo mamlakatlari Mintaqaviy byurosi direktori Xayns Kyoller va O‘zbekiston Respublikasi Bandlik va mehnat munosabatlari vazirining birinchi o‘rinbosari Erkin Muhitdinov ishtirok etdi. Majlisda moderatorlik vazifasini O‘zbekiston Respublikasi Bandlik va mehnat munosabatlari vaziri Sherzod Kudbiev bajardi.

 

 

Konferetsiyaning «Munosib mehnat va aholini ish bilan bandligi» seksiyasida «O‘zbekiston yoshlarini munosib ish bilan band qilishi strategiyasi» mavzusida Toshkent davlat iqtisodiyot universitetining Mehnat iqtisodiyoti va sotsiologiyasi kafedrasi mudiri i.f.d., prof. Gulnora Abdurahmonova ma’ruza qildi.

O‘zbekistonning mehnat sohasi bo‘yicha yangi bosqichga ko‘tarilishida mazkur xalqaro konferensiyaning muhim odim bo‘lishi kutilmoqda.

2018-yil 9-dekabr kuni O‘zbekiston Respublikasi Moliya vazirligi hamda Toshkent davlat iqtisodiyot universiteti tomonidan xalqaro ilmiy-amaliy anjuman tashkil etildi.

 

 

“Iqtisodiyotning globallashuvi sharoitida buxgalteriya hisobi va auditni takomillashtirish: nazariya, amaliyot, istiqbol” mavzusida o‘tkazilgan anjumanda Rossiya, Qozog‘iston va Qirg‘izistondagi buxgalteriya hisobi va audit sohasining yetakchi mutaxassislari, shuningdek, xalqaro auditorlik kompaniyalari vakillari, olimlar, professor-o‘qituvchilar, ilmiy izlanuvchilar va talabalar ishtirok etdi.

 

 

Anjumanning asosiy maqsadi 2018-yildagi audit xizmatlari bozori natijalarini tahlil qilgan holda, 2019-yilda auditorlik faoliyatining kelajakdagi rivojlantirish yo‘nalishlarini aniqlash, shuningdek, Rossiya auditining xalqaro standartlarini qo‘llash amaliyotini o‘rganishdir.

 

 

Ilmiy anjumanda M. Lomonosov nomidagi Moskva davlat universiteti professori, Rossiya Federatsiyasida xizmat ko‘rsatgan fan arbobi, “Auditorlar hamdo‘stligi assotsiatsiyasi” raisi A.D. Sheremet Buxgalteriya, tahlil va auditorlik muammolarini minimallashtirish bo‘yicha mahorat darsi o‘tkazdi.

 

 

Taqdim etilgan ma’ruzalar va taqdimotlarlarda ko‘rilgan mavzular ishtirokchilar tomonidan keng muhokama qilindi, buxgalteriya hisobi, tahlil va audit sohasida amaliy takliflar o‘rtaga tashlandi.

 

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq ishlab chiqilayotgan maqsadli dasturlar mamlakatimiz aholisining hayot mamlakatimiz aholisining hayotdarajasi va sifatini yanada oshirishni ta’minlashga qaratilgan. Bu dasturlarni amaliyotga tatbiq etishda avvalo, iqtisodiyotning fundamental asosini tashkil etuvchi marketing tizimidan yuqori saviyada foydalangandagina o‘z samarasini beradi.

 

 

Bugungi kundagi innovatsion va raqamli iqtisodiyot davrida marketing tizimida katta o‘zgarishlar kuzatilmoqda. Soha mutaxassislari “yangi iqtisodiyot” sharoitida korxonalar marketing maqsadlari va usullari haqidagi tasavvurlarini qayta ko‘rib chiqishlari lozim demoqdalar. Marketingning kechagi yutuqli strategiyalari bugun o‘z dolzarbligini yo‘qotmoqda.

Bozor muhitidagi doimiy o‘zgarishlar?marketing uchun xavf-xatar emas, uning hayotiga aylanmoqda. Bu esa o‘z navbatida mamlakatimizda ishlab chiqarilayotgan milliy tovarlar raqobatbardoshligini oshirishda zamonaviy marketing konsepsiyalaridan samarali foydalanishni taqazo etmoqda.

Shu sohada mavjud bo‘lgan muammolarni o‘rganish va ularni hal etish bo‘yicha ilmiy-amaliy taklif va tavsiyalar ishlab chiqish maqsadida Toshkent davlat iqtisodiyot universitetining Marketing kafedrasi tomonidan “Milliy tovarlar raqobatbardoshligini oshirishda zamonaviy marketing konsepsiyalaridan foydalanish” mavzuidagi Respublika ilmiy-amaliy konferensiyasi tashkil etildi.

 

 

Mazkur konferensiyada zamonaviy marketing tizimi asosida milliy tovarlar raqobatbardoshligini oshirish, ichki va tashqi bozorlarni iste’mol tovarlari bilan to‘ldirishda innovatsion marketing strategiyalaridan foydalanish, kichik sanoat zonalarini tashkil etishda marketing tadqiqotlari o‘tkazish, eksportbop tayyor mahsulotlar ishlab chiqarishda zamonaviy marketing konsepsiyalaridan foydalanishni takomillashtirishkabi masalalar muhokama qilinadi.

Ilmiy-amaliy konferensiyanio‘tkazish uchun asos bo‘lib, O‘zbekiston Respublikasi Prezidenti farmonlari, qarorlari, Vazirlar Mahkamasi qarorlari, farmoyishlari va boshqa harakatdagi me’yoriy hujjatlar hisoblanadi.

 

Konferensiyaning ilmiy yo‘nalishi, maqsadi va vazifalari

Milliy tovarlar raqobatbardoshligini oshirishda zamonaviy marketing konsepsiyalaridan foydalanishborasidagi muammolarni o‘rganish konferensiyaning ilmiy yo‘nalishibo‘lib hisoblanadi. Konferensiyaning maqsadi marketing tizimi asosida bozorni o‘rganish, tashqi bozorlarga chiqish, uning asnosida xalqaro munosabatlarni o‘rnatish hamda eksportbop mahsulot ishlab chiqarishbo‘yicha zamonaviy marketing faoliyatini takomillashtirish va samaradorligini oshirishning ustuvor yo‘nalishlari borasida fikr almashish, mushohada yuritish, ilmiy-amaliy taklif va tavsiyalar ishlab chiqishdan iborat.

 

Muhokama qilinadigan masalalar:

zamonaviy marketing konsepsiyalaridan foydalanishning nazariy, uslubiy va amaliy masalalari;

milliy tovarlar raqobatbardoshligini oshirishda marketing tadqiqotlaridan foydalanish yo‘llari;

milliy tovarlar raqobatbardoshligini oshirish bo‘yicha marketing strategiyalarini ishlab chiqish;

ichki va tashqi bozorlarda tovarlar raqobatbardoshligini oshirish bo‘yicha innovatsion marketing strategiyalarini ishlab chiqish.

 

Konferensiyadan kutilayotgan natija

Konferensiyadan kutilayotgan ilmiy-amaliy natija zamonaviy marketing konsepsiyalaridan foydalanishning nazariy, uslubiy va amaliy masalalari, milliy tovarlar raqobatbardoshligini oshirishda marketing tadqiqotlaridan foydalanish yo‘llari, milliy tovarlar raqobatbardoshligini oshirish bo‘yicha marketing strategiyalarini ishlab chiqish, ichki va tashqi bozorlarda tovarlar raqobatbardoshligini oshirish bo‘yicha innovatsion marketing strategiyalarini ishlab chiqishborasida ilmiy asoslangan taklif va tavsiyalar ishlab chiqishdan iborat.

 

Konferensiyadan kutilayotgan ijtimoiy natija

Milliy tovarlar raqobatbardoshligini oshirishda zamonaviy marketing konsepsiyalaridan foydalanishborasida ishlab chiqilgan ilmiy taklif hamda amaliy tavsiyalar mamlakatimizdagi ishlab chiqarish va xizmat ko‘rsatish korxonalari salohiyatini yanada oshirishga, korxonalarda to‘laqonli raqobat muhitini rivojlantirishga, mamlakat aholisining iste’mol tovarlari va xizmatlariga bo‘lgan talabini yanada to‘laroq qondirishga hamda ularni turmush farovonligini oshirishgaxizmat qiladi.

 

Respublika ilmiy-amaliy konferensiyasi taqdimotlari:

👉 NOXALOL REKLAMA qonunchilik, amaliyot va iste’molchilar huquqlarini himoya qilish

👉 Стратегия развития отрасли на период 2019-2021 годы

👉 Международный маркетинг Российских малых и средних инновационных предприятий

👉 Перспективы сотрудничества в пищевой отрасли

2018-yil 16-noyabr kuni “Talaba-yoshlar tarbiyasida innovatsion yondashuv: tarbiyaning yangi metodlari va unda axborot kommunikatsion texnologiyalarning o‘rni” mavzusida respublika ilmiy-amaliy konferensiyasi o‘tkazildi.

 

 

Mazkur konferensiya 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid davlat dasturida belgilangan vazifalardan kelib chiqqan holda tashkil etildi.

 

 

Konferensiyani o‘tkazishdan maqsad – globallashuv jarayonlari va axborot asrida yoshlar ijtimoiy-siyosiy faolligini oshirishning ma’naviy-ma’rifiy va g‘oyaviy jihatlari, hozirgi davrda yoshlar axloqini yuksaltirish muammolari, ma’naviy-ma’rifiy tadbirlar o‘tkazishning samarali shakl va usullari haqida fikr almashish hamda ilmiy-amaliy taklif va tavsiyalar ishlab chiqishdir.

 

 

Konferensiyada O‘zbekiston Respublikasi Prezidentining “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi qarori jamiyatimizda oliy ma’lumotli kadrlarni tayyorlashning sifatini tubdan yaxshilashga, xalqaro standartlar darajasida ta’lim berish, OTMlarining moddiy-texnik bazasining zamon talablariga ko‘ra mustahkamlanishiga asos bo‘lishi haqida fikrlar bildirildi.

 

 

Konferensiya nihoyasida tinglangan ma’ruzalar bo‘yicha muhokama o‘tkazilib, bunday ilmiy-amaliy konferensiyalarni an’anaviy tarzda tashkil qilish maqsadli ekanligi ta’kidlandi.

2018-yil 14-noyabr kuni Toshkent davlat iqtisodiyot universitetida “Iqtisodiyotni modernizatsiyalash va diversifikatsiyalash jarayonida ishlab chiqarish xarajatlarini kamaytirishning metodologik asoslari” mavzusidagi respublika ilmiy-amaliy anjumani bo‘lib o‘tdi.

Ta’kidlanganidek, amalga oshirilayotgan ishlab chiqarish va xizmat ko‘rsatish sohalarini innovatsion rivojlantirish, modernizatsiyalashning yaratilgan tovarlar va xizmatlar bir birligiga sarflangan xarajatlar miqdori va tarkibiga ta’siri turli ekologik sharoitdagi korxonalarda turlicha bo‘ladi. Bu yo‘nalishlarni tadqiq qilish o‘ta dolzarb masala bo‘lib, juda katta ilmiy, uslubiy va amaliy ahamiyatga ega. Chunki, bunday tadqiqot ishlab chiqarish xarajatlarining optimal miqdorini mukammal tarkibini, modernizatsiya jarayonlarining ularga bo‘lgan ta’sirini aniqlash, xarajatlarni tejab miqdorini kamaytirish yo‘llarini belgilash imkonini beradi, deb o‘ylaymiz. Bularning barchasi mazkur anjuman mavzusining o‘ta dolzarbligidan dalolat beradi.

Anjumanning ilmiy yo‘nalishi ishlab chiqarishni modernizatsiyalash jarayonida xarajatlar miqdori va tarkibining o‘zgarish tamoyillarini, ularga ta’sir etuvchi sabablar, omillarni, turli hudud va xo‘jaliklarda xarajatlar shakllanishining xususiyatlarini aniqlab, xarajatlar umumiy hajmini va mahsulotning har bir birligiga to‘g‘ri keladigan miqdorini pasaytirish yo‘llari bo‘yicha ilmiy taklif va amaliy tavsiyalar ishlab chiqishdan iborat.

Ilmiy-amaliy anjumanda quyidagi masalalar muhokama qilindi:

iqtisodiyotni modernizatsiyalash va diversifikatsiyalash jarayonida ishlab chiqarish xarajatlarini kamaytirishning nazariy jihatlari;

fan-texnika taraqqiyoti yangiliklari va innovatsion texnologiyalarni qo‘llash asosida ishlab chiqarish xarajatlari tarkibini takomillashtirishning asosiy yo‘nalishlari;

mavjud iqtisodiy resurslardan samarali foydalanish asosida ishlab chiqarish xarajatlarini kamaytirish yo‘nalishlari;

Xizmat ko‘rsatish jarayonida xarajatlarni kamaytirish yo‘llari.

Anjumandan kutilayotgan ilmiy-amaliy natija:

ilk bor mustaqillik yillarida mamlakatimizda ishlab chiqarishni modernizatsiyalash jarayonida xarajatlar miqdori va tarkibining o‘zgarishini tadqiq qilishga harakat qilinmoqda;

ishlab chiqarish xarajatlarining hozirgi davrdagi mazmuni, turlari va tarkibi aniqlanib ko‘rsatiladi;

ishlab chiqarishni modernizatsiyalash jarayonlarining amalga oshirilish holati tahlil qilinib, ularning darajasi aniqlanadi;

modernizatsiyalash natijasida qo‘llanilgan yangi texnika va texnologiyalarni ishlab chiqarish xarajatlari miqdori va tarkibiga ta’siri aniqlanadi;

ekologik jihatdan og‘ir sharoitlardagi hududlarda ishlab chiqarish xarajatlari miqdori va tarkibining shakllanish xususiyatlarini tahlil qilishdan iborat.

Anjuman ishida O‘zbekiston Respublikasi Oliy Majlisi Qonunchilik palatasi, Oliy va o‘rta maxsus ta’lim vazirligi, Iqtisodiyot vazirligi, “Petromaruz” kompaniyasi, “O‘zbek-Turk test markazi” MChJ qo‘shma korxonasi, “Istiqlol dizayn markazi” MChJ, “ALPER” qo‘shma korxona shaklidagi MChJ, O‘zbekiston Milliy universiteti, Jahon iqtisodiyoti va diplomatiya universiteti yetakchi mutaxassislari, professor-o‘qituvchilari, katta ilmiy xodim-izlanuvchilari, magistrant va iqtidorli talabalari ishtirok etdi.

Ekspertlarning prognozlariga ko‘ra, fan-texnika taraqqiyotidagi o‘zgarishlar tezligi, inson va kapital resurslaridan foydalanish imkoniyatlari kabi omillar mamlakatning uzoq muddatli rivojlanish yo‘nalishlarini belgilab beradi.

Mamlakat rivojlanishini sifat jihatdan yangi bosqichga ko‘tarish, 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qabul qilindi.

O‘zbekiston Respublikasi Prezidentining 2018-yil 5-iyundagi PQ-3775-sonli qarorida belgilangan vazifalar ijrosini amalga oshirish maqsadida 2018-yil 30-oktabr kuni Toshkent davlat iqtisodiyot universitetining “Makroiqtisodiyot” kafedrasi tomonidan “O‘zbekiston iqtisodiyotining barqaror rivojlanishi: omillar, natijalar va istiqbollar” mavzusidagi respublika ilmiy-amaliy anjumani o‘tkazildi.

Anjumanning asosiy maqsadi yetuk olimlar va amaliyotchilarning O‘zbekiston iqtisodiyotini barqaror rivojlantirish, ilmiy va innovatsion salohiyatni ilmiy-nazariy va ilmiy-amaliy baholashdan iborat. Jumladan, mamlakatning barqaror iqtisodiy rivojlanishiga ta’sir etuvchi asosiy omillar va natijalarga, pul-kredit va byudjet soliq siyosatlarini qatiy muvofiqlashtirish bo‘yicha ilmiy asoslangan hulosalar berish.

Mazkur anjumanda iqtisodchi olimlar, ilmiy tadqiqot institutlari direktorlari, amaliyotchi-mutaxassislar, shuningdek nufuzli OTM professor-o‘qituvchilari ishtirok etishdi.

 

 

Taniqli iqtisodchi-olimlar va amaliyotchilarning Harakatlar strategiyasining uchinchi ustuvor yo‘nalishi “Iqtisodiyotni rivojlantirish va erkinlashtirish” bo‘yicha qator islohotlarni amalga oshirishga oid taqdimotlari keltirilgan. 2017-2021 yillarda O‘zbekiston Respublikasini rivojlantirish-ning beshta ustuvor yo‘nalishi bo‘yicha Harakatlar strategiyasiga muvofiq “qabul qilingan o‘rta muddatli dasturlarni amalga oshirish asosida makroiqtisodiy muvozanatni saqlab qolish, tarkibiy va institutsional islohotlarni chuqurlashtirish hisobiga yalpi ichki mahsulotni barqaror yuqori o‘sish sur’atini ta’minlash” qayd etildi. Buning uchun an’anaviy o‘sish manbalari bilan birga yangi, yanada istiqbolli rivojlantirish omillarini ham ishga tushirish zarur.

2017 yilda mamlakatimiz YaIM 5,3%ga o‘sdi, shuningdek, 2017 yilda 68,4 trln. so‘m (dollar ekvivalentida 13,4 mlrd. AQSh dollari) yoki 2016 yilga nisbatan 120,4% asosiy kapitalga investitsiyalar o‘zlashtirildi. YaIMga nisbatan asosiy kapitalga investitsiyalarning ulushi 2017 yilda 26,9 %ni tashkil etib, o‘tgan yildagiga nisbatan 2,8% punktga ko‘paydi.

Bunda, mamlakatda investitsiya muhiti va ishbilarmonlik faolligini yanada oshirish, butun iqtisodiyot va uning tarmoqlari innovatsion tarkibini takomillashtirishni chuqurlashtirish, yakuniy mahsulotni ishlab chiqarishga yo‘naltirilgan ishlab chiqarishlarni keng ko‘lamli modernizatsiyalash, texnik va texnologik yangilash bo‘yicha chora-tadbirlar asosiy omil sifatida ilgari surilmoqda. Bu borada, innovatsion sohalarni rivojlantirish yo‘llarini ham inobatga olish lozim.

Barcha olimlar, jumladan xorijlik olimlarning anjuman maqolalari to‘plamiga qabul qilingan maqolalarda keltirilgan qiyosiy tanqidiy tahlillar va natijalar bo‘yicha xulosalari asosida hukumat uchun taklif va tavsiyalari tayyorlangan.

Ekspertlarning prognozlariga ko‘ra, fan-texnika taraqqiyoti o‘zgarishlari tezligi, inson va kapital resurslaridan foydalanish imkoniyatlari kabi omillar mamlakatning uzoq muddatli rivojlanish yo‘nalishlarini belgilab beradi.

Ushbu bashoratlarga ko‘ra, mamlakatni sifat jihatdan yangi bosqichda rivojlanishga ko‘tarish, 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qabul qilindi.

 

 

2018-yil 9-oktabrda Oliy va o‘rta maxsus ta’lim vazirligi hamda Toshkent davlat iqtisodiyot universiteti Menejment kafedrasi hamkorligida yosh olimlarning ilmiy tadqiqotlarini qo‘llab-quvvatlash, olib borilgan tadqiqotlarni keng joriy etish uchun “O‘zbekistonda innovatsion menejment strategiyalarini amalga oshirish amaliyoti” mavzuida Respublika ilmiy-amaliy anjumani o‘tkazildi.

Anjumanning asosiy maqsadi yetuk olimlar va amaliyotchilarning O‘zbekistonning ilmiy va innovatsion salohiyatni rivojlantirish sohasidagi mavjud ustunliklari bo‘yicha munosabatlar va e’tiroflarni ilmiy-nazariy, ilmiy-uslubiy va ilmiy-amaliy baholashdan iborat. Jumladan, mamlakatning ilmiy va innovatsion salohiyatini rivojlantirishga ta’sir etuvchi asosiy sharoitlari ko‘rib chiqildi.

 

 

Mazkur anjumanda iqtisodchi olimlar, ilmiy tadqiqot institutlari direktorlari, amaliyotchi-mutaxassislar, shuningdek nufuzli OTM professor-o‘qituvchilari ishtirok etishdi.

Anjumanda taniqli iqtisodchi-olimlar va amaliyotchilarning Harakatlar strategiyasining uchinchi ustuvor yo‘nalishi “Iqtisodiyotni rivojlantirish va erkinlashtirish” bo‘yicha qator islohotlarni amalga oshirishga oid taqdimotlari keltirilgan.

Avvalambor, demografik va ekologik cheklovlar sharoitida rivojlangan mamlakatlarda iqtisodiyotning o‘sishi fan-texnika taraqqiyotining ta’siri ostida mehnat unumdorligining o‘sishiga tayanadi. Globallashtirish harakatlari rivojlanayotgan mamlakatlarda ilg‘or texnologik yutuqlar va tadbirkorlik muhitiga moyillikni yaxshilash orqali jahon texnologik taraqqiyoti yutuqlaridan foydalanishni kengaytirgan holda jadal o‘sish imkoniyatlariga ko‘maklashadi.

 

 

Anjumanda 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq “qabul qilingan o‘rta muddatli dasturlarni amalga oshirish asosida makroiqtisodiy muvozanatni saqlab qolish, tarkibiy va institutsional islohotlarni chuqurlashtirish hisobiga yalpi ichki mahsulot barqaror yuqori o‘sish sur’atini ta’minlash” talab etilishi, qayd etildi. Buning uchun an’anaviy o‘sish manbalarini safarbar etish kabi, yangi, yanada istiqbolli rivojlantirish omillarini ham ishga tushirish zarur.

Bunda, mamlakatda investitsiya muhiti va ishbilarmonlik faolligini yanada takomillashtirish, butun iqtisodiyot va uning tarmoqlari innovatsion tarkibini oshirish yo‘nalishlarini yanada chuqurlashtirish, yakuniy mahsulotni ishlab chiqarishga yo‘naltirilgan ishlab chiqarishlarni keng ko‘lamli modernizatsiyalash, texnik va texnologik yangilash bo‘yicha chora-tadbirlar asosiy omil sifatida ilgari surilmoqda.

Bu borada, innovatsion soha va ITTKI sohasi asosan o‘zlashtirish yo‘lida rivojlanishini ham inobatga olish lozim. Iqtisodiyotning xomashyoga qaratilganligi va real investitsiyalar sektorini innovatsiyalarga modernizatsiyalash sharoitida bu asosan texnologik innovatsiyalarga xarajatlar ko‘rinishida namoyon etilishini anglatadi. Ushbu xarajatlar yangi jihozlarni xarid qilish va iqtisodiyot tarmoqlari texnologik bazasini qayta jihozlash xarajatlari ko‘rinishida taqdim etiladi. Bu, korxonalarning ITTKIning YaIM xarajatlari tarkibidagi ulushi ortishiga olib keladi.

Shuningdek, o‘rta muddatli istiqbolda TTS, texnoparklar, innovatsion g‘oyalarni tijoratlashtirish bo‘yicha agentliklar ko‘rinishida innovatsion infratuzilmani yaratish va elementlarini rivojlantirish ko‘zda tutilmoqda. Tnxnologik innovatsiyalardan, aynan, jihozlar xarididan o‘z texnologik ishlab chiqarishini yaratish va joriy etishga, ya’ni mavjud ilmiy salohiyatni rivojlantirish strategiyasiga o‘tishni amalga oshirish uchun shart-sharoitlar yaratilmoqda. Bunga, innovatsion tizimni takomillashtirish, mazkur tizimda yangi elementlarni yaratish, ilmiy-fanning ishlab chiqarish bilan aloqasi mustahkamlanishini rag‘batlantirish, innovatsion faoliyatning moliyalashtirilishini oshirish, yakuniy mahsulotga yo‘naltirilgan sanoat ishlab chiqarishini keng ko‘lamda modernizatsiyalash, texnik va texnologik yangilash bo‘yicha chora-tadbirlar kabi jihatlarni o‘z ichiga olgan innovatsion sohaning qonunchilik asosini yanada rivojlantirish va takomillashtirishga ko‘maklashadi.

Davlat tomonidan innovatsion o‘sish uchun sanoatning ishlov beruvchi hamda qayta ishlash tamoqlarida zarur bo‘lgan yangi qat’iy texnologiyalarni aniqlashga qaratilgan yagona texnologik siyosat ishlab chiqilmoqda va olib borilmoqda.

Yalpi majlisda agrosanoat majmui tashkilotlarining innovatsion faoliyati, to‘qimachilik korxonalarining innovatsion salohiyatini takomillashtirish va innovatsiyalarga venchur kapitali kabi qator masala, mavzu va muammolar muhokama qilindi.

Shuningdek, barcha olimlar, jumladan xorijlik olimlarning anjuman maqolalari to‘plamiga qabul qilingan maqolalarda keltirilgan qiyosiy tanqidiy tahlillar va anjuman natijalari bo‘yicha xulosalari asosida hukumat uchun anjumanning taklif va tavsiyalari tayyorlangan.

Anjumanning tashkiliy va ijodiy-tahririy komiteti tomonidan tadqiqotchilarning “eng yaxshi maqola” deb e’tirof etilgan maqolalari O‘zbekiston Respublikasi Vazirlar Mahkamasi qoshidagi Oliy attestatsiya komissiyasi tomonidan tavsiya etilgan va taqriz berilgan “Iqtisodiyot va innovatsion texnologiyalar” elektron jurnalida chop etishga tavsiya qilindi.

2018-yil 5-oktabr kuni Toshkent davlat iqtisodiyot universiteti Xotin-qizlar qo‘mitasi boshlang‘ich tashkilotining hisobot-saylov konferensiyasi bo‘lib o‘tdi. Unda i.f.d., professor Gulchehra Axunova universitet Xotin-qizlar qo‘mitasi boshlang‘ich tashkilotining 2014-2018 yildagi faoliyatiga doir hisoboti tinglandi.

 

 

TDIUda bugungi kunda 15 nafar fan doktori, 7 nafar professor, 8 nafar kafedra mudiri, 42 nafar fan nomzodi, 76 nafar katta o‘qituvchi faoliyat olib bormoqda, 1081 nafar talaba-qiz tahsil oladi.

Konferensiya, tanqidiy-tahliliy ruhda o‘tib, erishilgan yutuqlar bilan birga e’tibor qaratish zarur bo‘lgan faoliyat yo‘nalishlariga alohida to‘xtalib o‘tildi.

 

 

Jumladan, bugungi kunda olima ayollar oldida turgan vazifalar:

  • ilmli ayollarni mahallalarga jalb etish;
  • chet eldan kelgan olimalar bilan uchrashuvlar tashkil etish;
  • turli darajadagi respublika va xalqaro grantlar olish;
  • “Ilm yulduzlari” tanloviga yosh olimalarni tayyorlash;
  • Innovatsion g‘oyalar bilan ishtirok etish;
  • “2019-2021 yillarda innovatsion rivojlantirish strategiyasi to‘g‘risida” Prezident Farmoni 2018 yil 21 sentyabrda qabul qilinishi asosiy vazifalardan hisoblanadi. Yurtimizda 2030 yilgacha Global innovatsion indeks reytingi bo‘yicha jahonning 50 ta ilg‘or mamlakati tarkibiga kiritishdan iboratdir.

Shuningdek, talabalar turar joylaridagi faoliyatni kuchaytirish, qizlarni oilaviy hayotga tayyorlash, ularning sport bilan shug‘ullanishlari, turli to‘garaklarga jalb etish borasida qilinishi lozim bo‘lgan ishlar ustuvor vazifalar belgilab olindi.

 

 

Konferensiya ishida Chilonzor tuman hokimining o‘rinbosari, Xotin-qizlar qo‘mitasi raisi Gulnora G‘anieva, Ilmiy tadqiqot va ilmiy pedagogik xodimlarni tayyorlash bo‘limi boshlig‘i Ma’firat Qosimova, universitet olima ayollar kengashi raisi Shahnoza Ergashxo‘jayeva, professor Muhabbat Hakimova, Makroiqtisodiyot kafedrasi mudiri Mavluda Asqarova va boshqalar so‘zga chiqib, universitet Xotin-qizlar qo‘mitasi boshlang‘ich tashkilotining o‘tgan davrdagi faoliyatiga yuqori baho berib, galdagi vazifalar yuzasidan takliflar bildirdilar.

Konferensiyada tashkiliy masala ko‘rildi. Toshkent davlat iqtisodiyot universiteti Xotin-qizlar qo‘mitasi boshlang‘ich tashkiloti raisi etib, kelgusi 5 yilga Gulchehra Axunova saylandi.

 

Toshkent davlat iqtisodiyot universiteti Xotin-qizlar boshlang‘ich tashkiloti faollari ro‘yxati

Xotin-qizlar qo‘mitasi boshlang‘ich tashkiloti boshqaruv tizimi faollari

1 Axunova Gulchexra Nazarovna Iqtisod fanlari doktori, professor Markaz direktori Iqtisod fanlari doktori,

professor

2 Kasimova Mafirat Sabirovna Ilmiy tadqiqot va IPKT bo‘limi Bo‘lim boshlig‘i Professor
3 Ergashxodjaeva Shaxnoza Djasurovna Bank ishi fakulteti marketing kafedrasi Kafedra mudiri Iqtisod fanlari doktori, dotsent
4 Abduxalilova Laylo Toxtasinovna Marketing kafedrasi Dotsent Dotsent
5 Ganieva Muborak Adilovna Demokratik

davlat qurish nazariyasi va amaliyoti kafedrasi

Dotsent Dotsent
6 Askarova Mavluda Turabovna Iqtisodiyot fakulteti makroiqtisodiyot kafedrasi Kafedra mudiri Iqtisod fanlari nomzodi, dotsent
7 Karrieva Yakutdjan Karimovna Logistika va infratuzilmani rivojlantirish kafedrasi Professor Professor
8 Abduraxmonova Gulnora Qalandarovna Iqtisodiyot fakulteti mehnat iqtisodiyoti va sotsiologiyasi kafedrasi Kafedra mudiri Iqtisod fanlari doktori, dotsent
9 Karlыbaeva Raya Xojabaevna Korporativ boshqaruv kafedrasi Dotsent Iqtisod fanlari doktori,

Dotsent

10 Xakimova Muxabbat Fayzievna Kasb ta’limi (iqtisodiyot) kafedrasi Professor Professor
11 Mingazova Liliya Rifkatovna Xodimlar bo‘limi Boshliq
12 Sobirjonova Xolida Malikovna O‘quv-uslubiy boshqarma Metodist
13 Samatova Noila Subxanovna TDIU bosh buxgalteri o‘rinbosari Bosh buxgalter

o‘rinbosari

 

Xotin-qizlar qo‘mitasi boshlang‘ich tashkiloti a’zolari ro‘yxati

 

1 Jukovskaya Irina yevgenevna Iqtisodiyotda axborot tizimlari fakulteti 8iqtisodiyotda axborot texnologiyalari kafedrasi Kafedra mudiri Iqtisod fanlari nomzodi
2 Maksudova Dilshoda Kaxromonovna Fakultetlararo umumta’lim kafedralari ingliz tili kafedrasi Kafedra mudiri
3 Umarxodjaeva Muyassarxon Ganievna Menejment fakulteti menejment kafedrasi Dotsent Iqtisod fanlari nomzodi, dotsent
4 Ergasheva Shaxlo Turgunovna Buxgalteriya hisobi va audit fakulteti buxgalteriya hisobi kafedrasi Dotsent Iqtisod fanlari nomzodi, dotsent
5 Yaxshieva Mavluda Tursunovna Iqtisodiyot fakulteti iqtisodiyot nazariyasi kafedrasi Dotsent Iqtisod fanlari nomzodi, dotsent
6 Lutfullaeva Nigora Xalimbaevna Iqtisodiyot fakulteti kasb ta’limi (iqtisodiyot) kafedrasi Dotsent Psixologiya fanlari nomzodi
7 Qosimova Dilorom Sobirovna Logistika va infratuzilmani rivojlantirish kafedrasi Professor Professor
8 Jalolova Iroda Maxmudjanovna fakultetlararo umumta’lim kafedralari ingliz tili kafedrasi Katta o‘qituvchi
9 Nazarova Barnaxan Masharipovna Fakultetlararo umumta’lim kafedralari ingliz tili kafedrasi Katta o‘qituvchi
10 Begmatova Dilorom Baxodirovna Korporativ boshqaruv fakulteti, korporativ boshqaruv kafedrasi Kafedra mudiri Katta o‘qituvchi
11 Xashimova Dilyora Paxritdinovna Iqtisodiyotda Axborot tizimlari fakulteti iqtisodiyotda axborot texnologiyalari kafedrasi Katta o‘qituvchi
12 Safaeva Sayyora Rixsibaevna Xalqaro turizm fakulteti turizm va servis kafedrasi Dotsent Dotsent
13 Shayusupova Nargiza Turgunovna Iqtisodiyot fakulteti mehnat iqtisodiyoti va sotsiologiyasi kafedrasi Kafedra mudiri Iqtisod fanlari nomzodi, dotsent
14 Kamalova Malika Nizamovna Fakultetlararo umumta’lim kafedralari jahon tillari kafedrasi Kafedra mudiri Pedagogika fanlari nomzodi
15 Raximbabaeva Nigora Abdurasulovna Ijtimoiy fanlar kafedrasi Dotsent Dotsent
16 Kuzieva Nargiza Ramazanovna Buxgalteriya hisobi va audit fakulteti moliya va soliqlar kafedrasi Professor Professor
17 Ruzieva Dilobar Isomjonovna Iqtisodiyot fakulteti sanoat iqtisodiyoti kafedrasi Dotsent Dotsent